YOHANIS 10:11 - Susula Malalaok Hehelu Palak Ma Hehelu Beuk

¹¹ Au nde manafoo malole. Manafoo malole a ana fe basa so'da na neu bi'ilopo nala.

YOHANIS 10:11 ပူးပေါင်းရင်းမြစ်များ

2 SEMUEL 24:17

Dauk nita ata nusa so'dak fo manataonisa laun-na ndia, boema nafa'da Manetualain nae, “Au nde asala-asingo, nana au nde tao sala-singok ndia. Tehu leoina manahapu soe ndia, sala beek? Huku au ma au teidaleng-ngala!”

MAZMUR 23:1

Dauk kokoa-kikion-na. Manetualain sama leo hataholi manafoo esa ba'eneu au au ta to'a-taa fa.

MAZMUR 80:1

Soaneu mauli-malanga nakameek-ka. Tunga nakameek: Laisona se'bang-nga. Asaf fe sakasii Kokoa-kikion.

YESAYA 40:11

Sama leo manafoo esa, Ana nakaboboi bana-manun; Ndia mesak-kana, nde tao nakabubuas-sala. Ana ko'o bi'ilopo ana-la, Ana nakalala'ok inan-nala, no dale mangana'uk.

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

YESKIAL 34:2

“Hai hataholi daebafak fo, manasapu-manalalok-konei, fe mane-manek Israel-la, nasanene'da mahelek, ma manduku-malosak hata fo Au, Manetualain Fo Mademaina, nafa'das nae, ‘Soe ba'eneu emi, hai manafoo Israel-la lemin. Emi dudu'a-dodoo ka'da emi aoinam-ma mesak-kana, te emi ta dudu'a-dodoo, emi b'ilopom-mala fa.

YESKIAL 34:23

Neukose Au so'u manek esa, fo sama-na leo Au atang Dauk, soaneu ana da'di sila manafoo kisan-na, fo nakabobois.

YESKIAL 37:24

Neukose ala da'di esa nai manek esa paletan-na dae, sama leo Mane Dauk-ka, fo ana paleta losa dodoon-na. Neukose, ala tunga Au hoholo-lalaneng no lilinekak. Sila, boema sila tititi-nonosin-nala, neukose ala leo dae ndia, dae fo Au fen neu Yakob, ma sila bei-ba'i kain-nala leon losa dodoon-na.

MIKHA 5:4

ma neukose Ana fes mole-dame. Metema solda'du Asyur-ra sapu-la ita nusan-na, fo ala hona lakalulutuk ita kota musun-na soona, neukose ita tadenu ita mauli-malangan mabe'i-balakain-nala fo latee-lata'ti los. Ita mauli-malangan sila-la, neukose ala sengi Asyur no be'i-balakai tafa-sisilo, fo soi-tefa-na ita neme sila liman mai.

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

MATEOS 20:28

Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

YOHANIS 10:2

Tehu hataholi fo ana leo dalek tunga lelesu a soona, manafoo nde ndia dei.

YOHANIS 15:13

Hataholi manasue-lai tolanoo nala ba'u ka, nde hataholi fo ana feheni so'da na soaneu tolanoon sila la.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

1 PETRUS 5:4

Soona mahani te, neu faik fo Mana Foo-lolo Matua Ina ndia Ana mai soona, neukose emi sipo ti'ilanga mandela-masa'a ka, fo ndela-sa'an ta kou mosa fa.

1 YOHANIS 3:16

No enok ndia de, besak ia ita bubuluk eno nasue-nalai ao ka nde: Kristus fe heni so'da na soaneu ita. Hu ndia de, ita muse fe heni ita so'da na soaneu ita tolano nala boe.

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”