YOHANIS 1:21 - Susula Malalaok Hehelu Palak Ma Hehelu Beuk

²¹ Boema hataholi sila latane selu kana lae, “Metema leondiak soona, o ia see? Ade Elia ta nde o fa do?” Tehu Yohanis nataa nae, “Ta.” Boema latane la'iesa selu kana lae, “Ade o ia Nabi do?” Yohanis nataa nae, “Ta.”

YOHANIS 1:21 ပူးပေါင်းရင်းမြစ်များ

MALEAKHI 4:5

Tehu fai matuaina ma neni bibii-namata'uk fo Au aketuk ndia, beita losa fa, te neukose Au adenu Nabi Elia mai neu emi.

MATEOS 11:14

Ma metema emi nau mamahele Yohanis ndia nde Elia, fo mamai na nananafa'da ela basak so.

MATEOS 16:14

Boema ana mana tunga nala lae, “Hataholi nggelok lafa'da lae, Yohanis Mana Salani ka, nggelok lae, Elia. Tehu nggelok bai soona lae Yeremia, do nabi esa nde ndia.”

MATEOS 21:11

Boema hataholi makadotok fo mana tunga Yesu sa lafa'das lae, “Ndia nde Nabi Yesus neme Nazaret fo nai Galilea.”

LUKAS 1:17

Neukose ana da'di Manetualain hataholi nadedenu balakain, ma nanuu koasa sama leo Elia. Neukose ana mole-dame ama ka no ana ka, ma hataholi manatunga ta kala, neukose ana hela-noles fali leo dudu'a-aafik fo ndo sa leu. No enok ndia, ana sadia hataholi kamahehelek bubuak esa fo laheheleaon basa, soaneu Lamatua ka so.”

YOHANIS 1:22

Boema lafa'dan lae, “Metema leondiak soona, mafa'da ami, see o ia, fo ami meu soona, ami mafa'da hataholi manamadenu ami a mae, see o ia.”

YOHANIS 1:25

latanen lae, “Metema o ta nde Mane Mana Soi-Tefa ka, ma ta nde Elia, boema ta nde nabi esa boen, na tao le'e de o salani hataholi?”

YOHANIS 6:14

Hataholi makadotok sila la lita Yesus tao manda'di beuk ndia, boema bekola lae, “Tete'e ka, Nabi fo ita tamahena Ana mai leo daebafa ka mai a, nde Hataholi ia so!”

YOHANIS 7:40

Hataholi makadoto kala lamanene Yesus kokolan ndia boema, hataholi nggelok lai hataholi sila dalek bekola lae, “Tao leo bee o, Hataholi ia nabi ndia!”