YOEL 3:9 - Susula Malalaok Hehelu Palak Ma Hehelu Beuk

⁹ Po'a-benga paleta ia neu leoina-la mae, Maheheleaom fo meu matee-mata'ti ma makasusu'di balakaik! Hoka basa meo-la ma palani ta'ti batu-la; tao makabubua basa solda'du-la fo tutulumatak!

YOEL 3:9 ပူးပေါင်းရင်းမြစ်များ

MAZMUR 96:10

Tui-benga neu leoina-la mae, “Manetualain ndia Manek! Daebafak-ka, matea-mahelek, de ta naggengo fa; Neukose Ana naketu-nala'di leoina-la no ndoos ma matetuk.”

YESAYA 34:1

Hai leoinak-kala lemin, mai fo takabubua, ma mamanene leon-na. Nemen-na fo, basa daebafak-ka lala'en-na, ma basa hata maso'dak nai dalek-ka, ala mai fo lamanene.

YEREMIA 31:10

Manetualain nafa'da n, “Mamanene leona hai leoina-la lemin! Manduku-malosak Au hala-haituang-nga lo tasi selik neu: neu Au anang-ngala fo Au tao tapasalak-kala neukose Au tao akabubuas ma Au akaboboi matalololes sama leo manafoo-a nanea bi'ilopon.

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

YEREMIA 51:11

Manetualain nakaduduk Manek Media, hu ka nde ndia sanga tao nakalulutuk Babel. Enon-na leondiak fo ana hapu balas falik hataholi fo manatao nakalulutuk Uman-na. Basa malanga soloda'du sila la paleta, “Fofola matane kokou isik-kala! Ho'i-ma babaafanak-kala!

YEREMIA 51:27

“Hei Manek Kii! Tao ta'du tana sapu-nak. Fuu ma lii trompet fo basa leoinak-kala lamanene! Madenu leoinak-kala fo leu sapu-la Babel! Mafa'da nusa Ararat, Mini ma Askenas sapu-las. So'u ma malangan soloda'du esa fo nalanga nate-natatik-ka. Fe ndala-la de'u lamak-kala lakabubua.

YEREMIA 6:4

Neukose lafa'da lae, “Ayo, maheheleaom leona, fo ata sapu-ta, Yerusalem! Mai fo, ata sapu-tan, nai faik ia boe!” Tehu basa boema, neukose lafa'da lae, “Wah, ita ta tasi'a fa, de le'do-a sanga tenak so, salao le'donosok-ka mulai namanalu so.

YESKIAL 38:17

Ade makahulun-na, Au kokolak tunga Au atang-ngala, ma nabi Israel-la, ta la'eneu o nde ndia fa do? Ala lafa'da, lae nai tepo lelek manamaik-ka, neukose Au adenu hataholi esa, neu sapu-na Israel. Au Manetualain Fo Mademaina, nde manakokolak-ka.”

YESKIAL 38:7

Madenun fo naheheleaon, ma fe paleta neu basa solda'du fo, manatunga loon-na, fo ela laheheleaon tunga paletan-na.

MIKHA 3:5

Nabi-nabi fo lafa'da memak hata fo malole neu hataholi manafes doik-ka, ala ke'di-ndiu Au leoinang-nga, tehu ala tao musu ma ala heheta-aa'i hataholi manafe taak-kala. Manetualain nafa'da nabi-nabi leo silak-ka nae,

HAGAI 2:7

Neukose Au tao anggengek basa leoina-la, fo neukose leni hata-heton-nala leo ia mai, nalosa Au Umang-nga, neukose henuk no sila su'i-beten-nala.

ZAKHARIA 14:2

Neukose Manetualain naloo nakabubua basa leoina-la, fo leu sapu-la Yerusalem. Neukose ala loso-la kota ndia, ala bonga uman-nala ma ala sungu loo inan-nala. Neukose, ala foo leni laun-na seli, leo mamana tu'u-tapak neu, tehu bei ela hataholi-la, ala leo lahele nai kota ndia.

ZAKHARIA 14:3

Boema neukose Manetualain tutulumatak, fo natee-nata'ti la'ban leoina sila-la, sama leo Ana taon nai tepo-lelek makahulun-na.