YOEL 3:7 - Susula Malalaok Hehelu Palak Ma Hehelu Beuk

⁷ Besak ia, Au kalua henis leme mamanak fo emi mase'o henik-kala mai, ma neukose Au balas emi tatao-nono'i mangalaum soaneus-sala.

YOEL 3:7 ပူးပေါင်းရင်းမြစ်များ

ESTER 7:10

Haman nanalonak neu dii fo napadedeik basan soaneu Mordekhai-a, leondiak. Basa ndia boema, besak-ka manek-ka nasa-melun tenak.

YESAYA 11:12

Neukose Manetualain nasa'e dedeo esa, soaneu leoina-la. Ta'du-tanan nde ndia, foo nae Ana tao nakabubua falik leoina Israel ma Yehuda, fo manatapasasalak lai daebafak-ka bu'un lala'en-na, fo no falik-kasa.

YESAYA 49:12

Au anang-ngala, mai beosu leme dook-ka mai, leme kii, muli ma Sinim fo nai kona.”

YESAYA 66:6

Mamanene! Te hapu hala makalupuk nai kota; hapu halak neme Au Umang mai; ndia nde Au halang fo, balas musu-a!

YEREMIA 23:8

te ka'da neme Au-a mai Manetualain fo maso'dak-ka fo mananeni falik hataholi Israel-la kalua neme nusak esa nai dulu, ma neme basa nusak fe'ek-kala fo nai bee Au tao tapasasala sila. Sila neukose ala leo om sila dae oen-nala.”

YEREMIA 30:10

Au anang Israel-la lemin, boso bii! Au atang Yakob, boso nggenge-boik! Neukose emi mo emi tititi-nonosim-mala Au soi-po'is neme nusa dok fo mamanak emi nanahukuk-ka. Neukose emi me'um-ma leo emi nusa-namom-ma fo leo no nene-lino-linok. Neukose emi leo no dale manatesa-tama; ta palu emi bii-mamata'u hata esa boen.

YEREMIA 30:16

Tehu besak ia basa manako'do emi-a, neukose nanako'dok, ma basa o musumom-mala neukose nanafoo nenik lo mamana tu'u-tapak-ka neu. Neukose Au tuni-ndeni manatuni-ndenik-ka, neukose Au amanako manamamanako emi-a.

YEREMIA 31:8

Au o falik-kasa neme kii mai; Au tao akabubuas neme daebafak-ka pe'dak leo pe'dak neu. Hataholi pokek-kala ma hataholi lu'uk-kala neukose ala tunga los, boema inak fo manabongi beuk-kala, ma inak kaiulis fo deka bobongik-kala boe. Sila basa-basas neukose ala fali ma'is te dede'un-nala mafandiknan lo nusak ia mai.

YEREMIA 32:37

Neukose Au tao akabubua leoina ia, neme basa nusak fo Au tao tapasasalas nanahu Au nasa-melung neus. Neukose Au o falik-kasa lo mamanak ia, ma Au fes leo nai mamanak ia no nene-lino-linok.

YESKIAL 36:24

Neukose Au tao akabubua emi, neme basa leoina ma nusak-kala mai, fo Au o falik emi leo emi dae-ma meu.

YESKIAL 38:8

Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.

YOEL 3:4

Emi sanga tao Au ia le'e, hai Tirus, Sidon ma basa nusa Filistin-na lemin? Emi sanga balas nape'da dalek soaneu Au do? Nah, sipo-ma Au babala manamaing-nga no lai-laik.

ZAKHARIA 9:13

Neukose Au pake Yehuda da'di leo palani ta'tibatu-la kokoun-na, ma Israel da'di leo kokou isik, fo nahani ka'da po'in neu. Au pake laun Sion-na da'di leo tafaina; fo no tafaina ndia, neukose Au sapu-a hataholi Yunani-la.”

MATEOS 7:2

Nanahu emi maketu-mala'di hataholi tao leo beek soona, neukose Manetualain naketu-nala'di emi tao leondiak boe. Boema emi uku-dou hataholi minik ai uku bee soona, neukose Manetualain pake seluk ai uukuk ndia fo ana uku-dou emi boe.

2 TESALONIKA 1:6

Neukose naketu-nala'di tunga matetu na, ma neukose Ana balas doidosok neu hataholi mana tao doidoso emi a.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.

NINITAK 13:10

“Hataholi fo muse nanatahan soona, tao leo beeo neukose nanatahan. Ma hataholi fo muse nanataonisak ninik tafaina soona, tao leo beeo neukose nanataonisak ninik tafaina. Hu ndia de, Manetualain hataholi kamahehele nala muse lakatatakak ma lilineka.”

NINITAK 16:6

Hataholi daebafak mangalau kala taolisa Manetualain hataholi kamahehele nala ma nabi nala so. Besak ia O fes linu daak. Memak ndia nandaa soaneus!”

NINITAK 19:2

Nakeketu na tunga ka'da ndo na, ma manatee tenok. Naketu basa huhukuk soaneu manasosoa-piao matuaina, fo manatao nalutu daebafa ka ninik sosoa-piaon. Manetualain huku basa manasosoa-piaok ndia, nana ana taonisa Manetualain ata nala.”

HAKIM-HAKIM 1:7

Boema, Adoni-Bezek nae, “Makahulun-na, au te'te heni manek hituhulu, limaku'uinan-eiku'uinan-nala so, boema au po'ilotak-kasa la'a nana'a elak fo manatu'da leme au meing lain mai. Besak ia, Manetualain tao au, saman-na leo au tao sila.” Basa boema, ala fo leni Adoni-Bezek leo Yerusalem neu, de maten neme naa.

SEMUEL SUSULAK-KA ESAN-NA 15:33

Boema Semuel nafa'da nae, “Sama leo o tafainam-ma tao namopo inak makadotok anan-nala so, leondiak boe, neukose mopo o inam, anan-na boe.” Boema Semuel tete'te Agag nai mei tunu-hotuk manai Gilgal-la matan.