YOEL 3:5 - Susula Malalaok Hehelu Palak Ma Hehelu Beuk

⁵ Emi mamanako-ma, Au lilopilang ma lilofulang-ngala so, ma Au hata-heto kabeling-ngala, emi ho'i menis leo emi uma sosongom-ma neu.

YOEL 3:5 ပူးပေါင်းရင်းမြစ်များ

2RAJA-RAJA 12:18

Boema, Yoas haitua fe Hazael doik, fo boso neu sapu-na Yerusalem. Ana hapu doik sila-la, neme basa tutunu-hohotuk, fo makahulun-na Yoas, ma Yosafat, Yoram boema Ahazia, fo manek sila-la, ala paleta lakahuluk neme Yoas mai. Manek sila-la, ala fe basa doik sila neu Manetualain so. Yoas fe basa lilopilas manai kas, fo nai Manetualain Uman dale, ma manai manek-ka uma manen-na boe. Hu ndia de, Hazael ta da'di sapun-na Yerusalem fa.

2RAJA-RAJA 16:8

Ahas ho'i lilopilas, ma lilofulak neme Manetualain Uman dale mai, ma neme uma manek-ka hata-heton mai, de ana fe palsen-nana neu mane Siria ndia.

2RAJA-RAJA 24:13

Nebukadnezar tao nakalulutuk la'iesak, Mane Salomo-a taon-na basa hata-heto lilopilas soaneu Manetualain Uman-na. Boema ala ho'i leni la'iesak, hata-heto kabelik manai Manetualain Uman-na, ma manai uma manek-ka, leo Babel neu. Basa sila-la, ala da'di, fo nandaa no hata fo, Manetualain nafa'da nakahuluk-kana so.

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

YEREMIA 23:7

Neukose losa fain-na te, hataholi ta supa-soo nenik Au na'deng-nga, Manetualain fo maso'dak-ka, fo mananeni falik hataholi Israel-la kalua leme Masir mai,

YEREMIA 50:28

Basa hataholi mana malai leo Yerusalem fo mana neme Babel-la ala tui ita Amak Manetualain balas hataholi Babel-la tatao-nono'i neu Manetualain Uman-na.)

YEREMIA 51:11

Manetualain nakaduduk Manek Media, hu ka nde ndia sanga tao nakalulutuk Babel. Enon-na leondiak fo ana hapu balas falik hataholi fo manatao nakalulutuk Uman-na. Basa malanga soloda'du sila la paleta, “Fofola matane kokou isik-kala! Ho'i-ma babaafanak-kala!

YESKIAL 37:12

Hu ndia de, mafa'da Au anang Israel sila-la mae Au, Manetualain Fo Mademaina, neukose soiheni sila laten-nala. Neukose Au kaluahenis leme ndia mai, fo Au fe falik-kasa leo dae Israel-la leu.

DANIAL 11:38

Nasafalin-na, neukose ana fe ha'da-holomata neu lamatua daebafak fo bei-ba'i kain beita sene-do'ok lita fan, fo nde lamatua daebafak manamasulu-mahapa kota musu-la. Neukose ana tunu-hotu lilopilas, lilofulak, poemata ma tunu-hotu malole-mana'a fe'ek fe lamatua daebafak fo bei-ba'i kain beita sene-do'ok lita fan.

OBAJA 1:17

“Tehu neukose, hapu nggelok laso'da nai lete Sion-na, fo letek ndia ana da'di mamana hehelik soaneu Au. Soona neukose, Yakob tititi-nonosin hapu falik sila dae pusakan-na.