YOEL 3:4 - Susula Malalaok Hehelu Palak Ma Hehelu Beuk

⁴ Emi sanga tao Au ia le'e, hai Tirus, Sidon ma basa nusa Filistin-na lemin? Emi sanga balas nape'da dalek soaneu Au do? Nah, sipo-ma Au babala manamaing-nga no lai-laik.

YOEL 3:4 ပူးပေါင်းရင်းမြစ်များ

2TAWARIKH 21:16

Nai lelek ndia hataholi Filistin ma hataholi Arab leo deka nai hataholi Sudan-nala nggolon-na nai tasi su'un-na. Manetualain nakababale hataholi sila dalen-nala soaneu leu latee-latati loo Yehoram.

YESAYA 14:29

Hai leoina Filistin-nala lemin, ai kalapu'ak fo nanapakek soaneu fepa o-a, la'din so. Tehu o boso mamahoko dei, nana metema mate menge esa soona, menge fo mangalaun-na lena seluk, ana mai nggatin, ma menge tolo-a, ana tutu buta mali'dak.

YESAYA 34:8

Fain-na nde ndia, fo Manetualain nasala'e Sion, ma Ana balas nape'da dalen-na neu musun-nala.

YESAYA 59:18

Ana balas musun-nala, nandaa no sila tatao-nono'in-nala. Nakalenak, leoina manai pulu dook-kala, ta lala huhukun-na deak fa.

YEREMIA 47:1

Manek Masir beita sapun-na Gaza boen te, Manetualain kokolak neu au la'eneu nusak Filistin-na.

YEREMIA 47:4

Losa fain-na ia so soaneu leoina Filistin nanatao namate-namopo la'i esak, de nalosa Tirus ma Sidon ta hapu tutulu-fafalik seluk fa. Au, Manetualain, neukose tao amate-amopo basa hataholi Filistin fo bei elak maneme Kreta mai-a.

YEREMIA 51:6

Tulu fali ma aopaam-ma! Hu ka nde losa fain-na so fo balas Babel mangalaun-na, ma hukus tunga sila tatao-nono'in-na.

YOEL 2:10

Lelek ala bei tutulumatak te, daebafak-ka dele, ma lalai-a boeo, ana dele. Boema le'do ma bulak-ka makahatuk, ma nduuk-kala ta lasalaa fa.

YOEL 2:2

Faik ndia makiuk ma makahatuk, henuk no makamamasuk ma'u-ma'uk-ka. Lamak bubuaina esa mai osu-osu sama leo ko'as fo natabaa nai letelepak lain. Manada'dik leondiak-ka, beita da'di nita fa, ma neukose ana ta da'di seluk losa dodoon-na.

MATEOS 11:21

“Soe ba'eneu kota Korasi no hataholi nala! Ma soe ba'eneu kota Betsaida no hataholi nala boe. Leo uni ka, manda'di beuk fo nanataok neme emi tala'da ndia, nanatao basak neme Tirus no Sidon soona, tao leo bee o hataholi manai naa la, ala tuka tei-sale dale basa doo ka leme sala-singo nala mai so, ma ala pake bua papake fafaluk, boema ala tao afu neu langa nala lain.

MATEOS 11:22

Mafandendelek leona te, neu Fai Mate'e ka te, neukose mudak la'i esa kana, hataholi Tirus ala ma hataholi Sidon ala Manetualain fe do'o do ampon neu sala-singo nala, neme emi mai!

LUKAS 10:13

“Soe ba'eneu emi, fo kota Korazim! Ma soe ba'eneu emi, fo kota Betsaida! Leo uni ka, basa manda'di beuk fo nanataok neme emi tala'da ndia, nanatao basak neme kota Tirus ma Sidon na soona, tao leo bee o, hataholi sila la, ala tukatei-saledale basa doo ka, leme sila sala-singo nala mai so, boema ala pake bua-lo'a fafaluk, ma ala tao daesopuk neu langa nala lain.

LUKAS 10:14

Neu fai mate'e ka te, ndofo na seli soaneu Manetualain fe do'o do ampon neu hataholi Tirus-sala lo hataholi Sidon nala, neme emi mai.

LUKAS 18:7

Naa, ade Manetualain neukose ta nasala'e hataholi kamahehelen fo lalo bou-bou lon lele'do-le'odaen fa do? Ade nakadodook fai na, fo Ana ta tulu-fali fas do?

HATAHOLI 9:4

Tutika ana bala neu dae, boema namanene halak esa nafa'dan nae, “Saulus, Saulus! Tao le'e de o tuni-ndeni Au?”

ULANGAN 32:35

Neukose Manetualain balas ma Ana hukus, ta dook-ka so'on te, ala tu'u leu fo mate-mopos; sila fai nakalulutun-na, ana losa no lai-laik.

2 TESALONIKA 1:6

Neukose naketu-nala'di tunga matetu na, ma neukose Ana balas doidosok neu hataholi mana tao doidoso emi a.

HAKIM-HAKIM 11:12

Basa ndia boema, Yefta nadenu hataholi neu leo mane Amon-na neu, fo nafa'dan nae leo ia, “Ami sala beek, de emi o mata'ti moo ami nusam-ma?”