YOEL 3:17 - Susula Malalaok Hehelu Palak Ma Hehelu Beuk

¹⁷ “Hai Israel, besak ia neukose emi bubuluk, mae Au nde Manetualain fo emi Manetualaim-ma. Au leo nai Sion, fo Au lete malalao-malalafung-nga. Soona Yerusalem boeo, ana da'di kota malalao-malalafuk, neukose hataholi nusa dea ta neu leo dalek neu so'on.

YOEL 3:17 ပူးပေါင်းရင်းမြစ်များ

AYUB 15:19

Lelek ndia, hataholi nusa dea, ta leo nai sila nusan-na fa,; ta hapu hata esa boen, tao nalas latofa-latalak leme Manetualain mai fa.

MAZMUR 76:2

Manetualain nananita-nalelak nai Yehuda; na'den-na nanakoa-nanakiok nai Israel.

MAZMUR 9:11

Hataholi fo nalelak O-a, namahena neu O, ou Manetualain hataholi fo manasene-do'ok neu O-a, O ta la'oela fan.

KELUARAN 16:12

“Au amanene basa hataholi Israel-la nakamuu-muun-na so. Mafa'das mae, ‘Nai fai le'donoson-na, ala hapu la'a paa, ma nai fai fafain-na, ala hapu la'a loti losa lakabete.’ Soona neukose ala bubuluk, lae Au nde Manetualain, fo sila Manetualain-na.”

YESAYA 11:9

Ta hapu hata mangalauk ma nalutuk nai Sion, fo Manetualain Pupuku Malalao-malalafun-na fa. Neukose nusak-ka, henuk no malelak la'eneu Manetualain, sama leo oe henu tasi-a.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 35:8

Neukose, hapu okofoo nai naa, na'de, “enok manaleo so'da-molek-ka neu.” Neukose hataholi masala-masingok-ka, ta tunga enok ndia fa, hataholi nggoak-ka, neukose ana ta taon-na hataholi manatunga enok ndia, sala enok ndia fa.

YESAYA 4:3

Bei ela hataholi manai Yerusalem-mala, hataholi fo Manetualain heles soaneu nanasoi-tefak-kala, neukose lokes lae, malalao-malalafuk.

YESAYA 46:13

Neukose Au fe fai soi-po'ik-ka, ana deka, so'da-molek fo Au fe-ka, ta nakano'dok fain-na so'on. Neukose Au soi-tefa Yerusalem, ma Au fe ha'da-holomata neu Israel.”

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

YESAYA 56:7

“Neukose Au o emi leo Sion, leo Au pupukung fo, malalao-malalafuk-ka neu, ma Au fe namahoko-seteleek, nai Au uma mamasong-nga Tutunu-hohotuk fo, emi tunu-hotun nai Au mei tunu-hotung lain-na, neukose Au sipok-kana. Neukose loke Au Umang-nga soona lae, uma huhule-haladoik soaneu leoina lala'en-na.”

YEREMIA 31:23

Manetualain Fo Manakoasa, fo Israel Manetualain-na nafa'da nae, “Metema Au tao-a Au anang-ngala lalole-lanapu sama leo makahulun-na soona, nai nusak Yehuda no nggolo-ta'dun-nala neukose hapu lamanene seluk hataholi-la kokolak lae, Sa'di leo Manetualain been-na ba'e-pala pupukuk malalaok-ka nai Yerusalem fo mamanak leleok fo malalaok ba'eneun.

YEREMIA 31:40

Basa bafak ndia lala'en-na fo nanapakek da'di leo mamana loo-latek ma mamanak tu'u-tapak kadafuk, ma basa tina osi manai lee Kidron su'un-na losa lo Lelesu Ina Ndala fo lo dulu neu-a, neukose ana da'di hehelik soaneu Au. Kota Yerusalem-ma neukose ta nanatao natu'uk fa, do nanatao nakalulutuk fa.”

YESKIAL 20:40

Nana nai dae Israel-la, fo nai Au lete malalao-malalafung-nga poin-na, emi basa-basam-mala, fo leoina Israel-la, neukose sene-do'ok neu Au. Nai naa, neukose Au amahoko, fo Au sipok emi tutunu-hohotum, emi tunu-hotum malolem-mala, emi fe-fe hehelim-mala.

YESKIAL 37:6

Au fe emi uak ma isik, boema Au potiketu emi nenik louk. Neukose Au fe emi ani hahaek, fo emi maso'da. Soona emi bubuluk, mae Au nde Manetualaim-ma.”

YESKIAL 43:12

Nakeketuk la'eneu Manetualain Uman-na nde ia: Basa mamanak manai letek ndia poin-na lala'en-na, nde been-na malalao-malalafuk.”

YESKIAL 44:9

Au, Manetualain Fo Mademaina po'a-benga, ae hataholi nusa dea fo, nanasunat beitak-kala, ma hataholi fo, ana tunga neu Au fa, ta bole masok Au Umang-nga fa. Nakanenetek ndia, la'e hataholi nusa dea fo, ala leo lahele lai, leoina Israel-la tala'da heon-na boe.”

YESKIAL 48:35

Basa papala nanadamak ndia lala'en-na, nanalun-na kilo sio. De mulai hatematak ia, hataholi-la foi kota ndia na'de: “Manetualain NAI NDIA!”

DANIAL 11:45

Nakalenak, neukose napadedeik lalaa temak paletan-na nai tasi ma letek-ka tala'da; letek fo Manetualain Uma mamanan-na. Tehu basa boema, neukose maten, de ta hapu hataholi esa boen tulu-fali fan.”

DANIAL 9:16

O masala'e ami nai tepo-lelek makahulun-na so, hu ndia de, boso boe mamanasa Yerusalem, fo O kotam-ma, O pupuku malalao-malalafum-ma. Hu kande ami sala-singom, ma ami bei-ba'i kaim tatao-nono'i mangalaun-nala, boema basa hataholi manai ami boboa-kaisum-mala lakadadaek Yerusalem ma O anam-mala.

YOEL 2:27

Boema emi bubuluk leon hai Israel, te Au nai emi tala'da heom, ma bubuluk mae, tete'ek-ka Au nde been-na, Manetualain, fo emi Manetualaim. Ta hapu fe'ek so'on, te ka'da Au mesang-nga. Neukose, ta lakamamaek Au anang-ngala so'on!”

MIKHA 4:7

Ala tao lalas da'di lu'uk so, ma dook-ka leme nggolo-ta'dun mai. Tehu, neme bei ela hataholi sila-la mai, de neukose Au mulai tititi-nonosi beuk esa. Neukose ala da'di leoina matua ma mabe'i-balakaik. Neukose Au paletas nai Pupuku Sion-na losa dodoon-na.”

NAHUM 1:15

Mitak, hataholi nadedenuk esa, ana mai tunga letek-kala, neni hala malole, hala sesengik. Hai leoina Yehuda-la lemin, tao emi fai malolem-ma, ma tao matetu emi hala hehelum neu Manetualain-na. Neukose hataholi managalauk-ka, ta paleta emi nusam-ma so'on. Nana tao nakalulutuk-kasa so.

ZAKHARIA 8:3

Neukose Au fali leo Yerusalem, fo Au kota malalao-malalafung ndia u, fo Au leo nai ndia. Neukose lalelak Yerusalem, da'di leo kota manalilinekak, ma neukose loke Manetualain Fo Manakoasa pupukun-na soona, lae Pupuku Malalao-malalauk.

NINITAK 21:27

Tehu hataholi fo manatao-no'i dede'a manggenggeo kala, do hataholi masapepeko-masandandali ka, dede'a keke'u na, hata beek boe – metema manggengeok soona, neukose ta masok leo kota ndia dalek makandondook fa. Fo manamaso ka nde ka'da hataholi fo na'de nala nanasulak nai Susula Hataholi Maso'da kala fo nde Bi'ilopo Ana ndia susulan dale.