YOEL 3:10 - Susula Malalaok Hehelu Palak Ma Hehelu Beuk

¹⁰ Tutu o tata'tim-ma da'di tafaina, ma tao o dope nggenggeum-ma da'di tee isik. Hataholi tapandoes-sala boeo, muse lafa'da lae, ‘Au atee-atati abe'i sama leo solda'du-la!’

YOEL 3:10 ပူးပေါင်းရင်းမြစ်များ

2TAWARIKH 25:8

Tehu metema Ama Manek-ka'da pakes soona, neukose Manetualain po'ilotak musu-a sengi Ama Manek leomae Ama Manek solda'dun-nala mabe'i-balakaik ma palani. Nana ka'da Manetualain mesak-kana nde nanuu koasa fe sesengik do kakalak.”

YESAYA 2:4

Neukose naketu-nala'di nai leoina-la tala'da, ma naketu dede'ak nai leo-leo ma leoina-la tala'da. Neukose tafaina nanatutuk da'di tata'tis, ma tee-a taon da'di dope keke'di na'u. Leoina-la, esa ta sapu-na esa so'on, boeo ta laheheleao sanga latee-lata'ti fa.

YEREMIA 51:11

Manetualain nakaduduk Manek Media, hu ka nde ndia sanga tao nakalulutuk Babel. Enon-na leondiak fo ana hapu balas falik hataholi fo manatao nakalulutuk Uman-na. Basa malanga soloda'du sila la paleta, “Fofola matane kokou isik-kala! Ho'i-ma babaafanak-kala!

MIKHA 4:3

Neukose Manetualain naketu leoina no leoina dede'an-na, nusaina mabe'i-balakaik no nusaina mabe'i-balakaik, nau manai dook-ka do manadekak-ka boe. Neukose ala tutu sila tafainan-nala da'di tata'tis ma sila teen-nala da'di dope nggenggeuk. Leoina-la, esa ta sapun-na esa so'on, boeo ta laheheleaon fo sanga latee-lata'ti so'on.

ZAKHARIA 12:8

Nai faik ndia, neukose Au asulu-ahapa laun Yerusalem-mala; ma manandole-dakuk nanseli, nai sila dalek boeo, neukose ala da'di mabe'i-balakaik, sama leo Dauk be'i-balakain. Neukose Dauk tititi-nonosin hela-noles, sama leo Au ata nusa so'dang-nga hela-noles nakalenak, sama leo Au nde hela-noles-sala.

LUKAS 13:12

Lelek fo Yesus mete nitan boema, Ana bou kana nae, “Ina, lea-hai meme o he'di ma mai leona!”

LUKAS 22:36

Yesus nae, “Tehu besak ia see nanuu mamana bua-lo'as, do alukosu soona, muse ho'i ninin, ma see tafainan ta soona, muse nase'o ba'du manalu na fo asa tafaina.