YOEL 3:1 - Susula Malalaok Hehelu Palak Ma Hehelu Beuk

¹ Manetualain nafa'da nae, “Nai lelek ndia, neukose Au tao falik Yerusalem ma Yehuda su'i-beten-nala.

YOEL 3:1 ပူးပေါင်းရင်းမြစ်များ

MAZMUR 14:7

Ela leo been-na, Israel so'da-molen, ana mai neme Sion mai! Boema, Yakob tititi-nonosin, neukose namaoko metema Manetualain natetea-nahehele anan-nala so'dan-nala.

MAZMUR 85:1

Soaneu mauli-malanga nakameek-ka. Teidalek Korah Kokoa-kikion-na.

AMSAL 1:23

Metema au kena-ka'i emi, fo emi mamanene au, soona neukose au afa'da au daleng-nga oe-isin neu emi, ma au anoli au malelang-nga neu emi.

YESAYA 44:3

Nana, neukose Au fe oe leo dae tuuk-ka neu, ma Au fe lee-la, ala faa lai dae tokotik-kala. Neukose, Au fe Au koasang-nga, neu o tititi-nonosim, ma Au fe o upu-anam, baba'e-papalak.

YEREMIA 16:15

te hu nenik Au, Manetualain fo maso'dak, fo neni falik hataholi Israel-la kalua neme nusak esa nai dulu, ma neme basa nusak fe'ek-kala fo nai be e au tao tapasasala sila. Neukose au uni falik sila fali ma'is lo sila dae oen-nala mai, fo Au fe nusak leo sila bei ba'i-kain-nala.”

YEREMIA 29:14

Tete'ek-ka, neukose emi matongo mo Au. Neukose Au tao akabubua emi neme basa leoina-la tala'da mai, ma neme basa nusak fo mamanak emi manatao tapasasalak, ma mamanatu'u-tapak. Neukose Au o falik emi lo emi nusa-namom ia mai, ma Au tao ahii emi heheo-hihilum-mala. Au, Manetualain nde manakokolak-ka.’

YEREMIA 30:18

Manetualain nafa'da seluk bai nae: “Neukose Au sue-lai emi fo Au anang-ngala ma Au tao matalolole emi heheo-hihilum-mala nai emi dae oem-mala. Yerusalem neukose nananafofo'a seluk, ma uma manen-na nanaao mahiik.

YEREMIA 30:3

Nana neukose fain-na losa, Au tao ahii Au anan Israel no Yehuda heheo-hihilun-nala. Neukose Au o falik-kasa lo nusak fo Au fen neu sila bei ba'ikai manamaten-nala. Neukose ala hapu falik nusak ndia. Au, Manetualain, nde manakokolak-ka.”

YESKIAL 16:53

Manetualain nafa'da Yerusalem nae, “Neukose, Au tao asafali Sodom ma Samaria, boema nggolo-nggolon-nala, fo ala da'di tetu-temak seluk. Basa ndia soona, besak-ka, Au tao asafali o, fo o da'di tetu-temak boe.

YESKIAL 39:25

Manetualain Fo Mademaina, nafa'da nae, “Tehu besak ia, neukose Au sue-lai hataholi Israel fo, Yakob tititi-nonosin-nala, boema Au fes laso'da no tetu-temak seluk. No enok ndia, Au anea Au na'deng-nga, fo ela nanafe ha'da-holomata nahele.

DANIAL 12:1

Ata nusa so'dak fo manapake bua-lo'a a'balutu ndia, nafa'da seluk nae, “Nai faik ndia, neukose ata nusa so'da matuaina Mikhael fo manamasulu-mahapa o leoinam-ma, ana to'da mai. Basa boema, neukose hapu tepo-lelek to'a-sota matuaina nanseli nai lelek bei hapu leoina-la nai daebafak-ka. Tehu hataholi fo leme o leoinam-ma na'den-nala nanasulak nai Manetualain susulan dalek-ka, neukose nanasoi-tefak.

YOEL 2:29

Nai lelek ndia, neukose Au po'a Au Duladaleng-nga neu malalau-maoono touk ma inak boe.”

AMOS 9:14

Neukose Au tao-a Au anang Israel, da'di namasu'i seluk. Neukose lafofo'a seluk sila kota nalutun-nala, fo ala leo nai naa. Neukose ala sele osi angol fo linu oe angol. Neukose ala tao tina osi, fo la'a-linu buna-boan.

BILANGAN 11:29

Boema Musa nataa nae, “Tao le'e de, o dudu'a-dodoo la'eneu au? Lena-lenak au amahena, fo ela Manetualain fe Duladalen-na, neu leoinan-na lala'en-na, ma taon-nala basa-basas da'di nabi!”

BILANGAN 12:6

boema Manetualain nae, “Mamanene Au dede'a-kokolang ia-la! Metema nai emi dalek, hapu nabi esa soona, Au atu'du Au aoinang-nga neun, nai ninitak-kala dalek, ma Au kokolak on nai me'is dale.

ULANGAN 30:3

soona, neukose emi Manetualaim-ma sue-lai emi. Neukose, no falik emi neme leoina fo, nai bee emi nanatao tapasasalak-ka, ma Ana fe emi maso'da no tetu-temak seluk.