YOEL 2:3 - Susula Malalaok Hehelu Palak Ma Hehelu Beuk

³ Ala tao lisa basa bubu'u-palusa lala'en-na, sama leo ha'i na'as de putus. Makahulun-na, nusak ndia sama leo Eden, fo Manetualain osin-na, Basa ndia boema, nalupa leo mo solokaek fo na'u-aiana ta moli fan. Ta ela hata esa boen, ta hapu hata esa boen, fo naladeak neme lamak sila mamain-na fa.

YOEL 2:3 ပူးပေါင်းရင်းမြစ်များ

KEJADIAN 13:10

Lot nakanae leo boboa-kaisun neu, boema nita la'iesak Bafak Yarden-na lala'en-na, losa leo kota Zoar-ra neu, fo oen-na makadotok, sama leo nai Manetualain Osin-na, do sama leo dae Masir-ra. (Ndia te, Manetualain beita tao namopo Sodom ma Gomora kotan-nala fa.)

KEJADIAN 2:8

Basa boema, Manetualain tao osi nai Eden boboan dulu, de Ana fe hataholi fo, Ana taon-nak ndia, neu leo nai mamanak ndia.

MAZMUR 50:3

Ita Manetualain-na, Ana mai te Ana ta pe'dak lima-ein fa, Ha'i manapila masalolo'dek-ka, ana mai nakahuluk-kana, ma ani-sangu matuaina, okofefeo-nan.

MAZMUR 97:3

Ha'i-a pila nasalolo'de nai matan-na, fo ana hotu naputu musu manai boboa-kaisun-na.

KELUARAN 10:15

Lamak-kala poti ketu dae bafan-na, nalosa meten soona nggeok. La'a heni basa u'da eis-sa taonisa ela bubu'u-palusa manai dae lain lala'en-na, ma basa ai boak manai ai-la lain. Nai basa dae Masir-ra lala'en-na, ta ela hata momo'dok esa boen, nai ai-la do bubu'u-palusa-la fa.

KELUARAN 10:5

Lamak makadotok sila-la, neukose ala poti ketu daebafak-ka, nalosa hataholi-a ta hapu nita dae-a fa. Neukose lamak sila-la, la'a heni bei ela bubu'u-palusa-la, ma basa ai fo u'da eis-sa ta taonisa fas-sala.

YESAYA 14:17

Ndia nde tao nakalulutuk kota-kota-la, ma ana tao nasafali daebafak-ka da'di moo solokaek-ka do? Ndia ia nde, ana ta po'i nita hataholi nanafoon-nala, do ana po'is ala fali le'us fa do?’

YESAYA 15:6

Lee Nimrim-ma oen-na, ma na'u manamoli manai su'un-na, lamatuu-tongo so, de ta hapu na'u-aiana fo, doon-na momo'dok so'on.

YESAYA 33:4

Hataholi manasapuk, ma manamamanako sila hata-heton-nala, sama leo lama bubuak-ka.

YESAYA 51:3

Yerusalem, neukose Au kokoe-nanasi o, ma basa manaleo manai o ai-batu mana tapasasalam-ma. Au tao o moo tokotim-mala, da'di osi, sama leo Eden, fo Au osing maoe-maising-nga. Nai ndia, neukose hataholi-a namahoko-setelee, ma noke makasi nenik nakameek-kala.

YESAYA 9:18

Manetualain Fo Manakoasa, namanasa nanseli, ma huhukun-na sama leo ha'i manapila lo'a-lo'ak, de leoina ndia da'di neu mina dae de ha'i nana'a henin. Ta hapu hataholi esa boen sue-lai tolanoon-na fa

YESAYA 9:19

Nai nusak ndia lala'en-na, hataholi-la laseti-lalaka nana'a-nininuk, ma la'a su'di beek fo bisa la'an, tehu ta lakabete fa. Nakalenak, la'a seluk nonoon-nala!

YEREMIA 5:17

Neukose la'a heni emi daem-ma buna-boan, ma emi nana'am-ma, boema ala taolisa emi anam-mala. Neukose ala ta'ti emi sapim-mala, ma ala do'do emi bi'ilopom-mala, ma ala tao lakalulutuk emi osi angom-mala, ma emi ai kaam-mala. Neukose ala tao lakalulutuk kota-kota makota musuk fo, emi masalai emi deam-ma neus-sala.

YESKIAL 36:35

Soona neukose, basa hataholi-la ala nggenge, nanahu dae fo na'kasa dae tokotiik ndia, besak ia, nasafali da'di osi Eden-na so, ma kota-kota fo na'kasa, nee-nee lino-linok, ma lakalulutuk de ala da'di ai batu manatapasalak sila-la, besak ia, ala da'di kota musu matea-mahelek, ma laun-nala boeo, makadotok nanseli so.

AMOS 7:4

Au hapu ninitak esa seluk neme Manetualain Fo Mademaina mai. Au ita naheheleaon, fo Ana huku anan-nala nenik ha'i. Ha'i ndia na'a heni tasi manai daebafak-ka buin-na ma ana mulai na'a heni tina-la.

HABAKUK 1:6

Leoina Babel fo makaa-makisuk ndia, neukose Au taon da'di leoina manakoasa. Ala kalua lakadadalak leme nusan-na mai, fo ala la'ok okofefeo basa daebafak-ka, soaneu ala paleta leoina fe'ek-kala.

ZAKHARIA 7:14

Au sapu balisis, sama leo ani-sangu-a, nalosa no nakasetik, leu leo nai nusa dea-la. Dae maisi-mamina ia, ana da'di nee-nee lino-linok, hataholin ta, ma na'u-aianan ta.”