YOEL 2:26 - Susula Malalaok Hehelu Palak Ma Hehelu Beuk

²⁶ Neukose emi nana'a-nininum dai fo emi makabete. Neukose emi koa-kio Manetualain fo emi Manetualaim-ma, nana Ana tao manada'di beuk ba'uk-ka ba'eneu emi. Neukose, ta lakadadaek Au anang-ngala so'on!

YOEL 2:26 ပူးပေါင်းရင်းမြစ်များ

KEJADIAN 33:11

Au dokodoe, fo sipo-ma au uni fee feek ia-la. Manetualain nadale malole neu au so, de Ana fe au, basa hata lala'en fo au paluu-ka so.” Yakob nakaseti nahele, de losa mate'en-na boema, Esau sipo Yakob fee-feen sila-la.

NEHEMIA 9:25

O anam-mala langatuu-la kota musu-la dae maoe-maisik, ma uma henuk no su'i-betes. Ala besla-la oedolu-la, ma oemata-la. Osi anggol, ai setun ma ai boa fe'e-fe'ek-kala. Laao nanahu la'a-linu su'di bebe'ik-ka. Lame'da O baba'e-babati malolem lala'en-na.

MAZMUR 103:5

Ndia nde, tao natetu o so'dam-ma, nenik hata fo malole nalosa o fai muli-solum-ma, da'di beuk sama leo manupui kaka'ka.

MAZMUR 116:7

Au daleng-nga tesa-tama, nana Manetualain malole neu au.

MAZMUR 13:6

Nana au amahele neu O susue-lalaim, de neukose, au amahoko nanahu O soi-tefa-ma au. Au nau akamee ba'eneu Manetualain, nana Ana tao malole neu au so!

MAZMUR 22:26

Nai O anam-mala nakabubuan-na tala'da, au koa-kio O, nana basa hata lala'en fo O tao-no'in so. Nai hataholi kamahehelek-kala matan, au tunu-hotu tutunu-hohotuk fo au heluk-ka.

MAZMUR 37:19

Nai lelek lai to'a-taak-ka dalek, neukose ala ta doi-doso fa, nai tepo-lelek la'a-ndoes-sa, neukose ala lamasu'i-lakabete.

MAZMUR 67:5

Ela leo bee-na, basa leoina-la eeki-latadale ma lamahoko-setelee, ma lakamee no namahokok nana O paleta no ndoos ma matetuk ma hela-nole leoina-la esa-esak nai daebafak-ka.

MAZMUR 72:18

Kokoa-kikiok ba'eneu Amak, fo Israel Manetualain! Ka'da Ndia nde manatao dede'a matuaina-la.

AMSAL 13:25

Hataholi malole-a, hahapu-dadain dai-ma lena tataas esa, tehu hataholi mangalauk-ka, to'a-taa tataas esa.

KIDUNG AGUNG 5:1

Au u leo au osing dale u, fa'ding-ngo, au saoinang-ngo, au hehele akabubua au ai daa tuung-ngala, ma au bumbung-ngala; au u'a au fani popolang-nga, ma au inu au fanioeng-nga, au inu kapoe, ma au angol-la. Mi'a-minu leon, tia-laing-ngala lemin, Minu losa mafuk hu kande susue tou-ta'ek.

YESAYA 25:1

Manetualain, O nde au Manetualaing-nga, au amatutua-amadedema O, ma au koa-kio O na'dem-ma nana O tatao-nono'im, dodoo doak-kana nanseli; O tutu'u basan, neme makahulun-na mai so, ma O tao matetun no lilinekak.

YESAYA 29:22

Hu ndia de, Amak fo Israel Manetualain, fo manasoi-po'i Abraham-ma, nafa'da nae, “Neme besak ia, Au leoinang neukose ta hapu nakamumulu-nakamamaek so'on, ma matan-na ta fula-fula so'on, nanahu mamaek-ka.

YESAYA 45:17

Tehu Manetualain soi-tefa-na Israel; so'da-molen-nala, neukose nakatatakak. Neukose emi ta nananakamamaek ma nananakadadaek losa dodoon-na fa.’ ”

YESAYA 49:23

Neukose mane-manek-kala, ala da'di sama leo o amam, ma ina manek-kala, da'di leo o inam. Neukose, ala senek, fo fe ha'da-holomata neu o, ma lakaloe-lakadae aon-nala neu o. Soona neukose, o bubuluk, mae Au Manetualain; hataholi fo, namahena neu Au-a, dalen-na ta ba'ihana fa.”

YESAYA 54:4

Boso bii, te neukose o ta nananakamumulu-nakamamaek fa; neukose ta nananakadadaek ma o na'dem-ma, ta nanggenggeo fa. Neukose o mafandele heni o manalilinekam-ma, nai lelek o bei muli-solum-ma; o mafandele heni, o nee-nee lino-linom, fo nai lelek o inafalu-a.

YESAYA 55:2

Sosoak hata, asa hata esa, fo ta tao namahoko emi dalem-ma, ma maue-male'di soaneu hata fo, ta nandaa emi dalem-ma fa? Tunga Au paletang-nga, soona neukose emi mi'a hata fo malole, ma mi'a nana'a mala'da.

IMAMAT 25:19

Nusak ndia daen-na, neukose ana fe buna-boan, nalosa emi hapu nana'ak dai, fo emi leo nai naa no tetu-temak.

IMAMAT 26:26

Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.

IMAMAT 26:5

Neukose emi dae-ma buna-boan sasi kao-kao, nalosa, metema losa fai ketu-seu angol-la boan-nala, te emi bei ke'di gandum. Ma metema, fain-na losa soaneu sele gandum-ma, te emi bei seu angol-la boan-nala. Neukose emi hapu nana'ak dai, ma emi maso'da no tetu-temak nai emi nusam-ma.

MIKHA 6:14

Neukose emi mi'a-minu, tehu emi ta makabete fa, te emi boetai mamala'a mahele. Neukose emi so'u bua-lo'as, tehu emi ta hapu manea mala fas. Emi manea mala su'di beek-ka boeo, neukose Au tao akalulutuk-kasa nai natee-natatik dale.

ZEFANYA 3:11

Nai lelek ndia, hai anang-ngala lemin, emi ta paluu mame'da mamaek so'on, nanahu emi lena-la'ban basa Au so. Neukose, Au usi heni basa hataholi manakoao-ndaeaok-ka ma hataholi fo namatutua-nadedema aon-na, soona neukose, emi ta lena-la'ban seluk Au, nai Au pupuku malalao-malalafung lain so'on.

ZAKHARIA 9:15

Tao leo bee-o, Ana fe anan-nala nasulu-nahapak, nalosa ala hapu sengi basa musu lala'en-na. Sama leo hataholi mana mafuk nininuk-ka, ana eki, leondiak boe, ala eki nai natee-natatik-ka dalek. Sama leo bana tutunu-hohotuk-ka daan-na, nanapo'ak leo mei tunu-hotuk lain neu leondiak boe, ala ta'ti heni musu daan-na.

ZAKHARIA 9:17

Mahani te, Manetualain, daen-na malole nanseli, malole ma mana'ahiik nanseli! Angol ma gandum-mala moli no malole nai ndia, fo ana tao-na ta'eanak anafe'oanak boetai balakaik.

ROMA 10:11

Nai Susula Malalaok dale nanasulak nae, “Hataholi kamahehele ka dale na ta naba'e fa.”

ROMA 5:5

Namahehenak leoia ka, neukose ana tao namatua ita dale na, hu ka nde Manetualain susue-lalain nai ita dalen dale. Dede'ak ndia ana da'di tunga Manetualain fe ita Dula Dale ka hehela-nonolen.

ROMA 9:33

La'eneu batu ndia, nai Susula Malalaok dale nanaulak nae leoia, “Taoafik dede'a ka nde ia nae, Au pe'da batu esa nai Sion so fo neukose ana tao na hataholi a nakatunu; fo nde batu matuaina esa fo neukose ana tao na hataholi a tu'da. Tehu hataholi fo namahele neu na, neukose dale nala ta laba'e fa.”

ULANGAN 11:15

boema, na'u dai emi bana-manum-mala la'a. Neukose emi ta to'a-taa, nana'a-nininuk fa.

ULANGAN 12:12

Emi sama-sama moo emi anam-mala, emi atam-mala, ma hataholi Lewi manaleo manai emi kotam-mala, hu kande, ala ta hapu dae baba'ek nai emi nusam-ma fa, ela leo been-na, emi basa-basam-mala, mamahoko nai emi Manetualaim-ma matan-na.

ULANGAN 12:18

Emi ma emi anam-mala, sama-sama moo emi atam-mala, ma hataholi Lewi manaleo manai emi kotam-ma, muse mi'a tunu-hotuk ndia, nai emi Manetualaim-ma matan-na, fo nai emi Manetualaim-ma hele mamanak-ka. Ma emi muse mamahoko nai mamanak ndia, nanahu emi ue-le'dim buna-boan lala'en-na.

ULANGAN 12:7

Nai mamanak ndia boe, fo nai emi Manetualaim-ma matan-na, emi sama-sama moo emi teidalem-mala, muse mi'a-minu no namahokok, soaneu emi sosota-mamangum buna-boan, nanahu emi Manetualaim-ma ba'e-pala basa sila-la so.

ULANGAN 8:10

Neukose, emi mi'a-minu losa emi makabete, soona moke makasi neu emi Manetualaim-ma, soaneu dae maoe-maisik fo, Ana fen neu emi ndia.”

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

1 YOHANIS 2:28

Hu ndia ana ngala lemin! Maso'da mahele mo Kristus, fo ela neu faik fo Ana mai a, ita tapalani teu tataan, te ita ta teu ke'ke, hu ka nde bibii-mamae ka fa.