YOEL 2:24 - Susula Malalaok Hehelu Palak Ma Hehelu Beuk

²⁴ Boema, neukose gandum henu mamana fepa gandum-ma seluk, angol ma mina setun-na, neukose sasi kao-kao losa ala lua daba-daba neme mamana kaka'bin-na mai.

YOEL 2:24 ပူးပေါင်းရင်းမြစ်များ

YESKIAL 36:8

Tehu Au afa'da o, hai lete-letek Israel-la lemin, neukose o ai-mala ladoo beu, fo laboa seluk fe Au anang Israel.

YOEL 3:13

Sila mangalaun-na seli; hu ndia de, ta'ti henis sama leo gandum latuk manai tina. Heheta-aa'is, sama leo angol-la nai mamana kaka'bi angol-la henun, de ana sasi leo dae neu.

YOEL 3:18

Nai lelek ndia, neukose lete-letek-kala henuk no osi angol. Neukose bana-manu la'a na'u nai pupukuk manaleloakak-kala. Neukose ta ma'da Lee manai Yehuda-la makandondook fa. Neukose lee esa, ana faa neme Manetualain Uman mai, fo oen-na faa no nee-nee lino-linok leo Bafak Akasia neu.

IMAMAT 25:19

Nusak ndia daen-na, neukose ana fe buna-boan, nalosa emi hapu nana'ak dai, fo emi leo nai naa no tetu-temak.

IMAMAT 26:10

Emi dae-ma buna-boan, neukose ana sasi kao-kao, nalosa nana'ak-ka dai, soaneu teuk esa dalen-na. Nakalenak, nau do ta nau fa-o, emi muse kalua heni buna-boak nanaketu-kolu palaak-kala, fo ela hapu mamanak soaneu emi pe'da-fua buna-boak nanaketu-kolu beuk-kala.

AMOS 9:13

Manetualain nafa'da nae, “Neukose fain-na losa, gandum-mala moli no lai-laik, nalosa fai ketu-koluk-ka tuti-nato. Neukose ai angol-la moli makadotok nanseli, nalosa hataholi-a ta hahae tao angol fa. Neukose oe angol-la titi neme letek-kala, ma neme pupukuk-kala mai.

MALEAKHI 3:10

Meni la'iesak emi tunu-hotum, baba'ek esa neme 10 mai, leo Au Umang-nga neu, fo ela hapu nana'a-nininuk sasi kao-kao nai naa. Fola Au, soona neukose emi mita, mae Au soi heni basa lelesu nusa so'dak-ka, fo Au ba'e-bati emi nenik hata malole lala'en-na.