YOEL 2:20 - Susula Malalaok Hehelu Palak Ma Hehelu Beuk

²⁰ Neukose Au usi heni, lamak bubua matuaina, manamaik leme kii mai-a, Au usi heni seli leo moo solokaek-ka leu. Au akaseti dalak manai uluk-ka, leo Tasi Pilas-sa neu. Au tipa dalak manai dea, leo Tasi Tala'dak-ka leu. Mates de neukose laboo. Neukose Au tao amopo-amates, nana ala tao doi-doso emi so.

YOEL 2:20 ပူးပေါင်းရင်းမြစ်များ

2RAJA-RAJA 8:13

Boema, Hazael nataa nae, “Ah, au ia hataholi sosoa-ndandaa taak, de hapu nai bee, au anuu koasa matuaina ndia!” Tehu, Elisa nataa nae, “Manetualain natu'du basa au, nae neukose, o da'di mane Siria.”

MAZMUR 126:3

Memak, Manetualain tao basa, dede'a matuaina-la ba'eneu ita so! Hu ndia de, ita tamahoko!

KELUARAN 10:19

Boema Manetualain tao nasafali anin-na da'di ani balak, de nasan-na seli. Anin-na fuu neni lamak sila-la, de nenis leo Tasi Gelagah neu. Ta ela lamak esa boen, nai basa dae Masir-ra lala'en-na.

KELUARAN 8:14

Hataholi Masir-rala, hehele lakabubua lo'donggelek mates sila-la, de ladodou, nalosa basa nusak-ka lala'en-na naboo pulu.

YESAYA 34:3

Neukose popolan-nala, ta nananatoi-natonok fa, tehu ka'da nanapo'ilotak, fo ela pulus fo laboo. Letek-kala neukose pilas, nanahu sila daan-na, ana faa la'es.

YESKIAL 47:18

Dae too manai boboak dulu leo kona neu, fo neme mamanak esa nai dae Damsyik-ka no dae Hauram tala'da. Da'di, Lee Yarden-na nalupa dae too no dae Israel-la nai boboak muli, ma Gilead nai boboak dulu, losa leo Tamar neu, fo nai Tasi Mates-sa su'un-na.

AMOS 4:10

Au haitua he'di-laus leo emi neu, sama leo Au haituan leo Masir neu. Au taoisa emi hataholi muli-solum-mala nai natee-natatik dale, ma ala loso-la emi ndalam-mala. Au tao ahenu emi lalaa temam-ma nenik mamates, fo emi ta makataka boon-na fa. Leomae leondiak boe, emi ta nau fali leo Au mai boen.

ZAKHARIA 14:8

Nai faik ndia, neukose oe neuk-ka ana faa neme Yerusalem mai; oe ndia seli, ana faa leo Tasi Mates-sa neu, ma seli, ana faa leo Tasi Tala'dak neu. Neukose oe ndia, ana faa tunga teuk, nau nai fai oefak, do nai fai hanas boe.

MALEAKHI 3:11

Neukose, Au ta po'ilotak lama bobo'i tao lalutu emi dae-oem isi-minan fa. Neukose, emi ai angom-mala, boan-nala beinu.

ULANGAN 11:24

Emi la'ok okofefeo basa dae-la, neukose emi hapu la'iesak dae sila-la. Emi daem-ma, natabaa neme moo solokaek-ka, fo nai kona, losa letelepak Libanon-na, fo nai kii, ma neme Lee Efrat-ta, fo nai dulu, losa Tasi Tala'dak, fo nai muli.