YOEL 2:19 - Susula Malalaok Hehelu Palak Ma Hehelu Beuk

¹⁹ Nataas nae leo ia, “Besak ia, Au fe emi basa-basam-mala: gandum, angol ma mina setun fo da'di nana'a-nininuk, fo ela emi basa-basam-mala makabete. Neukose Au ta po'ilotak lakadadaek emi do leoina-la hika emi fa.

YOEL 2:19 ပူးပေါင်းရင်းမြစ်များ

YEREMIA 31:12

Neukose ala mai neme pupukuk Sion-na mai no mata-pana malengak, nanahu Au fefeng neu sila-la, nde gandum, mina, angol, sapi ma bi'ilopo. Sila neukose sama leo osi bubu'u-palusa fo oa ai manadaik, ma ala ta to'a-ta hata esa boen.

YESKIAL 34:29

Neukose Au fe tinan-nala, labuna-laboa no malole, nalosa ta lamala'a-lamandoe lai nusak ndia so'on. Neukose leoina fe'ek-kala, ta lakamumulu-lakamamaek-kasa so'on.

YESKIAL 36:15

Ta paluu dae ia namanene seluk hakinonolik neme leoina fe'ek-kala mai, do ana lu'a-lepa hataholi nakamumulu-nakamamaen so'on. Neukose dae ia, ta tao nakalulutuk leoina fo manaleo nai dalek-ka so'on. Au, Manetualain Fo Mademaina, nde manakokolak-ka.’ ”

YESKIAL 36:29

Neukose Au soi-po'i emi, neme emi manggenggeom lala'en-na mai. Neukose Au paleta gandum-mala, fo ala moli no malole, nalosa emi ta mamala'a-mamandoe so'on.

YESKIAL 36:30

Neukose Au fe emi aim-mala, ma emi tinam-mala labuna-laboa no malole, nalosa emi ta hapu la'ola'di fai la'a-ndoes fo ana tao nanggenggeo emi na'dem-ma, nai leoina-kala tala'da so'on.

YESKIAL 39:29

Neukose, Au akona Au Duladaleng-nga neu leoina Israel-la, ma neukose Au ta la'oelas so'on. Au, Manetualain Fo mademaina, nde manakokolak-ka.”

HOSEA 2:15

Neukose Au fe falik osi angon-nala, ma neukose Au tao Bafak Toto'a-tataak-ka da'di lelesu namahehenak. Nai naa, neukose ana sipok Au, sama leo nai lelek bei muli-solun-na, fo nai lelek besak-ka ana kalua neme Masir mai.

HOSEA 2:21

Nai lelek ndia, metema Au anang Israel hule haladoi soona, neukose Au amanenes. Au fe u'dan-na kona neme lalai mai, nalosa daebafak-ka fe buna-boa gandum, angol ma mina setun.

YOEL 1:10

Tina-la belutu so. Dae-a falu, nana mate basa gandum lala'en-na, angol-la boan-na lamatuu, ma basa mina setun-nala.

YOEL 2:24

Boema, neukose gandum henu mamana fepa gandum-ma seluk, angol ma mina setun-na, neukose sasi kao-kao losa ala lua daba-daba neme mamana kaka'bin-na mai.

IMAMAT 26:5

Neukose emi dae-ma buna-boan sasi kao-kao, nalosa, metema losa fai ketu-seu angol-la boan-nala, te emi bei ke'di gandum. Ma metema, fain-na losa soaneu sele gandum-ma, te emi bei seu angol-la boan-nala. Neukose emi hapu nana'ak dai, ma emi maso'da no tetu-temak nai emi nusam-ma.

ZAKHARIA 8:12

Neukose ala sele-nggali bini-ngges no mole-dame. Sila ai angon-na laboa, neukose dae-a fe buna-boan, ma neukose u'dan-na ba'uk-ka. Au fe basa baba'e-papalak sila lala'en-na, neu leoina ia hataholin bei maso'dan-nala.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

ULANGAN 11:14

Metema eni tao leondiak, soona la'e fain-na te, neukose Manetualain fe emi daem-ma, u'dan nai lelek emi ketu-kolu basa, ma nai lelek emi mulai sele-nggali. Soona, neukose emi hapu gandum, angol ma mina setun, dai emi mi'a-pake,

RUT SUSULAN-NA 1:6

Basa teuk de'ubee boema, Naomi namanene, lae Manetualain ba'e-pala hataholi Israel-la, nenik Ana fe dae-oen labuna-laboa malole. Hu ndia de, Naomi no manafeun duas lafafa'u bua-lo'an-nala fo ala fali le'us leo Yehuda leu.