YOEL 2:17 - Susula Malalaok Hehelu Palak Ma Hehelu Beuk

¹⁷ Madenu basa imam fo lalalau-laoono Manetualain, fo ala kii nai mei tunu-hotuk ma uma so'dan manai muka, tala'da, boema lafa'da lae, “Sue-lai O anam-mala, ou Manetualain; boso po'ilotak, lakamuu-lakadau O hata-hetom.” Nalosa leoina fe'ek-kala kokolak holo ma lafa'da lae, “Sila Manetualain nai bee?”

YOEL 2:17 ပူးပေါင်းရင်းမြစ်များ

1RAJA-RAJA 6:3

Nai Manetualain Uman ndia so'da na hapu pandopo fo nanalu na metel haa senti lima, loloa na metel sio, de loloa na loa uma ndia boe.

1RAJA-RAJA 9:7

soona neukose Au usiheni Au anang Israel neme nusak fo Au fe basan neu sila so. Neukose Au boeo la'oela uma ini fo Au aketu basan da'di mamana hule-haladoik neu Au. Neukose hataholi Israel-la nananakamumulu-nakamamaek ma nanahika-humek nai mamanak lala'en-na.

2TAWARIKH 7:20

soona neukose Au kaluaheni emi neme nusak fo Au fe basan neu o so. Neukose Au boeo la'oela uma ia, fo Au aketu basan da'di mamana makaluku-makatele neu Au. Neukose uma ia nananakamumulu-nakamamaek ma nanahikak nai mamanak lala'en-na.

2TAWARIKH 8:12

Salomo tunu-hotu tutunu-hohotu nanatunuk neu Manetualain nai mei tunu-hotuk fo nafofo'an nai Manetualain Uman-na matan-na.

NEHEMIA 9:36

Hu ndia de besak ia ami da'di ata nai dae fo O fen da'dileo pusaka. Dae ia maoe-maisik, henuk no buna-boak, fo tunga ndoon-na, ami muse mi'a mitan.

MAZMUR 115:2

Tao le'e de, leoina-la muse lafa'da lae, “Sila Manetualain-na, nai bee?”

MAZMUR 42:10

Au afa'da Manetualain fo au manamasala'eng-nga ae, “Tao le'e de, O mafandele heni au? Tao le'e de, au muse doi-doso akandoo, hu kande au musung-ngala tuni-ndenin do?”

MAZMUR 42:11

Au daleng-nga nakalulutuk, nanahu musu-a hakinonolin-na. Ala latane lakandoo lae, “O Manetualaim-ma, nai bee?”

MAZMUR 42:3

Au ahiik Manetualain fo maso'dak, faihi'da au bole u sene-do'ok nai Uman-na?

MAZMUR 42:4

Lele'do-le'odaen au kii, luu oe-a da'di au nana'a-nininung. Fai katemak esa dalen-na, au musung-nga natane, “O Manetualaim-ma nai bee?”

MAZMUR 74:10

Ou Manetualain, losa faihi'da, musu-a hakinonoli O? Ala lakamumulu-lakamamaek O na'dem-ma, losa dodoon-na do?

MAZMUR 79:10

Boso po'ilotak leoina fe'ek-kala bekola la'eneu ami lae, “Sila Manetualain-na, nai bee?” Nemen-na fo, ami mita O balas leoina fo, manataolisa O atam-mala.

MAZMUR 79:4

Ami da'di buas fo, nanahakinonolik neme leoina titia-tataik-kala mai, ala hika ma lakadadaek ami.

MAZMUR 89:41

O ta matu'u kotan-na, papala nanadaman-nala, O tao-ma kota musun-nala, da'di batu madodouk.

MAZMUR 89:51

Ou Manetualain, mafandele, tao leo beek de, O atam ia, nananakamuu-nakadauk, au lu'a-lepa nakamumulu-nakamamaek neme leoina makadotok mai.

KELUARAN 34:9

Nafa'da nae, “Manetualain, metema te'e-te'e au andaa o O dalem-ma soona, au dokodoe, ela leo been-na Manetualain tunga moo ami. Memak leoina ndia langa batuk, tehu fe do'o do ampon neu ami tatao-nono'i mangalaum-ma, ma ami sala-singom, ma sipok-ma ami, da'dileo O ana mesam.”

YESAYA 22:12

Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YESAYA 37:20

Ou, ami Manetualain po'i ami neme hataholi Asyur sila-la mai, fo ela basa leoina manai daebafak-ka lala'en-na, ala bubuluk lae ka'da O mesa-mesam-ma nde Manetualain-na.”

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

YESKIAL 8:16

Boema, noo au leo Manetualain Uman-na, so'dan manai dalek-ka. Nai deka no lelesu masok leo kama malalao-malalafuk-ka neu, fo nai mei tunu-hotuk-ka no mangalolok-ka tala'da, hapu hataholi duahulu lima lai ndia. Langatuuk lasadea kama malalao-malalafuk-ka, de lasale leo dulu leu, fo ala sene-do'ok neu le'do-a.

HOSEA 14:2

Hai leoina Israel-la lemin, fali me'um-ma leo emi Manetualaim-ma meu leona! Emi sala-singom tao-na emi kosik, de emi tu'u meu.

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

YOEL 1:9

Mopo gandum ma angol-la neme Manetualain Uman dale mai so. Boema imam-imam fo manalilineka lalalau-laoono Manetualain ala falu.

AMOS 7:2

Lamak sila hii-hii nae la'a basa na'u-aiana manai dae lain-na. Boema au afa'da ae, “Manetualain Fo Mademaina, fe do'o do ampon neu O anam-mala! Sila kome'doana nanseli, ma tapandoes-sala, de tao leo bee fo bisa lakatatakak?”

AMOS 7:5

Boema au afa'da ae, “Ou Manetualain Fo Mademaina, ela leo been-na, fe ha'i ndia nate'e leon! O anam-mala kome'doana nanseli, ma tapandoes-sala, de tao leo bee fo bisa lakatatakak?”

MIKHA 7:10

Makahulun-na musu-a nakadadaek ita nenik nafa'da nae, “Manetualain, fo emi Manetualaim ndia nai bee?” Tehu besak ia, neukose lita hata fo Manetualain taon ba'eneu ita, fo neukose ala mae. Neukose ita tita matan, ita musun sila-la kala, ma nanaheheta-aa'ik sama leo tane nai enok lain.

MALEAKHI 1:9

Besak ia, hai imam-imam-mala lemin, so'ba dokodoe neu Manetualain, fo ela Ana sue-lai ita. Neukose ta nataa emi huhule-haladoim fa, soona emi sala mesam ndia.

BILANGAN 25:6

Lelek Musa no basa hataholi Israel-la, bei lakaleleu nai Manetualain Lalaa Teman-na lelesun-na bafan-na, te lita hataholi Israel esa no ina Midian esa, de leu leo lalaa teman dale leu.

MATEOS 23:35

Hu ndia de neukose emi nanahukuk, nana kanisak fo, emi tao-no'in soaneu hataholi sala ta kala, mulai neme kanisak soaneu Habel fo hataholi sala tak ndia, losa kanisak soaneu Berekia anan Zakharia, fo emi taomisan nai Manetualain Uma na no mei tutunu-hohotu ka tala'da.

MATEOS 27:43

Namahele Manetualain, ma nafa'da nae Manetualain Anan Ndia. Naa, mai fo ata mete su'di kana, tete'e ka besak ia Manetualain nau soi-tefa nan do ta!”

ULANGAN 28:37

Nai nusa-nusak fo nai bee, Manetualain tao tapasasala emi-a, neni bibii-namata'uk nanseli fe hataholi manamete emi-a; neukose ala hakinonoli ma ala hika emi.

ULANGAN 32:27

Tehu Au ta nau Israel musun-nala, lamatutua-lamadedema aoinan-nala fa; fafa'kama, ala dudu'a-dodoo sala, fo lafa'da lae sila sengi Au anang-ngala,’ te se'kona, Au nde tao basa ia-la.

YOSUA 7:9

Hataholi Kanaan-nala, ma basa hataholi manai nusak ia, neukose lamanene dede'ak ndia. Neukose lakahapi-la ami, fo taolisa ami! Boema, neukose O tao beek, fo O ho'u mahele O na'dem-ma?”