YOEL 2:16 - Susula Malalaok Hehelu Palak Ma Hehelu Beuk

¹⁶ Tao makabubua basa laun-nala lala'en-na, paleta hataholi-la fo lakabubua Madenu lasik-kala, ni'iana-la ma ni'iana manasu'uk-kala, fo ala mai boe. Lena-lenak manaka'bing beuk-kala, muse ala mai boe. Madenus fo ala kalua leme kaman-nala dalek mai.

YOEL 2:16 ပူးပေါင်းရင်းမြစ်များ

2TAWARIKH 20:13

Boema basa touk Yehuda-la lala'en-na sama-sama loo sila sao-ana-nala lapadeik lai Manetualain Uman.

2TAWARIKH 29:5

de ana kokolak nos. Ana kokolak nae, “Emi, fo hataholi Lewi-la, muse tao malalao-malalafu aoina-mala soaneu Manetualain, ma tao malalao-malalafu emi bei-ba'i kaim Manetualain Uman-na. Basa hata fo manatao nanggenggeo uma ndia, muse tao heok-kasa.

2TAWARIKH 30:17

Hataholi manai sila-la, ba'uk-ka beita tao lalalao-lalalafu aoinan-nala fa, da'di sila ta bole do'do bi'ilopo soaneu tutunu-hohotu Paskah. Hu ndia de, hataholi Lewi-la nde tao dede'ak ndia soaneu hataholi sila-la ma hataholi Lewi-la nde fen neu Manetualain-na.

2TAWARIKH 30:19

“Manetualain, fo ami bei-ba'i kaim-mala sene-do'ok-ka, ela leo bee na neme O dale malolem-ma, O fe do'o do ampon neu sila fo ala sene-do'ok neu O nenik dale katematua-nala, leomae ala beita tao lalalao-lalalafu aoinan-nala fa.”

2TAWARIKH 35:6

Emi muse do'do bi'ilopo soaneu feta Paskah. Hu ndia de maheheleaom leona, fo ela nandaa sene-do'ok neu Manetualain, ma sadia tutunu-hohotuk fo muse nanatunu-hotuk ba'eneu Manetualainboe, fo ela no enok ndia, hataholi Israel fe'ek-kala hapu lakalala'ok hata fo Manetualain paletan tunga Musa.”

AYUB 1:5

Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

MAZMUR 19:5

Tehu hala naloloon-na, nadodolo nai basa daebafak-ka lala'ena, hala heheluk ndia, losa daebafak-ka bu'un-nala. Manetualain tao uma nai lalai ba'eneu le'do-a,

KELUARAN 19:10

Besak ia, muu matongo moo hataholi sila-la, ma madenus fo faik ia, ma balahaa laheheleaon, soaneu makaluku-makatele. Ala muse safe-saa bua papaken-nala.

KELUARAN 19:22

Nakalenak, imam-imam fo ala nau mai deka loo Au-a, muse ala tao lalalao-lalalafu aoinan-nala; metema ta soona, neukose Au hukus.”

YOEL 1:14

Paleta basa hataholi-lala'en-na, fo ala oka aon-nala, po'a-bengas, nakabubua matuaina! Ka'i basa mauli-malangan-nala ma lasi-lasik-kala boema basa Yehuda laun-nala lala'en-na, fo daenga ala mai leo Manetualain Uman mai, fo laloo beebou loke tutulu-fafalik neun.

MATEOS 21:16

Lafa'da Yesus lae, “O mamanene ni'iana la lafa'dak ndia do ta?” Boema Yesus nae, “Hei, Au amanene so, te emi beita lees mita Susula Malalao ka lalane na nde ia nae: ‘Au anoli basa ni'iana la ma ni'iana mana su'u kala, fo ala kokolak koa-kiok fo matetu-mandaak fa do’?”

MATEOS 9:15

Yesus nataa nae, “Ade emi hahapu ma leo beek? Ade fui manai feta ka'bi nga dale nala he'di sa, metema mana ka'bing tou ka bei sama-sama nos do? Tao leo bee o ta! Tehu neukose losa fai na, te mana ka'bing touk ndia la'oelas. Fo neu lelek ndia soona, besa ka ala oka ao nala.

1 KORINTUS 7:5

Da'dileo saotou saoinak, ela leo bee na esa boso doo ka neme esa mai. Bole, soaneu faik de'ubee dale na, sa'di duas lakaheik no'u-no'u so. No enok ndia, esa-esak hapu hule-haladoi no nee-nee-lino-linok. Tehu basa soona, duas muse lakabubua falik, da'dileo saoina saotouk. Metema ta leondiak fa soona, neukose emi bisa tunga dudungu-papau dula dale mangalau ka, nana emi ta makatatakak ma emi dale ma fa.

YOSUA 7:13

Besak ia, fo'a leon Yosua! Tao malalao-malalafu hataholi Israel-la, ma madenus laheheleaon-nala, fo ala mai lataa Au. Paletas, fo balahaa soona, laheheleaon-nala, nana Au, Manetualain fo Israel Manetualain-na, neukose afa'das dede'ak-ka nde ia nae, ‘Hai hataholi Israel-la lemin! Au paleta basa emi, fo tao nakalulutuk bua-lo'as-sala, emi bei mafuni seli. Emi beita tapa heni bua-lo'as sila-la fa soona, emi ta makatatakak la'ban musu-a fa!’

YOSUA 8:35

Yosua lees basa Musa paletan-nala neu hataholi Israel fo lakabubua nai ndia, nai dalek hapu inak-kala, ni'iana-la, ma hataholi nusa dea manaleo nai sila tala'da.

SEMUEL SUSULAK-KA ESAN-NA 16:5

Semuel nataa nae, “Hei, tete'ek-ka. Au mai soaneu tunu-hotu fe Manetualain tutunu-hohotuk. Hu ndia de, tao malalao-malalafu o aoinam-ma, fo ela o hapu tunga feta tutunu-hohotuk ndia.” Nadenu Isai no anan-nala boe, fo esa-esak tao nalalao-nalalafu aoinan-na, ma ana ka'is fo leu leo feta ndia leu.