YOEL 2:14 - Susula Malalaok Hehelu Palak Ma Hehelu Beuk

¹⁴ Fafa'kama, Manetualain fo o Manetualaim-ma, nasafali dale nakeketun-na de Ana ba'e-pala emi nenik baba'e-papalak manasasi kao-kaok. Nalosa emi hapu tunu-hotu tutunu-hohotu angol ma gandum ba'eneu Manetualain, fo o Manetualaim.

YOEL 2:14 ပူးပေါင်းရင်းမြစ်များ

2 SEMUEL 12:22

Boema, Dauk nataa nae, “Hei, memak nai lelek ni'iana ndia bei naso'da, au oka aong, ma au kii-makaleleun, nana au dodoo ae: Fafa'kama, Manetualain Manakoasa, neukose dalen-na tu'da kasian neu au, fo Ana fe ni'iana ndia naso'da.

2 SEMUEL 16:12

Fafa'kama, Manetualain neukose Ana taoafik neu doidosok ia, fo Ana fe au baba'e-papalak, fo da'di ngganggatik neu soo-supak ndia.”

2RAJA-RAJA 19:4

Manek Asyur-ra, nadenu basa, malanga solda'du manai lain esa, fo nakamumulu-nakamamaek Manetualain fo maso'dak-ka. See bubuluk, emi Aman Manetualain namanene basa nakamumulu-nakamamaek ndia, de neukose, Ana huku sila fo, manakokolak-kana! Hu ndia de, hule-haladoi leona, neu Manetualain, ba'eneu ita hataholin fo, bei maso'dak-kala.”

KELUARAN 32:30

Balahaa boema, Musa nafa'da leoina ndia nae, “Emi tao basa sala-singok matuaina so. Tehu besak ia, au sanga kae seluk leo letek ndia lain soaneu asasalematak o Manetualain; sanga tao leondia fo au hapu do'o do ampon soaneu emi sala-singom.”

YESAYA 65:8

Manetualain nafa'da nae, “Angol boak fo, bei maoek-ka, ta nanatapa henik fa, tehu nanataok da'di angol oek. Leondiak boe Au leoinang-nga, neukose Au tao amopo-amate la'iesak-kasa, nana nai sila dalek, ta hapu manamakatele neu Au fa.

YEREMIA 18:8

boema leoina ndia tuka tei-sale dale neme ndia sala-singon-nala mai soona neukose Au pe'da tataak Au dudu'ang ndia.

YEREMIA 26:13

Hu ndia de tao mahii emi so'dam-ma heheo-hihilu ma emi tatao-nono'im; nanda no tunga emi Amam Manetualaim-ma, fo ela Ana pe'da tatak dudu'an-na soaneu tao namopo-namate emi.

YEREMIA 26:3

Fafa'kama leoina ndia nau namanene boema ala hahae tao mangalauk soona, Au pe'da tatak Au dudu'ang-nga soaneu akatoto'a-akatatak sila nanda no sila tatao-nono'in fo mangalauk-ka.”

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

YOEL 1:16

Nana'ak-ka basan ma mopok-kana nai ita matan, nai ita Manetualain Uman ta hapu eeki-natadalek so'on.

YOEL 1:9

Mopo gandum ma angol-la neme Manetualain Uman dale mai so. Boema imam-imam fo manalilineka lalalau-laoono Manetualain ala falu.

AMOS 5:15

Makamuu-makadau mangalauk-ka, ma sue-lai malole-a, ma tao matetu eno ndos ma matetuk-ka. Fafa'ka ma Manetualain neukose Ana sue-lai bei ela leoina Israel-la hataholin-nala.

YUNUS 1:6

Nai lelek ofak ndia manaho'u ulin-na kona leo ofak-ka teioen dale neu boema, nita Yunus nai ndia, te ana bei sungu. Boema nae, “Hapu nai bee, o bisa sungu nai ani sangu leo ia-ka! Wei, fo'a! Fo hule-haladoi neu o lamatua daebafam-ma, fo moke tutulu-fafalik. See bubuluk, fafa'kama dalen-na tu'da neu ita, fo ita ta mopo-mate fa.”

YUNUS 3:9

Fafa'kama Manetualain dodoo nasafali dale tutu'un-na, fo ta namanasa so'on, nalosa Ana ta tao nakalulutuk ita fa!”

ZEFANYA 2:3

Fali ma'im-ma leo Manetualain mai leona, hai basa hataholi dale taidaek manai nusak ia, ma basa hataholi manatunga paletan-nala lemin! Tao tunga Manetualain dale hihiin-na, ma makaloe-makadae aom-ma nai matan-na. Fafa'kama, neukose emi mala huhukuk-ka deak, nai Manetualain fain fo natu'du nasa-melun-na.

HAGAI 2:19

Leomae ta ela gandum, ma ai angol, ma ai kaak, ma ai dalima, ma ai setun fo beita laboa fa, tehu mulai hatematak ia, neukose Au ba'e-pala emi!”

2 TIMOTIUS 2:25

Hataholi ndia, muse nanoli hataholi mana lena-la'ba kala no mangana'uk; fo ela leo bee na, Manetualain fe hataholi sila la, fai loak soaneu ala tuka tei-sale dale leme sala-singo nala mai, fo lalelak nanoli ndo sa.

YOSUA 14:12

Hu ndia de, besak ia, fe nusa letelepak fo Manetualain helu basa, fen neu au so, nai lelek au ma hataholi fo sama-sama loo au fali ma'im-ma, fo ami meni hala nafa'dak. Nai lelek ndia, o mamanene matam, lae hataholi ao matuaina ma ei madema-la lai naa, fo lokes soona lae, leoina Enak. Ala leo lai kota-kota matuaina-la, lanuu papala nanadamak. Fafa'kama, Manetualain, neukose Ana tulu-fali au, nalosa au hapu usi henis, sama leo Manetualain nafa'dak-ka.”

SEMUEL SUSULAK-KA ESAN-NA 6:5

Da'di, emi muse nana dulak neme peta-paek ma lafo fo nanataok neme lilopilas, manatao nalutu emi nusam-ma. No enok ndia, emi fe ha'da-holomata neu Israel Manetualain-na. Fafa'kama, neukose Ana hahae huku emi, ma emi lamatua daebafam-mala boema emi daem-ma.