YOEL 2:1 - Susula Malalaok Hehelu Palak Ma Hehelu Beuk

¹ Puu pupuuk-ka, ma fepa malii besi ta'du-tana soe-a nai pupuku Sion fo malalao-malalafuk fo Manetualain mamana leleon-na. Dele bengge'be leon, hai laun Yehuda-la lemin! Nana Manetualain, Fain-na deka, de ana losa lai-lai.

YOEL 2:1 ပူးပေါင်းရင်းမြစ်များ

1 TAWARIKH 15:28

Basa hataholi Israel-la lala'en-na leu tunga Peti Hehelu-balataak ndia losa Yerusalem no ala eki kao-kao ma pupuu liik, nafiri, simbal ma kecapi.

MAZMUR 119:120

Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

MAZMUR 87:1

Teidalek Korah Kokoa-kikion-na, fo nakameek esa. Manetualain napadedek kotan-na, nai pupukun fo malalao-malalafun lain.

KELUARAN 10:14

makadotok nanseli, nalosa henu la'iesak nusak-ka. Beita hapu hataholi nita lamak de'u-de'u basa ndia fa, ma basa ndia boema, manada'di leondiak-ka ana ta da'di seluk so'on.

YESAYA 13:6

Kii-makaleleu leona, nana Manetualain fain-na deka so, fo nde Manetualain fe fai momopo-mamatek-ka.

YESAYA 13:9

Neukose, Manetualain fain-na losa, fo nai faik ndia, Manetualain nasa-melun lua ponu-ponu. Neukose, daebafak-ka da'di moo na'u tak, ma basa hataholi masala-masingok-kala, neukose mopo-mate.

YESAYA 2:12

Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

YEREMIA 16:10

Metema o manduku-malosak basa iala neu sila so'on, fafa'kama neukose ala latane lae, tao le'e de au huku-doki sila ba'u-ba'u basa ndia. Neukose sila latane lae salan-na beek ma sila sala-singon-na beek neu au Amak fo sila Manetualain-na.

YEREMIA 16:7

Ta hapu hataholi neukose tete'i loti ba'e fe hataholi manafaluk-kala. Nakalenak neukose ta hapu hataholi fo ana fen ninu neme nggala namahokok-ka nanahu inan do aman mamaten-na fa.

YEREMIA 4:5

Puu pupuuk-ka leona, nai basa nusak-ka lala'en-na! Maloo bou-bou no mangale'dok, ma mapane'e. Madenu laun Yehuda, ma laun Yerusalem-mala, fo lalai leo kota-kota fo, makota musuk-kala leu.

YEREMIA 5:22

Au nde Manetualain-na; te tao le'e de, emi ta bii-mamata'u neu Au fa? Tunga ndoon-na, emi muse dele ngge'be-ngge'be neu Au! Au nde tao tasi su'un-na, da'di tasi too-lanen, fo ta hapu la'o lena fan, losa dodoon-na. Tasi fo'a, fo lii-la napoponu, tehu ana ta hapu lena dae too ndia fa.

YESKIAL 12:23

Nah, mafa'das mae Au, Manetualain Fo Mademaina, fe natataan-na nde ia: Neukose Au loseheni dede'a lasik ndia, nalosa ala ta kokolak-kana nai Israel so'on. Mafa'das mae, dede'a lasik ndia nggatin-na nae fain-na losa so, de dede'a nafa'da elak lala'en-na, neukose ala da'di.

YESKIAL 21:12

Hai hataholi daebafak fo, manasapu-manalalok-konei, kii-makaleleu, ma maloo bou-bou leona! Nana tafaina ndia, naheheleaon la'ban Au anang-ngala. Basa mauli-malangan Israel-la, sama-sama loo basa leoina lala'en-na, neukose nanapauk nenik tafaina ndia, losa mate-mopos, Soona toko emi fanam-mala, da'di leo ta'du-tana susa,

YESKIAL 33:3

Metema, manamanea ndia nita musu-a mai soona, ana fepa meko-a, fo ana fe nasanene'dak neu laun-na.

YESKIAL 33:6

Nasafalinna, metema manamanea ndia nita musu-a mai, tehu ana ta fepa meko-a, fo ana fe nasanene'dak neu laun-na fa, boema musu-a taonisa hataholi masala-masingok sila-la soona, neukose Au oke manamanea ndia, ana fe natataak la'eneu hataholi sila-la mamaten-na.

YESKIAL 7:10

Fai susa-soe ba'eneu leoina Israel-la, ana losa so. Naseti-nalakak-ka, nai basa mamanak lala'en-na. Koao-ndaeaok-ka, popo-tama nakandoo.

YESKIAL 7:12

Le'do-fain, ana mai no lai-laik, fain-na ana deka so! Mana asa ma manamase'ok-ka, ala ta hapu nanalak hata esa boen, nanahu neukose Manetualain huhukun-na, la'e basa hataholi lala'en-na.

DANIAL 6:26

Basa ndia boema, mane Darius-sa haitua susulak leo hataholi maleme leoina ma dede'ak manai daebafak-ka lala'en-na nae, “So'da molek!

DANIAL 9:16

O masala'e ami nai tepo-lelek makahulun-na so, hu ndia de, boso boe mamanasa Yerusalem, fo O kotam-ma, O pupuku malalao-malalafum-ma. Hu kande ami sala-singom, ma ami bei-ba'i kaim tatao-nono'i mangalaun-nala, boema basa hataholi manai ami boboa-kaisum-mala lakadadaek Yerusalem ma O anam-mala.

DANIAL 9:20

Au hule-haladoi akandoo fo manaku au sala-singong ma au leoinang Israel sala-singon-nala, boema au dokodoe neu Manetualain fo au Manetualaing-nga, fo tao matalolole uma malalao-malalafun-na.

HOSEA 5:8

Puu pupuuk-ka nai Gibea leona! Fo liin-na, da'di ta'du-tana hala nalolook esa, soaneu natee-natatik-ka nai Rama. Eki natee-natatik-ka nai Betel! Ayo, hataholi Benyamin-nala lemin, tutulu matak, fo matee-mata'ti leona!

HOSEA 8:1

Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

YOEL 1:15

Manetualain fain-na deka so, faik fo neni bibii-namata'uk; faik Fo Manakoasa fe nakalulutuk-ka mai.

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.

YOEL 2:15

Puu pupuuk-ka nai Sion, fo Manetualain leten-na, po'a-benga fai oka aok-ka, tao natotongo matuaina.

YOEL 2:31

Neukose le'do makahatuk ma bulak-ka da'di pilas sama leo daak-ka. Basa sila-la, neukose ala da'di te Manetualain fain fo neni bibii-namata'u matuaina ndia, beita losa fa!

YOEL 3:14

Hataholi lifu-lifun nai Bafak Naketu-nala'dik-ka. Nana nai naa, Manetualain Fain-na, neukose ta dooanak so'on te ana losa.

YOEL 3:17

“Hai Israel, besak ia neukose emi bubuluk, mae Au nde Manetualain fo emi Manetualaim-ma. Au leo nai Sion, fo Au lete malalao-malalafung-nga. Soona Yerusalem boeo, ana da'di kota malalao-malalafuk, neukose hataholi nusa dea ta neu leo dalek neu so'on.

AMOS 3:6

Metema hataholi manai kota dale-la, lamanene pupuu musu liin-na soona, ala dele ngge'be-ngge'be do ta? Metema Manetualain ta haitua susa-soe leo kota esa neu fa soona, kota ndia hapu susa-soe do ta?

AMOS 5:18

Tete'ek-ka, soe ba'eneu emi fo mahiik Manetualain fain-na! Faik ndia, sosoan-na beek ba'eneu emi? Faik ndia ka'da nalupa fai makahatuk, te ta fai mangale'dok ba'eneu emi fa.

AMOS 8:2

Boema Manetualain natane au nae, “O mita beek, Amos?” Au ataa ae, “Au ita sapai esa, ai boa latuk henun.” Boema Manetualain nafa'da nae, “Leondiak boe, Au anang Israel fain-na losa soaneu nanahukuk so. Neukose Au ta dodoo asafali seluk Au dale tutu'ung-nga so'on, de tao leo bee-o, neukose Au hukus.

OBAJA 1:15

“Tete'ek-ka fain-na deka soaneu Au, Manetualain, aketu-ala'di leoina-la. Hata fo Edom tao-no'in, neukose ana hapu babalan-na. Boeo neukose, neme'da hata fo ana tao-no'in.

ZEFANYA 1:14

Manetualain fai naketu-nala'din deka so, hei, ana deka nanseli so, nakalenak, ana losa no lai-laik. Faik ndia, henuk no dale he'dik-ka, nalosa solda'du palani ta'tibatu-la boeo ala nggasi beau nanahu ketu namahehenan-nala!

ZEFANYA 1:16

Nai fai manalu ndia dalen-na, pupuuk-ka liin-na nananamanenek, ma manamatee-matatik-kala eki bekao, fo lata'ti loo kota-kota makota musuk-kala, ma uma puni madema-la.

ZEFANYA 1:7

Manetualain fain-na deka so. Neukose Manetualain ho'i nakeketuk nai faik ndia. Hu ndia de, pe'daom nai matan-na. Manetualain naheheleaon soaneu Ana ho'i-na anan-nala ani hahaen-na, sama leo do'do bana tutunu-hohotuk-ka, de ana ka'i basa Yehuda musun-nala so.

ZEFANYA 3:11

Nai lelek ndia, hai anang-ngala lemin, emi ta paluu mame'da mamaek so'on, nanahu emi lena-la'ban basa Au so. Neukose, Au usi heni basa hataholi manakoao-ndaeaok-ka ma hataholi fo namatutua-nadedema aon-na, soona neukose, emi ta lena-la'ban seluk Au, nai Au pupuku malalao-malalafung lain so'on.

ZAKHARIA 14:1

Manetualain fai naketu-nala'din, deka so. De neukose manabonga uma-la, ala bonga Yerusalem, de ala baba'e ala kalo leni hata-heto-la, nai lea matan.

ZAKHARIA 8:3

Neukose Au fali leo Yerusalem, fo Au kota malalao-malalafung ndia u, fo Au leo nai ndia. Neukose lalelak Yerusalem, da'di leo kota manalilinekak, ma neukose loke Manetualain Fo Manakoasa pupukun-na soona, lae Pupuku Malalao-malalauk.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

BILANGAN 10:2

“Tao-ma pupuuk dua neme lilofulak nanatutuk-ka mai, fo maloo laun-na lakabubua, do soaneu madenus fo ala la'o.

BILANGAN 10:3

Metema puu la'iesak duas, fo liin-nala dook-ka besak-ka nate'e soona, sosoan-na nae, hataholi-la lala'en-na muse lakabubua nai o boboa-kaisum, nai Au Lalaa Temang-nga lelesu bafan-na.

1 KORINTUS 14:8

Natutu'du fe'ek esa seluk nae, metema pupuu musu nanapuu lu'ilapak soona, see ka nde nahehele aon fo neu natee-natati?

FILIPI 2:12

Hu ndia, tolano susue-lalai ngala lemin, sama na leo emi tunga mahele au, nai lelek fo au be'i o emi a, lena-lenak besak ia, nai lelek ita komododoon, ela leo bee na emi tunga mahele au. Manetualain soi-tefa nala emi so, hu ndia de sanga enok makandoo fo ela emi so'da ma, natetu-nandaa. Tao-no'i basa dede'ak sila la no ha'da-holomata, ma tunga neu Manetualain,

1 TESALONIKA 5:2

Nana emi bubuluk basan no mangale'dok, Lamatua ka fai mamain ndia, sama na leo nakodaa ana mai nai fai le'odae na.

YAKOBIS 5:8

Ela leo bee na emi boeo, boso haelai mamanasa ma mamatutua dale mala, nana Lamatua ka fai mamai na, ana deka so.

1 PETRUS 4:7

Basa hata lala'e na sanga deka basan ia so, hu ndia de, ela leo bee na emi muse paleta ma ao ina mala ma manea, fo ela emi hapu loak soaneu hule-haladoi.

NINITAK 6:17

Fai Huhukuk fo manini bibii-namatau ka ana mai so! Manetualain ma Bi'ilopo Ana po'a nasa-melun mai, de hataholi esa boen ta nakatatakak nabe'i nai hataholi sila matan fa!”