YOEL 1:8 - Susula Malalaok Hehelu Palak Ma Hehelu Beuk

⁸ Kii leon, hai hataholi-la lemin, sama leo anafe'oana manasusak, fo ana kii-makaleleu tonanga susuen-na, mamaten-na.

YOEL 1:8 ပူးပေါင်းရင်းမြစ်များ

AMSAL 2:17

Inak ndia nafandele heni hala hehelun neu Manetualain-na, de ana ta lilineka neu saotoun-na fa.

YESAYA 22:12

Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YESAYA 32:11

Losa hatematak ia, emi so'dam-ma malole, ma ta hapu toto'a-tataak fa. Tehu besak ia, emi dele ngge'be-ngge'be no bibii-namata'uk-ka! O'duheni emi bua papakem-ma, fo pa'a si'di lafa lapik neu emi tala'dam-ma.

YEREMIA 3:4

Nai lelek o nai toto'a-tataak-ka dalek, o maloo au mae o amam nde Au, ma o mae Au sue-lai o, mulai neme o bei anam-ma mai.

RATAPAN 1:4

Nai fai malole-la ta hapu hataholi esa boen mai leo Manetualain Uman mai fa. Anafe'oanak makameek manai naa-la doi-doso, ma imam-mala hoo-nggu'u. Ta hapu hataholi esa boen, nai lelesuina-la lelesun-na fa. Kota Sion na, henuk no dale he'dik.

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

MALEAKHI 2:15

Ade, Manetualain Fo Kisak-ka, ta nakadada'dik emi aok esa, ma samanek esa moo inak ndia fa do? Ade, Manetualain dudu'an la'eneu dede'ak ndia, leo beek? Ta fe'ek fa, fo ela emi hapu anak, fo ala da'di Manetualain ana matetun. Da'di, manea aoinam-ma, fo boso nalosak nai emi dalek, hapu nggelok ta lilineka neu saoinan-na fa.

YAKOBIS 5:1

Tolano-tolanoo kamasu'i ngala lemin! Mamanene au nanoli-nafa'dang nde ia nae, Ela leo bee na emi kii-makaleleu, nana neukose emi doidoso ma to'a sota!