YOEL 1:5 - Susula Malalaok Hehelu Palak Ma Hehelu Beuk

⁵ Hai basa manamafuk-kala lemin, fo'a leona! Hai maninuk-kala lemin, kii leona! Nana angol beuk-ka ala loso-lan neme o bafam-ma mai so.

YOEL 1:5 ပူးပေါင်းရင်းမြစ်များ

YEREMIA 4:8

Hu ndia de, kii ma makaleleu leona, pake lafa lapik, da'di leo ta'du-tana dale he'dik. Nanahu Manetualain nasa-melun manalua pono-ponun-na, ana beita tenak neme Yehuda mai fa.

YESKIAL 30:2

“Hai hataholi daebafak fo, manasapu-manalalok-konei, mafa'da leoina Masir-ra, hata fo Au Manetualain Mademaina nafa'da neus. Maloo bou-bou, ma kii-makaleleu mae leo ia: Awii! Manetualain fain-na deka so! Neukose Ana naketu-nala'di no lai-laik. Faik ndia, makahatuk nasakoko'a, Lelek leoina-la, ala sipo sila huhukun-na.

YOEL 1:11

Hai hataholi manatao tina-osi-la lemin, makaleleu leo na! Hai manamanea osi angol-la lemin, kii leona. Nana gandum, jelei, ma keketu-kokoluk lala'en-na mate basas.

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

YOEL 3:3

Ala tu'u batu fo laketu see kande, neukose hapu hataholi nanafook-kala. Lase'o anafe'oanak ma ta'eanak-kala fo ala taos da'di ata. Soona ala pake doin-nala soaneu ina manasosoa-piaok-kala, ma soaneu linu angol.

LUKAS 16:19

“Hapu hataholi kamasu'ik esa. Bua-lo'a papakena kabelik mesa-mesan, ma nana'a-nininun malole-mala'da tunga faik.

YAKOBIS 5:1

Tolano-tolanoo kamasu'i ngala lemin! Mamanene au nanoli-nafa'dang nde ia nae, Ela leo bee na emi kii-makaleleu, nana neukose emi doidoso ma to'a sota!