YOEL 1:2 - Susula Malalaok Hehelu Palak Ma Hehelu Beuk

² Mamanene leon, hai lasi-lasi kala lemin; taoafik leon, basa hataholi manai Yehuda-la lemin. Manada'dik leo ia-ka, ana da'di hai nai emi tepo-lelem-ma do nai emi bei-ba'i kaim-mala, tepo-lelen-na so do beik?

YOEL 1:2 ပူးပေါင်းရင်းမြစ်များ

AYUB 12:12

Lafa'da lae, manatee-tenok-ka, nai hataholi lasik-kala, tehu, manatee-tenok-ka ma be'i-balakaik, ka'da nai Manetualain mesak-kana. Lafa'da lae, dudu'a-aafi manadaik-ka, ka'da nai hataholi lasik-ka, tehu, dudu'a-aafi manadaik-ka, ma manadodoo-tataik-ka, nai Manetualain boe!

AYUB 15:10

Ami sipo manatee-tenok ia, neme hataholi fo, langan-na mofa so; bongi hataholi sila te, beita bongi o amam fa!

AYUB 21:7

Tao le'e de, Manetualain fe hataholi mangalauk-ka, teun-na namanalu, ma hata-heton-nala, boetai lamaba'uk-ka?

AYUB 8:8

O muse taoafik neu hataholi malelak, ma manatee-tenok makahulun eli, ma dodoo-tatai, hata fo basa bei-ba'i kai-la, la'ola'din.

MAZMUR 49:1

Teidalek Korah kokoa-kikion-na. Soaneu mauli-malanga nakameek.

YESAYA 34:1

Hai leoinak-kala lemin, mai fo takabubua, ma mamanene leon-na. Nemen-na fo, basa daebafak-ka lala'en-na, ma basa hata maso'dak nai dalek-ka, ala mai fo lamanene.

YESAYA 7:17

Neukose Manetualain fe mane Asyur-ra mai, fo o ma basa o teidalem-mala, boema o laum-mala, neukose lame'da lita fai-faik fo henuk no hahae makase'ek fo lena henin, neme hata fo emi mame'da hain, ndek lelek heaba'e nusa Israel-la ma nusa Yehuda.

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

YEREMIA 5:21

“Mamanene leon, hai emi fo, hataholi nggoa-panganak-kala lemin! Emi mamatak, tehu emi ta mita fa, madi'idook, tehu ta mamanene fa!

DANIAL 12:1

Ata nusa so'dak fo manapake bua-lo'a a'balutu ndia, nafa'da seluk nae, “Nai faik ndia, neukose ata nusa so'da matuaina Mikhael fo manamasulu-mahapa o leoinam-ma, ana to'da mai. Basa boema, neukose hapu tepo-lelek to'a-sota matuaina nanseli nai lelek bei hapu leoina-la nai daebafak-ka. Tehu hataholi fo leme o leoinam-ma na'den-nala nanasulak nai Manetualain susulan dalek-ka, neukose nanasoi-tefak.

HOSEA 4:1

Manetualain kalaak nusak ia laun-na. Hai Israel, mamanene hata fo nafa'dan nae, “Ta hapu lilinekak, do susue-lalaik nai nusak ia fa, de laun-na ta manaku Au da'di leo Manetualain fa.

HOSEA 5:1

Manetualain nae, “Hai imam-mala lemin! Mamanene leona. Hai hataholi Israel-la lemin, taoafik leona! Hai manek-ka tititi-nonosin-nala lemin! Huhukuk-ka, nana naketu basak soaneu emi so! Nana, tunga ndoon-na, emi maketu-mala'di tunga ndoos ma matetuk, tehu nasafalin-na, emi da'di sama leo meobesi nai Mizpa, sama leo hihi'ik nai Lete Tabor-ra so,

YOEL 1:14

Paleta basa hataholi-lala'en-na, fo ala oka aon-nala, po'a-bengas, nakabubua matuaina! Ka'i basa mauli-malangan-nala ma lasi-lasik-kala boema basa Yehuda laun-nala lala'en-na, fo daenga ala mai leo Manetualain Uman mai, fo laloo beebou loke tutulu-fafalik neun.

YOEL 2:2

Faik ndia makiuk ma makahatuk, henuk no makamamasuk ma'u-ma'uk-ka. Lamak bubuaina esa mai osu-osu sama leo ko'as fo natabaa nai letelepak lain. Manada'dik leondiak-ka, beita da'di nita fa, ma neukose ana ta da'di seluk losa dodoon-na.

AMOS 3:1

Mamanene Manetualain hala hehelun-na nde ia, hai leoina Israel fo Manetualain nos kalua leme Masir mai! Manetualain nafa'da nae,

AMOS 4:1

Mamanene leon, hai ina Samaria fo boetai laao sama leo sapi maao manai Basan-nala lemin! Emi tuni-ndeni hataholi tapandoes-sala, ese-lumu hataholi nuu-taa hata-taak-kala, ma emi makaseti emi saotoum-mala, fo ala sadia fe emi ala-lalu tataas esa!

AMOS 5:1

Hai, hataholi Israel-la lemin! Mamanene leona! Au sanga akamee nakamee susa esa ba'eneu emi nae lao ia:

MIKHA 1:2

Mamanene leon, hai leoina-la lemin! Taoafik leon, hai laun manai daebafak-ka lala'en-na lemin! Manetualain Fo Mademaina mai, da'dileo sakasii, fo la'ban emi basa-basam-mala! Mamanenen Ana kokolak neme Uma malalao-malalafun-na nai nusa so'dak-ka.

MIKHA 3:1

Mamanene leon hai emi fo manakoasa Israel-la lemin! Tunga ndoon-na, emi bubuluk ndoos ma matetuk-ka,

MIKHA 3:9

Mamanene au hala-kokolang ia-la leon, hai emi manakoasa Israel fo ta hii ndoos ma matetuk-ka ma manapo'de nasafali ndoos-sa.

MATEOS 13:9

Yesus tui basa nakandandaak ndia boema nae, “Metema see madi'idok soona, mamanene!”

MATEOS 24:21

Bibii namata'uk matua ina nai fai-faik sila la, neukose hapu toto'a-sosota matua ina sama leo ana beita da'di nita neme daebafa ka dada'di makasososa na losa besak ia, ma neukose ana ta da'di seluk so'on.

NINITAK 2:7

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu salani nala! Sila fo manasengi kala, neukose Au fes loak la'a ai boak neme ai huu maso'da ka fo ana moli nai Manetualain Osin dale.”