YOEL 1:13 - Susula Malalaok Hehelu Palak Ma Hehelu Beuk

¹³ Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

YOEL 1:13 ပူးပေါင်းရင်းမြစ်များ

2 SEMUEL 12:16

Boema, Dauk hule-haladoi neu Manetualain fo ela ni'iana ndia lea-hai. Ana oka aon-na, ma tunga-tunga le'odaen-na, nangape'uk nai kaman dale, tehu nai dae lain.

1RAJA-RAJA 21:27

Elia kokolak basa boema, Ahab siiheni bua papaken-na de ana pake si'di lafa lapik da'di neu ta'du-tana sale dalek, boema ana okaaon-na. Nai lelek ana sungu, ana pake si'di lafa lapik boeo, ma metema ana la'o-la'o soona, matan-na ka'da masu-masu nakandoo.

YESAYA 22:12

Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YESAYA 61:6

Neukose loke emi soona lae, Manetualain atan-na ma nanafoik na'de ita Manetualain atan-na. Neukose emi mame'da mita, leoinak-kala su'i-beten, ma emi dalem-ma namatua nanahu sila hata-heton.

YEREMIA 4:8

Hu ndia de, kii ma makaleleu leona, pake lafa lapik, da'di leo ta'du-tana dale he'dik. Nanahu Manetualain nasa-melun manalua pono-ponun-na, ana beita tenak neme Yehuda mai fa.

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

YESKIAL 21:12

Hai hataholi daebafak fo, manasapu-manalalok-konei, kii-makaleleu, ma maloo bou-bou leona! Nana tafaina ndia, naheheleaon la'ban Au anang-ngala. Basa mauli-malangan Israel-la, sama-sama loo basa leoina lala'en-na, neukose nanapauk nenik tafaina ndia, losa mate-mopos, Soona toko emi fanam-mala, da'di leo ta'du-tana susa,

YESKIAL 27:31

Hu kande o de, ala nggeu dilak langan-nala, ma ala pake si'di kalong, manafaluk. Ala kii noi-noi ma ala makaleleu o ua-nalem.

YESKIAL 7:18

Neukose, ala pake si'di kalong, ma neukose basa aon-na lala'en-na, dele ngge'be-ngge'be. Neukose nggeu dilak langan-nala, ma lakamamaek-kasa.

HOSEA 9:5

Nai lelek emi tao agama fai malolen-nala, emi ta hapu tao hata esa boen, soaneu fe ha'da-holomata neu Manetualain fa.

YOEL 2:12

Manetualain nafa'da nae, “Tehu besak ia, fali leo Au mai leon no dale katematuak, boema oka aom-ma, kii ma makaleleu.

YOEL 2:14

Fafa'kama, Manetualain fo o Manetualaim-ma, nasafali dale nakeketun-na de Ana ba'e-pala emi nenik baba'e-papalak manasasi kao-kaok. Nalosa emi hapu tunu-hotu tutunu-hohotu angol ma gandum ba'eneu Manetualain, fo o Manetualaim.

YOEL 2:17

Madenu basa imam fo lalalau-laoono Manetualain, fo ala kii nai mei tunu-hotuk ma uma so'dan manai muka, tala'da, boema lafa'da lae, “Sue-lai O anam-mala, ou Manetualain; boso po'ilotak, lakamuu-lakadau O hata-hetom.” Nalosa leoina fe'ek-kala kokolak holo ma lafa'da lae, “Sila Manetualain nai bee?”

BILANGAN 28:14

Boeo, muse tunu-hotu angol, sama-sama no tutunu-hohotu nanatunuk ndia, fo sapi mane esa soona, angol litel dua, bi'ilopo mane-a, litel esa seselik, ma bi'ilopo ana esan-na, litel esa. Ndia nde da'di nakanenetek la'eneu tutunu-hohotu nanatunuk-ka, fo muse nanatunu-hotuk nai tunga-tunga bulak-kala fain esa, nai teuk esa dalen-na.

BILANGAN 28:4

fo esa soaneu tunu-hotu fafaik, ma esak-ka, soaneu tunu-hotu le'donosok.

BILANGAN 28:7

Muse tunu-hotu bi'ilopoana ndia, sama-sama no angol litel esa boe, fo pisin leo mei tunu-hotuk lain neu.

BILANGAN 29:6

Tutunu-hohotuk sila-la, nalupa tatamak neu tutunu-hohotu nanatunuk-ka, sama-sama no tutunu-hohotu nana'an-na, nai tunga-tunga bulak-kala fain esa. Boeo, nalupa tatamak neu tutunu-hohotu nanatunu tunga faik-ka, fo tunu-hotun sama-sama no tutunu-hohotu nana'ak-ka, ma tutunu-hohotu angol-la. Tutunu-hohotu nanatunuk ndia boon-na, Nandaa no Manetualain dalen-na.

1 KORINTUS 4:1

Bole tafa'da tae, ami ia Kristus malalau-maoonon fo ami nde mataa tui-benga Manetualain dale tutu'un fo daebafa ka beita bubulu kana ndia fa.

1 KORINTUS 9:13

Tao leo beeo emi bubuluk basa hataholi manamalalau-maoono nai Manetualain Uman dale a, ana sipo nana'ak neme Manetualain Uma na mai. Ma hataholi fo manaito-ato nai mamana fee-fee tutunu-hohotu ka, ana hapu baba'ek esa neme tutunu-hohotuk fo nanafek manai ndia.

2 KORINTUS 11:23

Metema sila lamatutua-lamadedema ao nala da'dileo Kristus? Malalau-maoonon soona, au lena seluk bai. Meten soona au samaleo hataholi nggoak nai lelek au afa'da dede'ak ndia. Tehu memak au aue-ale'di sota-mate lena, nasi'a ala tao au leo bui dale neu, la'iba'u ka ala tao la au doidoso ma nasi'a hihii nae mate au.

2 KORINTUS 3:6

Ndia nde tao na ami mapalani da'di malalau-maoono soaneu hehelu beuk esa, fo nde Heheluk fo namahena neu Manetualain Dula Dale na, ta neu hoholo-lalane nanasula ka fa. Nana nanasulak ndia nini mamates, tehu Manetualain Dula Dalen ndia ana fe maso'dak.

2 KORINTUS 6:4

Nasafali na, nai basa hata lala'ena dalek, ami matu'du mae, ami nde bee na Manetualain ata nala. Nana basa toto'a-tataa mata-mata kala, ami la'ola'di basan no ta haelai mamanasa fa:

NINITAK 11:3

Neukose Au adenu Au sakasiing dua fo ala pake bua-lo'a fafaluk. Neukose ala po'a-benga Manetualain hala na faik lifun esa natun dua nehulu.”