YESKIAL 9:9 - Susula Malalaok Hehelu Palak Ma Hehelu Beuk

⁹ Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

YESKIAL 9:9 ပူးပေါင်းရင်းမြစ်များ

2RAJA-RAJA 21:16

Fe'ek neme ana taon-na, hataholi Yehuda-la lasala-lasingo neu Manetualain, nenik ala sene-do'ok neu sosongo-tatangok-ka, Manasye boeo, ana taonisa hataholi sala tak makadotok nanseli, nalosa nai Yerusalem, daak-ka faa su'di leo bee neu.

2RAJA-RAJA 24:4

nakalenak, hu kande basa kanisak fo, ana taon soaneu hataholi sala taak-kala. Manetualain ta nau fe do'o do ampon neu Manasye fa, hu kande tatao-nono'in sila-la.

AYUB 22:13

Tehu, o matane mae, “Ndia bubuluk beek? Ndia nai ko'as-sa selik, de Ana ta bisa naketu-nala'di ita fa.”

MAZMUR 10:11

Ana dodoo nae, “Manetualain nafandele henin so, ma Ana ta taoafik neu fan; soaneu losa dodoon-na, ana ta nita au fa!”

MAZMUR 94:7

Lafa'da lae, “Manetualain ta nita fas, Yakob Manetualain-na, ta taoafik neu fas.”

YESAYA 1:4

Soe ba'eneu emi, leoina fo masala-masingok-kala, hataholi fo dale aafi tak-kala, ma manatao tatao-nono'i mangalauk-kala lemin! Emi kosik de emi tu'da, hu kande emi sala-singom-mala. Emi tipa heni Manetualain so, ma emi masadea Manetualain fo Malalao-malalafuk nanseli, fo emi muse sene-do'ok-ka.

YESAYA 29:15

Soe ba'eneu hataholi fo, ana sanga enok, nafuni dale tutu'un-na neme Manetualain mai! Ala tao no denge-dengek, ma laedaenga hataholi esa boen, ta nita do bubuluk hata fo, sila taon fa

YESAYA 47:10

O mame'da, o dalem-ma tesa-tama nai o tatao-nono'i mangalaum-ma dalek, o dodoo mae, o tatao-nono'im, nanataoafi tak. O manatee-tenom-ma, ma o malelam-ma, ana taon-na o, matofa-matalak, o maedaenga, ta hapu hata, fo sama leo o fa.

YEREMIA 2:34

Ami papake-ngganggaom nanggenggeo, hu kande hataholi nuu taa-hata taak-ka, ma hataholi sala taak-ka, daan-na, ta hu kande nakodaa nanaho'un-nak-ka daan-na fa. Leomae leondiak boe,

YEREMIA 22:17

Tehu o, Yoyakim, fe'ek. K'da o sanga nanalak neu o aopam-ma. O tao misa hataholi fo ta nasala-nasingo fa, ma o tuni-ndeni laun-na nenik nasa meluk.

RATAPAN 1:5

Musun-nala lalole-lanapu, nanahu ala hapu koasa-lan. Manetualain tao-nan doi-doso, nanahu sala-singon makadotok nanseli. Foo leni laun-na so, de loos leo mamana tu'u-tapak neu.

YESKIAL 7:23

Tasi'bu-a, ana da'di nai nusak-ka lala'en-na; nai mamanak lala'en-na, hapu kanisak ma tatao-nono'ik fo, ta lalelak susue-lalaik-ka fa.

YESKIAL 8:12

Manetualain nafa'da au nae, “Hai hataholi daebafak fo, manasapu-manalalok-konei, o mita basa mauli-malangan Israel-la, no denge-dengek, ala tao beek ndia? Ala tao makaluku-makatele nai mamanak fo henuk no sosongo-tatangok-ka, boema lafa'da lae Au la'oela nusak ia so, de Au ta ita sila tatao-nono'in ndia fa.”

YESKIAL 8:17

Manetualain nafa'da au nae, “Hai hataholi daebafak fo, manasapu-manalalok-konei, o mita ndia do ta? Hataholi Yehuda ia-la, lame'da beita dai fa, metema ala tao ka'da tatao-nono'ik nanamaluak ndia mesak-kana, ma ala tao tatao-nono'i ta kandaak-kala, nai nusak ia lala'en-na. Nakalenak bai, ala tao-no'i basa sila-la, nai mamanak ia, fo nai Au Umang dale, de ala tao-la Au, amanasa ba'uk-ka seluk bai. Mitak, ala lakamumulu-lakamamaek Au nenik tatao-nono'ik fo, ta kandaak nanseli ia fa.

HABAKUK 1:4

Ala heheta-aa'i hoholo-lalanek, ndoos ma matetuk-ka ta nanaho'un-nahelek la'iesa boen. Hataholi mangalauk-ka sengi hataholi manatao tunga ndoon-na, de ala puta-pai ndoos ma matetuk-ka.

ZEFANYA 1:12

Nai faik ndia, neukose Au de'de obor, fo Au palisak lutu-lutuk kota Yerusalem-ma. Neukose, Au huku laun fo ta namahele te'e-te'e ndia fa, boema name'da-nana, dai so, ma hataholi fo ana dodoo nae Au, fo Manetualain ta la'iesa fo Ana ho'i nakeketuk leo iak do leonak boen.

LUKAS 11:50

Manetualain tao ndia, fo ela hataholi lelek besak ia la nanahukuk, nanahu kanisak fo nanataok neu basa nabi la, neme daebafa ka nananakadada'di kana mai,

ULANGAN 31:29

Au bubuluk, ae mate au soona, neukose hataholi sila-la da'di hataholi mangalauk, ma ala ta sipok hata fo, au anolin neu sila fa. Ma neu makabuin-na te, susa-soe-a tuni-ndeni nalas, nanahu ala tao-la Manetualain namanasa, nanahu ala la'olena hata fo, Ana ka'in-na.”

ULANGAN 32:5

Tehu emi nde been-na, leoina fo, ta manalilinekak fa, de ta nandaa da'di Ndia anan-nala so'on, leoina fo, henuk no masapepeko-masandandalik ma sala-singok-ka.