YESKIAL 9:4 - Susula Malalaok Hehelu Palak Ma Hehelu Beuk

⁴ “Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

YESKIAL 9:4 ပူးပေါင်းရင်းမြစ်များ

KEJADIAN 4:15

Tehu Manetualain nae, “Ta. Metema, hataholi taonisa o soona, hataholi manataonisa o ndia, ana hapu babalak diku la'i hitu.” Basa boema, Manetualain tao ta'du-tana neu Kaen, fo ela su'di see natongon-no n soona, boso taonisan.

2RAJA-RAJA 22:13

“Meu leona, fo matane Manetualain soaneu au, ma soaneu laun Yehuda lala'en-na, la'eneu susulak ia, isi-liin. Manetualain namanasa ita, nanahu ita bei-ba'i kain-nala, ta lakalala'ok basa paleta, fo nanasulak nai susulak ia dalek fa.”

MAZMUR 119:136

Au luuoeng-nga faa sama leo lee-a, nanahu ta hapu hataholi tunga O hoholo-lalanem fa.

MAZMUR 119:53

Au amanasa hataholi mangalauk-ka nanseli, nanahu ala la'o ela O hoholo-lalanem.

KELUARAN 12:13

Daak manai emi umam-ma lelesu-na, neukose ana da'di ta'du-tana neme uma fo emi mamana leleom-ma. Metema Au ita daak ndia soona, Au la'o seli emi, ma nai lelek Au huku Masir-ra, Au ta tao amopo-amate emi fa.

KELUARAN 12:23

Nai lelek Manetualain, la'ok okofeo nusak ia, fo Ana taonisa hataholi Masir-ra, neukose Manetualain nita daak manai emi umam-ma lelesun-na diin duas, ma nai netes manai lelesu-a lain; soona neukose, Ana la'ok nakandoo, ma Ana ta fe Ata nusa so'dak fo maneni Mamates-sa loak ana masok emi umam-ma, fo ana taonisa emi fa.

KELUARAN 12:7

Muse lose daan faaanak neu uma fo sila la'a bi'ilopoana paan-na ndia, dii lelesun duas, ma netes manai lelesu-a lain.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YEREMIA 13:17

Metema o ta nau mamanene fa, neukose au kii amanininok. Au kii amatani neu O nakatutuam ndia no dale nameme'dak. Au lu'uoeng-nga nasalalalok nanahu Manetualain anan-nala nanafua sama leo hataholi nanafook.

YESKIAL 21:6

Hai hataholi daebafak fo, manasapu-manalalok-konei, makadii-makau ma mahoo nai hataholi Israel-la matan, nono'kabai o dalem-ma he'dis-sa, ma ketu o namahehenam-ma.

YESKIAL 6:11

Manetualain Fo Mademaina, nafa'da nae, “Totoko limam-ma, ma henak o eim-ma dae lain, fo maloo mae: Manea! Te hu kande leoina Israel-la. Tatao-nono'i ta kandaan-nala, ma tatao-nono'i mangalaun lala'en-na, de neukose ala bala leu dae fo mates, nanahu tafaina, la'a-ndoes-sa, ma he'di-laus-sa.

YESKIAL 9:5

Au amanene Manetualain nafa'da hataholi fe'ek-kala nae, “Tunga hataholi ndia, leo basa kota bu'u-bu'un-nala neu, fo taomisa basa hataholi-la; boso fe do'o do ampon neus.

YESKIAL 9:6

Taomisa la'iesak touk-kala, inak-kala, lasik ma mulik, inalasik, toulasik ma ni'iana Tehu hataholi manapake ta'du-tana nai dedein-na, boso koila'e esa boen. Mulain neme ia mai leona, neme Au Umang ia mai.” Boema, ala mulai lakalala'ok sila bela-ba'un, nenik ala taolisa basa mauli-malangan fo, manamapadeik manai Manetualain Uman-na.

AMOS 6:6

Emi minu angol soona, emi di'a mahenu nggalas-sa, ma emi pake mina kabomni neulauk, tehu emi dalem-ma ta he'dis neu Israel nakalulutun-na fa.

ZEFANYA 1:12

Nai faik ndia, neukose Au de'de obor, fo Au palisak lutu-lutuk kota Yerusalem-ma. Neukose, Au huku laun fo ta namahele te'e-te'e ndia fa, boema name'da-nana, dai so, ma hataholi fo ana dodoo nae Au, fo Manetualain ta la'iesa fo Ana ho'i nakeketuk leo iak do leonak boen.

ZEFANYA 3:18

sama leo hataholi manatao feta-dote.” Manetualain nafa'da nae, “Au usi heni susa-soe maneni mamates-sa so. Au lose heni emi matasi'da-matasaim-ma so.

MALEAKHI 3:16

Boema hataholi manabii-lamata'u neu Manetualain esa kokolak no esa. Manetualain namanene ma taoafik neu hata fo hataholi sila lafa'dak-ka. Basa hataholi manafe ha'da-holomata, ma manabii-namata'u neun-na, na'den-na nanasulak nai susulak esa dalek, nai matan-na.

2 KORINTUS 1:22

Soaneu ndia de, Manetualain paku basa ita da'di Ndia nuun, ma Ana fe Dula Dale na leo nai ita dalen dale, da'dileo bua pepe'dak esa nae, neukose Ana fe ita basa hata fo Ana helu ka.

2 KORINTUS 12:21

Au bibii ka'da boso nalosak mahani te nai lelek au ne'i, te Manetualain nakadadaek au nai emi matam fo au kii-makaleleu nana sila ba'u ka nai emi dalek, makahulu na lasala-lasingo, ta lasafali dale nala, ma ala ta hahae tao sila tatao-nono'i manasosoa-piao na, manggenggeok ma ta kandaa ka fa.

GALATIA 6:17

Mulai neme besak ia mai a, esa boso boe fe salak neu esa bai, nana au anuu ta'du-tana nai ao paa nga dalek fo nafa'da nae, au ia, hataholi mana tunga Kristus.

EFESUS 4:30

Boso tao makahehe'dik Manetualain Dula Dale na. Nana Manetualain tao ta'du-tana neu emi ninik Dula Dale ka, de emi da'di Manetualain nuun so. Dula dalek ndia boeo, nalupa bua pepe'dak esa nae, losa Fai Soi-tefa ka te, neukose ana mai neu emi.

2 TIMOTIUS 2:19

Tehu batu netes fo Manetualain nafofo'a ka, matea-mahelek, ta hapu hataholi nanggenggengok nala fan. Nanasulak nai batu netes ndia lain nae, “Lamatua ka nalelak Ndia hataholi nala,” boema “Hataholi fo nafa'da nae, Lamatua ka hataholin ndia, soona hataholi ndia, muse ana hahae tao-no'i tatao-nono'i masalak.”

NINITAK 14:1

Basa ndia de au mete boema nono'ka bai Bi'ilopo Ana ndia napadeik nai Lete Sion lain. Bi'ilopo Ana ndia sama-sama no hataholi lifun natun esa hahuluha. Bi'ilopo Ana ndia no Aman na'de nala nanasulak nai hataholi sila la esa-esak dedei na.

NINITAK 20:4

Boema au ita kandela mane kala, ma hataholi manamangatuuk manai lai na, ala fes koasa fo laketu-lala'di huhukuk. Au boeo ita hataholi fo langa nala nanate'teheni kala samane nala. Hataholi sila la fe sakasii la'eneu Yesus ma ala tui lamaloloa Manetualain hala hehelu na. Hataholi sila la ta sene-do'ok neu bana ndia do bana ndia lupa ao nanadoki-dula na fa. Sila boeo beita sipo lita bana ndia ta'du-tanan nai dedei nala do nai lima nala fa. Boema ala laso'da falik de ala paleta da'dileo mane ka sama-sama lo Kristus teuk lifun esa dale na.

NINITAK 9:4

Ala ka'is fo boso tao lalutu na'u do ai la do bubu'u palusa fe'e kala. Sila ka'da bole leu sapu la hataholi fo nai dedei na ta hapu ta'du-tana segel neme Manetualain mai.