YESKIAL 9:2 - Susula Malalaok Hehelu Palak Ma Hehelu Beuk

² Tutik-ka, hataholi nee, ala to'da liik esa leme deak mai, fo leme Manetualain Uman-na, lelesuinan Kii mai; basa-basas leni tafa-sisilo. Ala mai sama-sama loo hataholi esa, ana pake tema abalutu, neni buku enge. Leu leo dalek leu, de lapadeik deka loo mei tutunu-hohotu liti-a.

YESKIAL 9:2 ပူးပေါင်းရင်းမြစ်များ

2RAJA-RAJA 15:35

Tehu susuek la'iesak-kana, ana ta tao nakalulutuk mamana sosongo-tatangok neu lamatua daebafak-ka fa, nalosa laun-na ka'da tunu-hotu, tutunu-hohotuk lahele ma ala tunu boomenik nai ndia. Yotam nde nafofo'a Lelesuina Kii, fo nai Manetualain Uman.

2TAWARIKH 27:3

Yotam nde nafofo'a Lelesuina Kii nai Manetualain Uman, ma ana tao natea-nahele papala nanadamak Yerusalem-ma nai mamanak fo loken lae Ofel.

2TAWARIKH 4:1

Manek Salomo nadenu fo tao mei tunu-hotuk liti esa nalun-na metel sio ma loan-na metel sio boe, ma deman-na metel haa senti lima.

KELUARAN 40:29

ma ana pe'da mei tunu-hotuk soaneu tutunu-hohotuk nanatunuk-ka nai lelesu ndia matan-na. Ana tunu-hotu tutunu-hohotu nanatunuk ma tutunu-hohotu nanasadiak-ka nai mei tunu-hotuk ndia lain.

YEREMIA 1:15

Neukose Au adenu basa leoina manai boboak kii-la, ala mai, fo ala koasa Yerusalem. Neukose ala loso-la, papala nanadamak fo manaokofefeo-la kota ia, boema lelesuinan-nala, ma basa kota-kota manai Yehuda-la.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 26:10

Lelek malanga manapaleta Yehuda-la lamanene hata fo manada'dik ndia, boema sila kalua lai-lai neme uma manek-kamai, boema leu lo Manetualain Uman-na neu, de langatuk neu Lelesuina Beuk-ka.

YEREMIA 4:6

Matu'du enok leo Sion, fo Manetualain Pupukun-na neu, la-lai, malai la'oela nusak-ka, boso ka'da pe'daaom. Manetualain fe soe-a mai ma nakalulutuk matuaina neme kii mai.

YESKIAL 10:2

Basa boema, Manetualain nafa'da hataholi manapake tema abalutu ndia nae, “Muu leo mahahaek sila-la dae, fo masok leo ban-nala tala'da, fo ho'i-ma ha'ikaak nafanggetek esa. Soona nggali ha'ikaa sila-la leo kota lain neu.” Boema ana tunga, ma au mete ahelek.

YESKIAL 8:3

Ana look hatak esa mai, lupan-na sama leo limak-ka, boema Ana lu'i au langadoong-nga. Basa boema, nai ninitak ndia dalek, Manetualain Duladalen-na, ana so'u namadema au leo lalai neu, de noo au leo Manetualain Uman-na nai Yerusalem, fo leo lelesu masok leo uma so'dan manai dalek-ka neu; lelesu ndia, nasale leo kii neu. Nai ndia, hapu dodoki-dudula sosongo-tatangok fo manatao nafo'a Manetualain nasa melun-na.

YESKIAL 9:11

Basa boema, hataholi manapake tema abalutu ndia, ana fali ma'in, de nafa'da Manetualain nae, “Au akalala'ok basa, Manetualain paletan lala'en-na so.”

YESKIAL 9:3

Boema mandela-masa'ak fo, manada'di ta'du-tana neu Israel Manetualain mamain-na, nasalaa neme mahahaek sila-la mai, boema ana lali neme mamana makasososan ndia mai, de neu leo lelesu masok leo Manetualain Uman dale neu. Boema Manetualain naloo hataholi manapake tema abalutu ndia nae,

DANIAL 10:5

Au anganalo boema, au ita hataholi esa bua papaken-na nanataok neme tema a'balutu, ma kalikeen-na neme lilopila isik-ka mai.

DANIAL 12:6

Esak-ka natane manamapadeik deka no lee su'un-na nae, “Faihi'da manada'di matabeuk ia-la late'e?”

IMAMAT 16:4

Basa soona, Harun muse taoafik neu nakanenetek-kala nde ia. Ana beita masok leo Kama Malalao-malalafuk nanseli-a dalek neu fa te, muse nadiu oe, boema ana pake papake imam-ma, fo nde ba'du, lopo ei keke'uk, kalikee ma fefeo langak, fo basa sila-la nanatenuk neme temak abalutu-a mai.

AMOS 9:1

Au ita Manetualain napadeik deka no mei tunu-hotuk-ka. Ana fe paleta nde ia, “Fepa mapane'e basa dii lupek manai Au Uma nga, fo ela basa uma laten-na lala'en-na nanggengo. Soli matu'u dii sila-la leo hataholi-la langan lain neu. Ta mate see fa soona, neukose Au taoisan nai natee-natatik dale. Hataholi esa boen, ta hapu nalai fa, ma neukose ta hapu hataholi esa boen naladeak fa.

NINITAK 15:6

Boema ata nusa so'da kahitu kala lo susa-soe kahituk sila la kalua leme Manetualain Uman dale mai. Bua-lo'a papake nala neme tema fula balisi ma mangadilak. Ma ala pake babaa fanak fo nanataok neme lilopila sa mai.