YESKIAL 9:1 - Susula Malalaok Hehelu Palak Ma Hehelu Beuk

¹ Basa boema, au amanene Manetualain naloo bou-bou nae, “Mai leo ia mai leona, hai hataholi-hataholi fo, neukose lakalala'ok Au huhukung-nga neu kota ia. Ho'i meni emi tafa-sisilom.”

YESKIAL 9:1 ပူးပေါင်းရင်းမြစ်များ

2RAJA-RAJA 10:24

Boema, Yehu ma Yonadab, tunu-hotu tutunu-hohotuk fe Baal. Yehu pe'da basa manamanea, ma malanga solda'du manai lain 80, lai deak so. Ana fes paleta nde ia so, nae, “Emi muse taomisa la'iesak hataholi sila-la. See po'ilotak hataholi sila-la, esa nalai soona, neukose hataholi ndia nanataonisak!”

1 TAWARIKH 21:15

Boema Manetualain nadenu ata nusa so'dak esa soaneu tao namate-namopo Yerusalem. Tehu lelek ata nusa so'dak ndia losa nai deka no Arauna fo hataholi Yebus ndia popo'de gandum ma boema, Manetualain nasafali nakeketun soaneu huku leoina ndia. Nafa'da ata nusa so'dak ndia nae, “Dai so! Mate'e leon!”

KELUARAN 12:23

Nai lelek Manetualain, la'ok okofeo nusak ia, fo Ana taonisa hataholi Masir-ra, neukose Manetualain nita daak manai emi umam-ma lelesun-na diin duas, ma nai netes manai lelesu-a lain; soona neukose, Ana la'ok nakandoo, ma Ana ta fe Ata nusa so'dak fo maneni Mamates-sa loak ana masok emi umam-ma, fo ana taonisa emi fa.

YESAYA 6:8

Boema, au amanene Manetualain halan-na, nafa'da nae, “Neukose, Au adenu see? Neukose, see nde da'di ita maneni halan-na?” Boema au ataa ae, “Au nde ia. De madenu au leona!”

YEREMIA 4:6

Matu'du enok leo Sion, fo Manetualain Pupukun-na neu, la-lai, malai la'oela nusak-ka, boso ka'da pe'daaom. Manetualain fe soe-a mai ma nakalulutuk matuaina neme kii mai.

YESKIAL 43:3

Ninitak ndia, sama leo au itan nai lelek, Manetualain mai tao nakalulutuk Yerusalem-ma, ma sama leo au itan neme Lee Kebar-ra. Boema au bala u dae, de au sene-do'ok.

NINITAK 14:7

Ata nusa so'dak ndia nalo bou-bou napane'e nae, “Bii neu Manetualain leona, ma koa-kio matua-mademan! Nana fai na losa soaneu Manetualain naketu-nala'di hataholi daebafa ka so. Sene-do'ok neu Ndia fo mana makadada'dik lalai a, daebafa ka, tasi a ma basa oemata lala'ena!”