YESKIAL 8:3 - Susula Malalaok Hehelu Palak Ma Hehelu Beuk

³ Ana look hatak esa mai, lupan-na sama leo limak-ka, boema Ana lu'i au langadoong-nga. Basa boema, nai ninitak ndia dalek, Manetualain Duladalen-na, ana so'u namadema au leo lalai neu, de noo au leo Manetualain Uman-na nai Yerusalem, fo leo lelesu masok leo uma so'dan manai dalek-ka neu; lelesu ndia, nasale leo kii neu. Nai ndia, hapu dodoki-dudula sosongo-tatangok fo manatao nafo'a Manetualain nasa melun-na.

YESKIAL 8:3 ပူးပေါင်းရင်းမြစ်များ

1RAJA-RAJA 18:12

Metema au la'o eme ia mai soona, neukose Manetualain Dula dalen-na fafa'kama no Ama leo mamanak fo au ta bubuluk-kana fa! Ma metema au afa'da Ahab-pae Ama nai ia, fo ta natongon-no Ama fa soona, taoleo bee o neukose ana taonisa au. Fo ela Ama bubuluk, te au ia te'e-te'e hule-haladoi neu Manetualain neme au bei anang-nga mai!

2RAJA-RAJA 16:14

Ahas nita mei tunu-hotuk liti fo, nanafe hehelik neu Manetualain-na, nanape'dak nai Manetualain Uman-na, no mei tunu-hotuk beuk-ka tala'da. Hu ndia de, mei tunu-hotu liti ndia, nanalali heok, neme Manetualain Uman-na uluk mai, fo leo mei tunu-hotuk beun ndia, boboan kii neu.

2RAJA-RAJA 2:16

ma lae, “Ami hataholi 50, balakaik mesa-mesan. Hu ndia de, mai fo, ata teu sanga o tuam Elia. Te fafa'kama, Manetualain Duladalen-na, non leo letek, do bafak neu, de Ana la'o elan neme ndia.” Boema, Elisa nataa nae, “Nemen-na!”

2RAJA-RAJA 21:7

Ana tao lamatua daebafak Inak Asyera, dodoki-dudulan nai Manetualain Uman dale, te se'kona, Manetualain nafa'da basan neu Dauk, ma anamanen Salomo, la'eneu mamanak ndia nae, “Au hele basa Au Umang-nga, ma kota Yerusalem ia, nai leo Israel-la, nusa ka 12-nala dalek, nde been-na, mamanak fo Au aketun, da'di leo mamana makaluku-makatele neu Au.

MAZMUR 78:58

Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

KELUARAN 20:4

Boso doki-dulak soaneu o aoinam-ma, dodoki-dudulak fo nalupa leo beek boe, nai lalai, nai daebafak-ka, do nai oe dale nai daebafak-ka buin-na.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

KELUARAN 34:14

Boso sene-do'ok neu lamatua fe'ek, nana Au Manetualain, nde been-na Manetualain fo ta nau nakasasamak-kana no su'di beek-ka fa.

YEREMIA 32:34

Nakalenak uma fo ala taolak soaneu mamana huhule-haladoik neu Au-a, ala tao langgenggeon nenik ala pe'da sila sosongo-tatangon fo manamaluak nai mamanak ndia.

YEREMIA 7:30

Hataholi Yehuda-la, tao basa tatao-nono'i mangalauk so. Sila sosongo-tatangon fo, Au ta ahiik sila-la, ala pe'das lai Au Umang dale, nalosa Au Umang-nga nanggenggeo.

YESKIAL 1:1

Nai hataholi Yahudi-la bula ka haan-na fain lima, nai teu ka teluhulun-na dalek, fo ndia te Manek Yoyakhin-na, nanafook leo mamana tu'u-tapak neu, de ana leo teuk lima dalen-na nai ndia so, boema au, Imam Yeskial, fo Busi anan-na, sama-sama o hataholi Yahudi fe'ek nanafook-kala nai Lee Kebar-ra su'un-na. Boema no kaiboik, lalai-a natahuka, de au hapu ninitak la'eneu Manetualain. Au amanene Manetualain kokolak no au, de koasan-na poti-na au.

YESKIAL 10:3

Lelek ana leo dalek neu te, mahahaek sila-la bei lapadeik lai Manetualain Uman-na boboan kona. Uma so'dan manai dalek-ka, ma Manetualain Uman-na lala'en-na, henuk no ko'as bubuak esa.

YESKIAL 11:1

Boema, Manetualain Duladalen-na, so'u-na au de noo au leo Manetualain Uman-na lelesuinan Dulu neu. Au ita hataholi duahulu lima lai ndia, de nai hataholi ka duahulu limak sila-la dalek, hapu mauli-malangan leoina dua lai dalek, fo nde Yaazanya, fo Azur anan-na, ma Pelaca, fo Benaya anan-na.

YESKIAL 11:24

Nai ninitak ndia dalek, au ita Manetualain Duladalen-na, ana so'u-na au, de no falik au leo hataholi nanatu'u-tapak manai Babel-la neu. Basa boema, ninitak ndia, mopok-kana.

YESKIAL 2:9

Basa boema, au ita limak esa, ana look-kana leo au mai. Nai limak ndia dalek, hapu susula nanadikuk,

YESKIAL 3:12

Boema, Manetualain Duladalen-na, ana so'u-na au, de au amanene halak-ka, nanggulu nai au deang-nga nae, “Koa-kio Manetualain manai nusa so'dak-ka, mandela-masa'an!”

YESKIAL 3:14

Manetualain koasa matuainan-na, ana mai leo au mai, de lelek Manetualain Duladalen-na so'u-na au de noo au, boema au ame'da daleng-nga makahe'duk, ma namahana.

YESKIAL 37:1

Boema Manetualain koasan-na, ana poti-na au, de Duladalen-na no au leo bafak esa, henuk no duik-kala.

YESKIAL 40:2

Nai ninitak esa dalek, Manetualain noo au leo dae Israel-la neu, de Ana pe'da au nai lete mademaina esa poin-na. Au ita nai au matang-nga, uma bubuak esa, nalupa kota esa.

YESKIAL 43:5

Manetualain Duladalen-na, ana so'u-na au, de noo au leo uma so'dan manai dalek-ka neu; nai ndia, au ita Manetualain mandela-masa'an, poti-na Manetualain Uman-na.

YESKIAL 43:8

Makahulun-na, sila manen-nala tao lelesu dook, ma sila uma manen-na diin-nala, lai Au Umang-nga lelesu doon, ma diin-nala boboan-na, nalosa hapu ka'da papala esa nai tala'da. Ala tao langgenggeo basa Au na'de malalao-malalafung-nga, nenik sila tatao-nono'in fo, nanamaluak-ka. Hu ndia de, Au tao amate-amopos, nai Au nasa-melung dale.

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.

YESKIAL 7:20

Makahulun-na, dalen-nala lamatua neu sila poemata mana'a hiin-na, tehu ala ho'i-lan de, ala taon neu dodoki-dudula sosongo-tatangok nanamaluak-ka, de Manetualain tao-na sila hata-heton sila-la, da'di hata esa fo, neni bibii-namata'u matuaina.

YESKIAL 8:5

Manetualain nafa'da au nae, “Hai hataholi daebafak fo, manasapu-manalalok-konei, mete leo kii neu.” Au tunga, de nai mei tunu-hotuk-ka boboan fo, manadeka no enok masok leo dalek neu-a, au ita sosongo-tatangok fo, manatao nafo'a Manetualain nasa-melun-na nai ndia.

YESKIAL 9:2

Tutik-ka, hataholi nee, ala to'da liik esa leme deak mai, fo leme Manetualain Uman-na, lelesuinan Kii mai; basa-basas leni tafa-sisilo. Ala mai sama-sama loo hataholi esa, ana pake tema abalutu, neni buku enge. Leu leo dalek leu, de lapadeik deka loo mei tutunu-hohotu liti-a.

DANIAL 10:10

Basa boema, hapu limak esa koila'e au, de nafofo'a au no au asaka neu au limang-nga ma au lungulangang-nga.

DANIAL 10:18

Boema ana koila'e au la'i esa seluk, boema au ame'da au balakaing-nga, ana popo-tama.

DANIAL 5:5

No kaiboik, lita hataholi liman-na ana sulak hata esa nai uma manek-ka solosiun-na nai mamanak fo banuk-ka nasalaa la'en, nalosa manek-ka hapu nitan no mangale'dok.

HATAHOLI 8:39

Lelek ala kalua leme oe dale mai, boema Manetualain Dula Dale na no heok Felipus de nalosa pegawi matua-madema fo maneme Etiopia ndia ta nita Felipus so'on. Pegawi matua-madema ndia la'ok nakandoo no namahokok.

ULANGAN 32:16

Ala sene-do'ok neu sosono-tatangok, nalosa Manetualain nape'da dale nasak-kasa fa, Nasa-melun fo'a, nanahu tatao-nono'i mangalauk ndia.

ULANGAN 32:21

Ala tao-la au ta ahiik hata fo, Manetualain ta nde ndia fa, ma Au amanasa sila dodoki-dudula sosongo-tatangon. Boema Au tao-a, Au anang-ngala ta lahiik hataholi fo, leoina ta ndia fa, ma Au amanasa leoina nggoak-ka.

ULANGAN 4:24

nana emi Manetualain-ma sama leo ha'i manana'a naputuk-ka. Ana ta nau emi makasasamak-kana no hata esa boen.

ULANGAN 5:9

Boso sene-do'ok neu dodoki-dudulak matak leondiak-ka, nanahu Au fo emi Manetualaim-ma, ta nau nakasasamak-kana o hata esa boen. Hataholi fo nape'da dale nasak neu Au, neukose Au hukun losa bobongi ka telu ma ka haa.

ULANGAN 6:15

Metema emi sene-do'ok neu lamatua fe'ek-kala, soona neukose emi hapu emi Manetualaim-ma nasa-melun, ma Ana tao namate-namopo la'iesak emi, nana emi Manetualaim-ma fo, manai emi tala'da heom-ma, Ana ta nau makasasamak-kana no hata esa boen.

YOSUA 24:19

Boema Yosua nafa'da nae, “Tehu fafa'kama, neukose emi ta mapalani makaluku-makatele mahele neu Manetualain fa, nana Ndia Manetualain malalao-malalafuk, Fo Ka'da Kisak. Ana ta nau hataholi nakasusu'dik no fan. Metema, emi la'oelan, fo makaluku-makatele neu lamatua daebafak fe'ek soona, neukose Ana ta fe do'o do ampon neu emi sala-singom fa. Nasafalin-na, neukose Ana la'ban ma Ana huku emi. Neukose, Ana tao namopo-namate emi, leomae makahulun-na, Ana malole no emi.”