YESKIAL 8:14 - Susula Malalaok Hehelu Palak Ma Hehelu Beuk

¹⁴ Boema, noo au leo Manetualain Uman-na lelesuinan kii neu, de natu'du au, inak-kala kii-makaleleu Lamatua daebafa Tamus-sa mamaten-na.

YESKIAL 8:14 ပူးပေါင်းရင်းမြစ်များ

YESKIAL 11:12

Soona besak-ka emi bubuluk, mae Au nde Manetualain-na, ma Au huku emi, nanahu emi la'olena Au nakaneneteng-ngala, ma emi ta taoafik neu Au paletang-ngala fa, nenik emi tunga leoina manai emi titia-tataim-mala, hoholo-lalanen.”

YESKIAL 44:4

Basa boema, touk ndia noo au leo lelesuina kii, fo nasasalematak no Manetualain Uman-na. Au taoafik matalololen boema, au ita Manetualain mandela-masa'an poti-na Manetualain Uman-na, fo da'di ta'du-tana nae, Manetualain nai ndia. Boema au bala uu de, au sene-do'ok,

YESKIAL 46:9

Nasafalin-na, metema nai fai matua, fo laun-na mai sene-do'ok neu Manetualain, soona sila nde masok tunga lelesuina kii, ma ala sene-do'ok basa, fo ala fali soona, muse ala tunga lelesuina kona. Ma sila fo, manamasok tunga lelesuina kona, ala fali soona, muse ala tunga lelesuina kii. Hataholi-la hapu kekena-kaka'ik fo, ala boso fali tunga enok fo, nai lelek ala masok-ka; ala muse fali tunga lelesuina manai selik-ka.

YESKIAL 8:13

Boema Manetualain nafa'da au nae, “Neukose o mita, ala tao tatao-nono'ik fo nanamaluak lena seluk bai.”

YESKIAL 8:15

Manetualain natane au nae, “Hai hataholi daebafak fo, manasapu-manalalok-konei, o mita ala tao beek ndia? Bei hapu tatao-nono'i nanamaluak, makadotok seluk bai.”