YESKIAL 8:12 - Susula Malalaok Hehelu Palak Ma Hehelu Beuk

¹² Manetualain nafa'da au nae, “Hai hataholi daebafak fo, manasapu-manalalok-konei, o mita basa mauli-malangan Israel-la, no denge-dengek, ala tao beek ndia? Ala tao makaluku-makatele nai mamanak fo henuk no sosongo-tatangok-ka, boema lafa'da lae Au la'oela nusak ia so, de Au ta ita sila tatao-nono'in ndia fa.”

YESKIAL 8:12 ပူးပေါင်းရင်းမြစ်များ

2RAJA-RAJA 17:9

ma ala tao tatao-nono'ik fo, sila Manetualain nape'da dale nasak-kana fa. Ala tao lamatua daebafak-ka, mamana sosongo-tatangon, nai basa sila kotan-nala, nau nai kota ana, do kota matua boe.

MAZMUR 10:11

Ana dodoo nae, “Manetualain nafandele henin so, ma Ana ta taoafik neu fan; soaneu losa dodoon-na, ana ta nita au fa!”

MAZMUR 14:1

Soaneu mauli-malanga nakameek-ka. Dauk kokoa-kikion-na. Hataholi nggoak-ka, kokolak nai dalen dale nae, “Manetualain ta.” Sila tatao-nono'in mangalauk, ma ta kandaak fa, ta hapu manatao malole fa.

MAZMUR 73:11

Lafa'da lae, “Manetualain ta bubuluk fa, Manetualain Fo Mademaina, ta nalelak fa”

YESAYA 29:15

Soe ba'eneu hataholi fo, ana sanga enok, nafuni dale tutu'un-na neme Manetualain mai! Ala tao no denge-dengek, ma laedaenga hataholi esa boen, ta nita do bubuluk hata fo, sila taon fa

YESAYA 47:10

O mame'da, o dalem-ma tesa-tama nai o tatao-nono'i mangalaum-ma dalek, o dodoo mae, o tatao-nono'im, nanataoafi tak. O manatee-tenom-ma, ma o malelam-ma, ana taon-na o, matofa-matalak, o maedaenga, ta hapu hata, fo sama leo o fa.

YESKIAL 14:1

Leoina Israel-la, mauli-malangan de'ubee, ala mai leo au mai, fo latane Manetualain hihii-nanaun.

YESKIAL 20:1

Nai hataholi Yahudi-la bula ka lima-na, fain sanahulu, fo nai lelek ami nai mamana tu'u-tapak, teu ka hitun-na, boema mauli-malangan Israel de'ubee, ala mai leo au mai, fo loke natutu'duk neme Manetualain mai. Langatuuk basa lai au matang-nga boema,

YESKIAL 8:11

Leoina Israel-la, mauli-malangan ka hituhulun-nala lai ndia, ma Yaazanya, fo Safan anan-na, nai dalek boe. Sila esan-na, ana ho'u mamana tutunu boomenik esa, de boomenik-ka masu-masu.

YESKIAL 8:13

Boema Manetualain nafa'da au nae, “Neukose o mita, ala tao tatao-nono'ik fo nanamaluak lena seluk bai.”

YESKIAL 8:15

Manetualain natane au nae, “Hai hataholi daebafak fo, manasapu-manalalok-konei, o mita ala tao beek ndia? Bei hapu tatao-nono'i nanamaluak, makadotok seluk bai.”

YESKIAL 8:17

Manetualain nafa'da au nae, “Hai hataholi daebafak fo, manasapu-manalalok-konei, o mita ndia do ta? Hataholi Yehuda ia-la, lame'da beita dai fa, metema ala tao ka'da tatao-nono'ik nanamaluak ndia mesak-kana, ma ala tao tatao-nono'i ta kandaak-kala, nai nusak ia lala'en-na. Nakalenak bai, ala tao-no'i basa sila-la, nai mamanak ia, fo nai Au Umang dale, de ala tao-la Au, amanasa ba'uk-ka seluk bai. Mitak, ala lakamumulu-lakamamaek Au nenik tatao-nono'ik fo, ta kandaak nanseli ia fa.

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

ZEFANYA 1:12

Nai faik ndia, neukose Au de'de obor, fo Au palisak lutu-lutuk kota Yerusalem-ma. Neukose, Au huku laun fo ta namahele te'e-te'e ndia fa, boema name'da-nana, dai so, ma hataholi fo ana dodoo nae Au, fo Manetualain ta la'iesa fo Ana ho'i nakeketuk leo iak do leonak boen.

EFESUS 5:12

Nanahu dede'a-dede'ak fo sila taon no nafufunik ndia, ka'da kokola kana boeo, nini mamaek so.)

ULANGAN 27:15

Hataholi Lewi-la, ala kokolak lae, ‘Nanasoo-supak ba'eneu hataholi fo, ana tao dodoki-dudulak neme batu, ai, do liti-a mai, fo ana sene-do'ok neun, no nafufunik; Manetualain ta hii sosongo-tatangok fa!’ Basa laun Israel-la lala'en-na lataa lae: ‘Tete'ek-ka!’ (Amin)