YESKIAL 8:11 - Susula Malalaok Hehelu Palak Ma Hehelu Beuk

¹¹ Leoina Israel-la, mauli-malangan ka hituhulun-nala lai ndia, ma Yaazanya, fo Safan anan-na, nai dalek boe. Sila esan-na, ana ho'u mamana tutunu boomenik esa, de boomenik-ka masu-masu.

YESKIAL 8:11 ပူးပေါင်းရင်းမြစ်များ

2RAJA-RAJA 22:12

Boema, manek-ka fe paleta nde ia, neu Imam Hilkia, Ahikam, fo Safan anan-na, Akhbor, fo Mikha anan-na, Safan, fo nusaina hataholi manasulak susulan-na, ma Asaya, fo solda'du manamanea manek-ka nae:

2RAJA-RAJA 22:14

Boema, Hilkia, Ahikam, Akhbor, Safan ma Asaya leu loke natutu'duk neme inak esa, na'de Hulda. Inak ndia, nabi esa, fo ana leo nai nggolo beuk manai Yerusalem-ma. Saon-na, na'de Salum, fo Tikwa anan-na, ma Harhas upun-na; Salum ia, nde ito-ato papake-ngganggaok makaluku-makatele-a, nai Manetualain Uman. Lelek Hulda namanene, sila hala nafa'dan ndia boema,

2RAJA-RAJA 22:3

Mane Yosia nanuu hataholi manasulak susulak esa, nai nusainan-na dalek, na'de Safan, fo Azalya anan-na, fo Mesulam upun-na. Mane Yosia, ana paleta neu teu ka 18-na boema, ana fe paleta nde ia, neu hataholi manasulak susulak ndia nae, “Muu leo Imam Manai lain-na, fo Hilkia, nai Manetualain Uman muu. Moken, fo nafa'da, lakabubua-la doik-kala, dede'un-na, neme imam-imam fo, lalalau-laoono nai lelesu masok leo Manetualain Uman dale neu-a.

2RAJA-RAJA 22:8

Boema Safan nanduku-nalosak manek-ka paletan ndia neu Hilkia, boema Hilkia tui Safan nae, ndia hapu falik Manetualain susula hoholo-lalanen, neme Manetualain Uman-na so. Hilkia fe susulak ndia, leo Safan neu, de Safan lees-sana.

2RAJA-RAJA 25:22

Basa ndia boema, Mane Nebukadnezar-ra so'u Gedalya, fo Ahikam anan-na, Safan upun-na, da'di filana nai Yehuda, fo ana paleta bei ela hataholi manai naa-la.

2TAWARIKH 26:16

Lelek manek Uzia natea-nahele boema, ana da'di manakoao-ndaeaok, de koao-ndaeaon ndia nde tao nakalulutuk-kana. Ana la'o lena Manetualain paletan-na, nanahu neu leo Manetualain Uman dale neu fo ana hotu boomenik nai mei tunu-hotu boomenik lain.

2TAWARIKH 26:19

Nai lelek ndia, Uzia bei napadeik deka no mei tunu-hotu boomenik-ka nai Manetualain Uman no mamana hohotu boomenik-ka nai liman-na. Ana namanasa imam-imam sila-la de no kaiboboianak he'di lou mangalauk-ka da'di nai dedein-na.

2TAWARIKH 34:20

Boema manek-ka fe paleta nde ia neu Hilkia, Ahikam, fo Safan anan-na, Abdon fo Mikha anan-na, Safan fo nusaina hataholi manasulak susulan-na, ma Asaya fo manek-ka manamanea-na nae.

KELUARAN 24:1

Basa boema, Manetualain nafa'da Musa nae, “Kae leo lain mai fo mataa Au, sama-sama moo Harun, Nadab ma Abihu, ma leoina mauli-malanagan ka hituhulun-nala, fo sene-do'ok neu Au, tehu boso deka Au.

KELUARAN 24:9

Basa boema, Musa, Harun, Nadab, Abihu ma mauli-malangan ka hituhuluk sila-la kae leo letek lain leu,

YESAYA 44:13

Tuka ai-a, ana uku ai. Ana dulak dodoki-dudulak lupan-na nenik ha'o, basa boema, ana doki-dulak-kana nenik ndia fela-dopen, de ana taon da'di hataholi daebafak mata-makeek-ka, dodoki-dudulan, boema ana pe'dan neu uman dale.

YEREMIA 19:1

Manetualain nadenu au u asa kete, ma leleko manamalanga leoina de'ubee, boema imam lasik de'ubee,

YEREMIA 19:4

Au tao dede'ak ndia nana loina ia la'o ela Au so. Ala tao langgenggengo mamanak ia nenik ala fe tutunu-hohotuk lo lamatua daebafak fe'ek-kala ba'eneu sila, ba'eneu sila bei ba'i-kain-nala, ma ba'eneu manek-manek manai Yehuda. Sila boeo ala tao hataholi sala taak-kala daan-na nai mamanak ia boe.

YEREMIA 26:22

Tehu Mane Yoyakim-ma nadenu Elnatan fo Akhbor anan-na no hataholi fe'ek de'ubee leu Masir leu fo ala lalafalik Uria.

YEREMIA 26:24

Tehu besak ia, Ahikam fo Safan anan-na baba'e-papala tutulu-fafalin de, au, Yeremia, ta nanafek lo laun-nala leu fo soaneu tao lisa au fa.

YEREMIA 29:3

Au haitua susulak ndia neu Safan anan Elasa, ma Hilkia anan Gemarya fo Yehuda manen Zedekia nadenun leo Nebukadnezar fo manek Babel-la neu. Susulak ndia liin-na nae leo ia,

YEREMIA 36:10

Boema Barukh lees basa hata fo Au afa'dan nai susulak nanalunuk ndia dalek-ka boema lamanenen. Lelees ndia, nanalees nai Manetualain Uman, fo nai Safan anan Gemarya kantor-a. Kantor ndia mamanan-na pasan manai lain-na, deka enok masok lo lelesu ina beuk manai Manetualain Uman-na.

YEREMIA 44:21

“Ade emi maedaeng-nga Manetualain ta bubuluk do nasanggango heni tutunu-hohotuk fo nanatunu-hotuk neme mei bei ba'ikai manamatem-mala, neme manek-manek-kala ma emi mauli-malangam-mala ma nusak ia laun-nala ma neme emi ia mai boe, nai kota-kota Yehuda ma nai enok-enok Yerusalem fa do?

YEREMIA 5:5

Malole lenak au u leo hataholi matua-madema-ma u, fo au kokolak os. Tao leo bee-o, ala bubuluk hata fo, Amak Manetualain nahiik-kana, ma noken neme sila mai.” Tehu sila basa-basas boeo, ta nau Manetualain paleta sila fa; ala ta nau tunga fan.

YEREMIA 52:27

nai dae Hamat. Nai na ala fes doidoso ma ala tao lisas. Hataholi Yehuda-la nanafook leondiak neme sila nusan leo mamana ookak-ka neu;

YEREMIA 7:9

Emi mamanako, manisa, hohonge, fe sakasii pepekok, fe tutunu-hohotuk neu Baal, ma sene-do'ok neu lamatua daebafak fo, emi ta malelak-kana fa.

YESKIAL 20:1

Nai hataholi Yahudi-la bula ka lima-na, fain sanahulu, fo nai lelek ami nai mamana tu'u-tapak, teu ka hitun-na, boema mauli-malangan Israel de'ubee, ala mai leo au mai, fo loke natutu'duk neme Manetualain mai. Langatuuk basa lai au matang-nga boema,

YESKIAL 8:10

Tutik-ka, au u leo dalek u de au mete. Boema au ita bana manalo'do-laek mata-matak-kala, bana fe'e-fe'ek fo nanamaluak-kala, ma leoina Israel-la sosongon-tatangon-nala, nanadokik nai papala-la.

YESKIAL 9:6

Taomisa la'iesak touk-kala, inak-kala, lasik ma mulik, inalasik, toulasik ma ni'iana Tehu hataholi manapake ta'du-tana nai dedein-na, boso koila'e esa boen. Mulain neme ia mai leona, neme Au Umang ia mai.” Boema, ala mulai lakalala'ok sila bela-ba'un, nenik ala taolisa basa mauli-malangan fo, manamapadeik manai Manetualain Uman-na.

DANIAL 9:8

Ami manem-mala, mauli-malangam-mala, ma ami bei-ba'i kaim-mala, ala tao-no'i dede'ak fo neni mamaek, de lasala-lasingo basa neu O so, ou Manetualain.

BILANGAN 11:16

Boema Manetualain nafa'da Musa nae, “Maloo makabubua leoina Israel-la hele lasi ka hituhuluk fo da'di leo mauli-malangan leoina. Moos leo Au matang mai, nai Au Lalaa Temang dale, boema madenus lapadeik leu ndia, nai o boboam-ma.

BILANGAN 11:25

Boema Manetualain kona nai ko'as dale, de Ana kokolak no Musa. Manetualain ho'in-na koasa fo Ana fe basa Musa seli ndia, de Ana fen leo mauli-malangan ka hituhuluk sila-la neu. Lelek Manetualain Duladalen-na kona neu hataholi sila-la lain boema, ala mulai laloo beebou sama leo nabi-a, tehu ta dook-ka fa.

BILANGAN 16:35

Boema Manetualain fe ha'i mai, de na'a naputu la'iesak hataholi ka natun dua limahuluk fo, manatunu-hotu boomenik sila-la.

LUKAS 10:1

Basa ndia de Lamatua ka hele na ana manatungan hituhulu seluk, boema nadenus ala la'ok dua-dua lakahuluk leme Yesus leo basa kota ma mamanak fo sanga neu donge-dama kala.