YESKIAL 8:10 - Susula Malalaok Hehelu Palak Ma Hehelu Beuk

¹⁰ Tutik-ka, au u leo dalek u de au mete. Boema au ita bana manalo'do-laek mata-matak-kala, bana fe'e-fe'ek fo nanamaluak-kala, ma leoina Israel-la sosongon-tatangon-nala, nanadokik nai papala-la.

YESKIAL 8:10 ပူးပေါင်းရင်းမြစ်များ

KELUARAN 20:4

Boso doki-dulak soaneu o aoinam-ma, dodoki-dudulak fo nalupa leo beek boe, nai lalai, nai daebafak-ka, do nai oe dale nai daebafak-ka buin-na.

YESAYA 44:13

Tuka ai-a, ana uku ai. Ana dulak dodoki-dudulak lupan-na nenik ha'o, basa boema, ana doki-dulak-kana nenik ndia fela-dopen, de ana taon da'di hataholi daebafak mata-makeek-ka, dodoki-dudulan, boema ana pe'dan neu uman dale.

YEREMIA 16:18

Neukose Au balas sila sala-singon-nala ma tatao-nono'i mangalaun-nala didikuk la'i dua, nanahu sila tao basa manggenggeo-mangganggamuk nai Au nusang dale nenik sosongok-tatangok ba'uk-ka. Sosongok-tatangok sila-la hahae taak-kala sama leo manamates-sa.”

YEREMIA 3:9

ma ana ta name'da bibii-mamaek makandondook fa. Ana hohonge, nanahu ana sene-do'ok neu ai ma batu, nalosa nusak ia ana da'di naggenggeo.

YEREMIA 44:21

“Ade emi maedaeng-nga Manetualain ta bubuluk do nasanggango heni tutunu-hohotuk fo nanatunu-hotuk neme mei bei ba'ikai manamatem-mala, neme manek-manek-kala ma emi mauli-malangam-mala ma nusak ia laun-nala ma neme emi ia mai boe, nai kota-kota Yehuda ma nai enok-enok Yerusalem fa do?

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.

YESKIAL 11:12

Soona besak-ka emi bubuluk, mae Au nde Manetualain-na, ma Au huku emi, nanahu emi la'olena Au nakaneneteng-ngala, ma emi ta taoafik neu Au paletang-ngala fa, nenik emi tunga leoina manai emi titia-tataim-mala, hoholo-lalanen.”

YESKIAL 23:14

Nakalenak, ana boetai sosoa-piao seluk; nahiik nanseli neu dula-dulak fo manadokik manai papala-la, boema ala cet dulak sila-la, nenik cet pilas sama leo daak-ka. Dulak sila-la, nde malanga solda'du matuaina Babel-la, loo kalikee mana'ahiik, ma fefeo langak mafifikok-kala.

YESKIAL 8:11

Leoina Israel-la, mauli-malangan ka hituhulun-nala lai ndia, ma Yaazanya, fo Safan anan-na, nai dalek boe. Sila esan-na, ana ho'u mamana tutunu boomenik esa, de boomenik-ka masu-masu.

YESKIAL 8:9

Nafa'da au nae, “Muu leo dalek muu, fo mete ala tao tatao-nono'i ta kandaak-kala, ma nanamaluak-ka nai ndia.”

ROMA 1:23

Ala ta sene-do'ok neu Manetualain fo matea-mahelek ndia fa, te ala sene-do'ok neu ai batu nanadoki-dula kala, fo lalupa hata maso'dak, tehu hahae ta kala; ala doki-dulak las lalupa hataholi daebafak, manupuia, bana ei hak, ma bana manalo'do-lae ka.

ULANGAN 14:3

“Boso mi'a bana fo, Manetualain ta nau ta'a paan-na fa.

ULANGAN 4:16

Da'di, manea leona, fo ela boso nalosak emi masala-masingo, nanahu emi tao dodoki-dudulak fo emi sene-do'ok neun. Dodoki-dudulak ndia lupan-na su'di leo beek boe, sama leo touk do inak,

ULANGAN 4:23

Mafandendelek matalolole! Fo boso mafandele heni emi Manetualaim-ma tao hehelu-balataak no emi-a. Tunga paletan-na; fo boso doki-dulak dodoki-dudulak nai lupak matak leo beek ndia boe, fo sene-do'ok neun,

ULANGAN 4:25

Boeo mahani te, metema emi leo dook-ka nai nusak ndia, ma emi maupu-maanak soona, boso tao sala-singok, nanahu emi tao dodoki-dudulak nai lupak matak leo beek-ka boe. Tatao-nono'ik ndia nde been-na, tatao-nono'i mangalauk esa, nai emi Manetualain-ma mata memeten-na, de neukose namanasa.