YESKIAL 8:1 - Susula Malalaok Hehelu Palak Ma Hehelu Beuk

¹ Nai hataholi Yahudi-la bula ka nee-a, fain lima, fo nai tepo-lelek ami nanatu'u-tapak leo mamana tu'u-tapak, teu ka neen-na, boema hataholi Yehuda nanatu'u-tapak-kala, mauli-malangan-nala, ala mai leo au umang mai, de ami mangatuuk sama-sama. Boema, no kaiboik, Manetualain Fo Mademaina koasan-na, ana koasa-na au.

YESKIAL 8:1 ပူးပေါင်းရင်းမြစ်များ

2RAJA-RAJA 6:32

Boema, manek-ka nadenu hataholi esa, la'o nakahuluk-kana, leo Elisa uman neu. Faik ndia, Elisa nai uma, ma lasi nggolok de'u bee, lai ndia boe. Manek-ka nadenu hataholi-a, ana beita losa fa te, Elisa nafa'da lasi nggolok sila-la nae, “Taoafik leona! Te tou kanisak ndia, nadenu hataholi taonisa au. Metema, hataholi ndia losa soona, kena lelesu-a neu, fo boso po'ilotak-kana, leo dalek mai. Te tao leo bee-o, manek-ka nakabuik.”

YESKIAL 14:1

Leoina Israel-la, mauli-malangan de'ubee, ala mai leo au mai, fo latane Manetualain hihii-nanaun.

YESKIAL 14:4

Hu ndia de, mafa'da mae Au, Manetualain Fo Mademaina, helu nai leo ia, ‘Ba'eneu hataholi Israel fo, ana nase'o basa so'dan-na neu sosongo-tatangok-ka so, ma ana po'ilotak aoinan-na tu'da leo sala-singok-ka dale neu, boema ana mai noke nanoli-nafa'dak neme nabi esa mai soona, neukose Au nde ataan nenik natataak fo nandaa, ba'eneu sosongo-tatangok makadotok sila-la!

YESKIAL 20:1

Nai hataholi Yahudi-la bula ka lima-na, fain sanahulu, fo nai lelek ami nai mamana tu'u-tapak, teu ka hitun-na, boema mauli-malangan Israel de'ubee, ala mai leo au mai, fo loke natutu'duk neme Manetualain mai. Langatuuk basa lai au matang-nga boema,

YESKIAL 24:1

Nai hataholi Yahudi-la, bula ka sanahulun-na, fain sanahulu, fo nai lelek ami nai mamana tu'u-tapak, teu ka sion-na, Manetualain nafa'da au nae,

YESKIAL 26:1

Nai bulak esa, fo bulak ndia na'den-na ta nanasulak fa, fain esa, fo nai lelek ami nai mamana tu'u-tapak, nai teu ka sanahulu esan-na boema, Manetualain kokolak no au nae,

YESKIAL 29:1

Nai hataholi Yahudi-la bula ka sanahulun-na, fain sanahulu dua, fo nai lelek ami nai mamana tu'u-tapak, nai teu ka sanahulun-na, Manetualain nafa'da au nae,

YESKIAL 29:17

Nai hataholi Yahudi-la, bula ka esan-na, fain esa, fo nai lelek ami nai mamana tu'u-tapak, nai teu ka duahulu hitun-na, Manetualain nafa'da au nae,

YESKIAL 3:12

Boema, Manetualain Duladalen-na, ana so'u-na au, de au amanene halak-ka, nanggulu nai au deang-nga nae, “Koa-kio Manetualain manai nusa so'dak-ka, mandela-masa'an!”

YESKIAL 3:14

Manetualain koasa matuainan-na, ana mai leo au mai, de lelek Manetualain Duladalen-na so'u-na au de noo au, boema au ame'da daleng-nga makahe'duk, ma namahana.

YESKIAL 3:22

Au ame'da ita, Manetualain mamain-na be'i-balakain, de au amanene nafa'da au nae, “Fo'a leona, fo muu leo bafak dale muu. Neukose Au kokolak o, o nai naa.”

YESKIAL 30:20

Nai hataholi Yahudi-la bula-ka ka esan-na, fain hitu, fo nai lelek ami nai mamana tu'u-tapak, nai teu ka sanahulu esan-na, Manetualain nafa'da au nae,

YESKIAL 31:1

Nai hataholi Yahudi-la, bula ka telun-na, fain esa, fo nai lelek ami nai mamana tu'u-tapak, nai teu ka sanahulu esan-na, Manetualain nafa'da au nae,

YESKIAL 32:1

Nai hataholi Yahudi-la bula ka sanahulu duan-na, fain esa, fo nai lelek ami nai mamana tu'u-tapak, nai teu ka sanahulu duan-na, Manetualain nafa'da au nae,

YESKIAL 32:17

Nai hataholi Yahudi-la, bula ka esan-na, fain sanahulu lima, fo nai lelek ami nai mamana tu'u-tapak, nai teu ka sanahulu duan-na, Manetualain nafa'da seluk au nae,

YESKIAL 33:22

Nai le'odaek fo hataholi ndia beita mai fa, au ame'da ita, Manetualain koasan-na so. Da'di, lelek hataholi ndia ana mai, te au bisa kokolak so, nana au ta da'di nggoak so'on.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

YESKIAL 37:1

Boema Manetualain koasan-na, ana poti-na au, de Duladalen-na no au leo bafak esa, henuk no duik-kala.

YESKIAL 40:1

Lelek ndia, la'e hataholi Yahudi-la bula ka esan-na, fain sanahulu, fo nai lelek ami nai mamana tu'u-tapak, nai teu ka duahulu liman-na, fo ndia te, Yerusalem kala basa nai teu ka sanahulu haan-na so, au ame'da Manetualain koasan-na, ana koasa-na au, de noo au de au la'o.

YESKIAL 7:27

Neukose Manek-ka, ana kii-makaleleu, ma ketu maneana namahehenan-na, boema neukose laun-na, ana dele ngge'be-ngge'be no bibii-namatauk-ka. Neukose, Au huku emi nandaa no emi tatao-nono'im lala'en-na, ma Au aketu-ala'di emi, sama leo emi maketu-mala'di hataholi fe'ek. Soona besak-ka, emi bubuluk mae Au nde Manetualain-na.”

YESKIAL 8:2

Au anganalo leo lain neu, de au ita hatak esa, lupan-na leo hataholi daebafak-ka. Meten neme tala'dan-na leo dae neu soona, sama leo ha'i-a, ma neme tala'dan-na leo lain neu soona, mangadilak sama leo liti nanalosek-ka.

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

HATAHOLI 20:33

Beita la'iesa boen fo au oke doik, do bua papakek, neme hataholi esa mai boen.