YESKIAL 7:8 - Susula Malalaok Hehelu Palak Ma Hehelu Beuk

⁸ Ta dook-ka so'on te, neukose emi mame'da mita, Au nasa-melung fo manalua ponu-ponung-nga. Au aketu-ala'di emi, nandaa no emi tatao-nono'im. Neukose, Au balas emi tatao-nono'im fo, ta kandaak lala'en-na.

YESKIAL 7:8 ပူးပေါင်းရင်းမြစ်များ

2TAWARIKH 34:21

“Meu leona, fo matane neu Manetualain soaneu au ma soaneu hataholi-hataholi fo bei manai Israel ma Yehuda la'eneu susulak ia-la isi-liin. Manetualain namanasa ita nanahu ita bei-ba'i kain-nala ta lakalala'ok paleta fo nanasulak nai susulak ia-la dalek fa.”

MAZMUR 79:6

Po'a O nasa-melum neu leoina-la fo ta lalelak O fa, ma neu nusa-nusak fo, ala ta lilineka ma fe ha'da-holomata neu O fa.

YESAYA 42:25

Boema Ana taon-na ita, tame'da tita nasa-melu matuainan-na, ma doi-doso, nanahu natee-natati matuaina. Nasan-na, namahana nai Israel, sama leo ha'i-a, tehu ita ta tame'da fan, ma ita ta tanoli neme hata fo, ita la'ola'di fan.

YEREMIA 36:31

O, ma o tititi-nonosim, ma basa o mauli-malangam-mala neukose Au huku-doki nanahu sala-singok fo emi tao-no'ik-kala. Neukose Au uni fe emi basa usa-soe fo Au tuni-ndenin neu emi, nanahu leomae o mo Yerusalem ma Yehuda laun-nala ta tao afik neu Au tutuni-ndendening ndia fa.”

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

RATAPAN 2:17

Manetualain nakalala'ok basa Ana fe nasanene'dak fo makahulun-na Ana tutu'un ma Ana fe nasanene'dak neu ita so. Ana tao nakalulutuk ita ta no dale kasian fa, Ana fe musu-a sesengik. Ana tao-nalas lamahoko-setelee, lita ita tutu'dan-na.

RATAPAN 2:4

Ana hela kokoun-na, sama leo musu fo Ana te'ek kokou isin-na nasale leo ita mai. Ana taonisa la'iesak basa hataholi fo ita sue-laik-kala, Nasapula nasa-melun sama leo ha'i-a, leo kota Yerusalem ia dalek neu.

RATAPAN 4:11

Manetualain nasa-melun fo'a, de Ana hotu heni kota Sion-na, losa ta hapu sesee-bobolon fa.

YESKIAL 11:21

Tehu hataholi fo, ana nau sene-do'ok neu sosongo-tatangok fo, ta kandaak ma nanamaluak-ka, neukose Au hukus, nanahu sila ha'da-tatao mangalaun ndia.” Manetualain Fo Mademaina, Ana kokolak nae leondia.

YESKIAL 14:19

Bole da'di, Au fe he'di-laus leo nusak ndia neu, ma Au nasa-melung lua ponu-ponu soaneus, nalosa nau hataholi do bana-manu boe, neukose mate-mopos.

YESKIAL 16:43

Au huku o nanahu, o ta mafandele, tao leo beek de, Au puli-amo'do o, nai lelek o bei muli-solum-ma. O taom-ma Au amanasa nenik, o tatao-nono'i mangalaum sila-la. Tao le'e de, o bei popo-tama seluk o ha'da-tataom nanamaluak sila-la, nenik sosoa-piaok-ka bai? Au, Manetualain Fo Mademaina, nde manakokolak-ka.”

YESKIAL 16:59

Manetualain Fo Mademaina, nafa'da nae, “Neukose Au tao o, nandaa no o tatao-nono'im, nana o malelesi o soo-supam, boema o la'olena, Au hehelu-balataang no o.

YESKIAL 18:30

Manetualain Fo Mademaina, nafa'da nae, “Hai hataholi Israel-la lemin! Neukose Au aketu-ala'di hataholi lala'en-na, nandaa no tatao-nono'in-nala. Tukatei-saledale meme emi sala-singom mai. Boso po'ilotak emi sala-singom, tao nakalulutuk emi aoinam-ma

YESKIAL 20:13

Tehu, ala la'ban Au neme moo solokaek-ka boe. Ala la'olena Au paletang-ngala, ma ala ta sipok Au hoholo-lalaneng fo, metema hataholi-a tao tungan soona, naso'da nahele. Ala tao langgenggeo fai Sabat-ta, nanseli. Hu ndia de, bei leme moo solokaek-ka ndia, Au sadia basa, sanga kalua Au nasa-melung soaneus, fo Au tao amate-amopos.

YESKIAL 20:21

Tehu, bobongi makabuik sila-la boeo, ala la'ban Au. Ala la'olena Au hoholo-lalaneng, ma ala ta taoafik neu Au paletang-ngala fa, fo metema hataholi-a, ana tao tungan soona, naso'da nahele. Ala tao langgenggeo fai Sabat-ta. Hu ndia de, Au sadia basa, sanga kalua Au nasa-melung soaneus nai moo solokaek, fo Au taoisa la'iesak-kasa.

YESKIAL 20:33

“No Au, Manetualain fo maso'dak-ka na'den-na, Au fe emi nasanene'dak, ae hu kande Au nasa-melung, de neukose Au paleta emi no balakaik, nalosa emi hapu mame'da mita Au koasang-nga. Neukose, Au tao akabubua emi, fo Au o falik emi neme nusa-nusak fo nai bee, emi nanatao tapasasalak-ka.

YESKIAL 20:8

Tehu, ala la'ban Au, ma ala ta nau lamanene Au fa. Ala ta nau tu'u-tapaheni dodoki-dudulak fo, nanamaluak sila-la fa, ma ala ta nau hahae sene-do'ok neu, sosongo-tatangok Masir sila-la boen. Nai lelek ala bei leme naa, Au sadia basa, fo sanga amanasas so.

YESKIAL 22:31

Hu ndia de besak ia, Au amanasas, de neukose Au tao amate-amopos nenik ha'i, nanahu sila tatao-nono'in lala'en-na. Au Manetualain Fo Mademaina, nde manakokolak-ka.”

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

YESKIAL 30:15

ma Au tao akalulutuk su'i-beten-nala. Neukose Au kalua Au nasa-melung neu kota Pelusium, fo ana da'di Masir kota musun-na,

YESKIAL 33:20

Leomae leondiak boe, leoina Israel-la lafa'da, lae Au tatao-nono'ing ndia, ta ndoos ma matetuk fa. Tete'ek-ka, neukose Au aketu-ala'dis, tunga sila esa-esak tatao-nono'in.”

YESKIAL 6:12

Neukose, sila basa-basas lame'da lita Au nasa-melung nininin-na. Hataholi manai mamana dook-kala, fonde mamana tu'u-tapak, neukose ala tu'u he'dis, boema mates; hataholi manadekak-kala, neukose ala mate nai natee-natatik dale, ma bei elak-kala, neukose mates hu kande la'a-ndoes-sa.

YESKIAL 7:27

Neukose Manek-ka, ana kii-makaleleu, ma ketu maneana namahehenan-na, boema neukose laun-na, ana dele ngge'be-ngge'be no bibii-namatauk-ka. Neukose, Au huku emi nandaa no emi tatao-nono'im lala'en-na, ma Au aketu-ala'di emi, sama leo emi maketu-mala'di hataholi fe'ek. Soona besak-ka, emi bubuluk mae Au nde Manetualain-na.”

YESKIAL 7:9

Neukose, Au daleng-nga ta tu'da kasian neu emi, ma Au ta fe do'o do ampon neu emi fa. Neukose, Au huku emi, nandaa no emi tao, tatao-nono'i ta kandaak-kala. Soona besak-ka emi bubuluk, mae Au nde Manetualain ma Au nde huku emi.”

YESKIAL 9:10

Neukose, Au ta sue-lai fas. Hata fo sila taon neu hataholi fe'ek-kala, neukose, Au taon neu sila boe.”

YESKIAL 9:8

Ala do'do-pau hataholi sila-la te, au mesang-nga nai ndia. Au senek, de au aloo bou-bou ae, “Manetualain Fo Mademaina, ade O nasa-melum leondiak ba'eneu Yerusalem, nalosa O sanga taomisa la'iesak hataholi bei maso'dak manai Israel ia do?”

DANIAL 9:11

Israel lala'en-na, la'olena O hoholo-lalanem, ma ta nau lamanene O halam-ma fa. Ami masala-masingo soaneu O, hu ndia de, O fe soo-supak fo nanasulak nai O atam Musa Susulan dale, tuni la'e ami.

DANIAL 9:27

Neukose manek ndia tao hehelu-balataa matea-mahelek no hataholi makadotok nai teuk 7 dalen-na. Nai tepo-lelek ndia tala'da, neukose ana tao nate'e tutunu-hohotuk ma tunu-hotuk. Basa soona, hata esa nakatata'u fo loken soona lae, Mangalauk fo manatao nakalulutuk, neukose nanape'dak nai Manetualain Uman-na, neukose nahele neme ndia, losa hataholi manape'dan neu mamanak ndia, momopo-mamates tuni-nalan; fo nde momopo-mamates fo Manetualain naketu basa soaneun so.”

HOSEA 12:3

Manetualain nanuu dede'ak no leoina Yehuda. Boeo, neukose Ana huku Israel, nanahu ha'da-paliin-nala. Neukose Ana balas tatao-nono'in-nala.

HOSEA 5:10

Manetualain, nafa'da nae, “Au amanasa, nanahu mauli-malangan Yehuda-la, sapu-la Israel, de ala latona-la daen-na so. Hu ndia de, neukose Au fe huhukuk neus, nono'kabai oe nanapo'a henik-ka.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

NINITAK 14:10

hataholi ndia neukose ninu Manetualain ango la, fo nde angol nasa melun, fo nanadi'a basak leo nggalan dale no ta kulang faa anak boen! Basa hataholi sila la neukose ala doidoso nai ha'ipilak ma belerang manai ata nusa so'da malalao kala ma Bi'ilopo Ana ndia matan.