YESKIAL 7:7 - Susula Malalaok Hehelu Palak Ma Hehelu Beuk

⁷ Basa hata lala'en-na, nate'e ba'eneu o, hai leoina fo, manaleo nai dae ia dalek-ka. Besak ia, ta hapu seluk feta nai mei tunu-hotu letelepak-kala, te hapu ka'da tasi'bu mesak-kana.

YESKIAL 7:7 ပူးပေါင်းရင်းမြစ်များ

KEJADIAN 19:15

Nai lelek lolebalahaak boema, ata nusa so'dak-ka duak sila-la, lakaseti Lot, fo daenga ana la'o lai-lai. “Lafa'dan lae, o, ma o saom-ma, o anafe'om duas, lai-lai la'oela mamanak ia leona, fo daenga, metema kota ia nanatao nakalulutuk soona, boso mate emi.”

KEJADIAN 19:24

No kaiboik, Manetualain nakona u'da belerang manapila lo'a-lo'ak-ka leo Sodom ma Gomora neu.

YESAYA 13:22

Busa fuik-kala, neukose ala nggoo lai uma manek Babel-la. Fai nakalulutun-na, sanga losa so, de ta nakadedeak fain-na so'on.”

YESAYA 16:10

Ta hapu hataholi esa boen, namahoko-setelee nai tina maoe-maisik sila-la. Ta hapu eeki-natadalek, do manamakameek nai osi angol-la fa. Ta hapu manahe'e angol soaneu tao angol oek fa. Au tao ate'e sila eeki-natadalen so.

YESAYA 17:14

Nai lelek le'donoso, ala leni bibii-namata'u matuaina, tehu nasafali lolebalahaak te, mopos so. Basa hataholi fo ala kalo ita, ua-nalen leondiak.

YESAYA 22:5

Memak, Manetualain Fo Mademaina, ma Manakoasa, naketu basa faik ia, da'di leo fai sese'do-babalik, fai nakalupuk, ma fai tasi'bu nai Bafak Ninitak-ka. Kota papala nanadaman-nala, nanatao natu'uk so. Ngganggasik fo manoke tutulu-fafalik-ka, nadodolo nai pupukuk-kala lain.

YEREMIA 20:7

Manetualain, O fufu'di-oodok au de au nanafufu'di-oodok. O be'im-ma ba'u lena heni au, ma au akatele. Basa hataholi hakinonoli au, au nananakamu-nakadau neme fafain-na losa nosa.

YEREMIA 50:27

Do'do heni basa soloda'dun-nala! Tao-ma mate henis! Susa-soe neu Babel! Sila fai huhukun-na losa so!” (

YESKIAL 12:28

Hu ndia de mafa'das, mae Au, Manetualain Fo Mandemaina, nafa'da nae: Au afa'da basa hata lala'en-na, neukose ana da'di no lai-laik. Au, Manetualain Fo Mademaina, nde manakokolak-ka!”

YESKIAL 7:12

Le'do-fain, ana mai no lai-laik, fain-na ana deka so! Mana asa ma manamase'ok-ka, ala ta hapu nanalak hata esa boen, nanahu neukose Manetualain huhukun-na, la'e basa hataholi lala'en-na.

YOEL 1:15

Manetualain fain-na deka so, faik fo neni bibii-namata'uk; faik Fo Manakoasa fe nakalulutuk-ka mai.

AMOS 4:13

Manetualain Manakoasa nde nakadada'dik letek-kala ma anin-na. Nafa'da dale tutu'un-na neu hataholi daebafak-ka. Ana tao lele'dok ma le'odaek. Ana la'ok nai daebafak-ka poin-na. Manetualain Fo Manakoasa, na'den-na nde ndia.

1 PETRUS 4:17

Fai na losa, soaneu Manetualain naketu-nala'di daebafa ka so. De neukose Manetualain hataholi kamahehele nala nde, nananaketu-nala'di nakahulu ka. Naa, metema Manetualain mulai naketu-nala'di losa ita soona, neukose da'di tao leo beek neu hataholi fo, ala ta lamahele Manetualain Hala Malolen ndia fa?