YESKIAL 7:5 - Susula Malalaok Hehelu Palak Ma Hehelu Beuk

⁵ Manetualain Fo Mademaina, nafa'da leoina Israel-la, dede'ak-ka nde ia, “Neukose soe esa basa soona, soe esa mai, fo ana tuni-ndeni-na emi.

YESKIAL 7:5 ပူးပေါင်းရင်းမြစ်များ

AMSAL 13:21

Ua-nale poke-pake-a, usi-bulu tataas esa no hataholi masala-masingok-ka tehu hataholi malole-a, ana sipo ua-nale malole tataas esa.

AMSAL 24:16

Nana leomae hataholi dale ndoos-sa, ana la'o la'di nahenik la'i nono'ik boe, tehu ana fo'a seluk tatas esa. Tehu nasafalin-na, hataholi mangalauk-ka, neukose nakalulutuk, hu kande susa-soe-a.

YESAYA 21:12

Boema au ataa ae, “Neukose fafaik-ka, ana losa, tehu le'odae boe. Metema o matane soona, mai leona, fo matane seluk.”

YEREMIA 19:3

Au muse afa'da leo ia, “Hai Yehuda manen-nala ma Yerusalem laun-nala lemin! Mamanene hata fo Au, Manetualain Fo Manakoasa, fo Israel Manetualain-na, sanga kokolak no emi. Neukose Au uni susa-soe fo matuaina lo mamanak ia mai, de nalosa hataholi fo manamamanenek-kala nggenge.

YESKIAL 5:9

Hu kande, Au ta hii o tatao-nono'i mangalaum lala'en-na fa, de neukose, Au huku o laum-mala nenik huhuku mabela, fo Au beita tao ita fan, ma neukose Au ta taon so'ok.

YESKIAL 7:12

Le'do-fain, ana mai no lai-laik, fain-na ana deka so! Mana asa ma manamase'ok-ka, ala ta hapu nanalak hata esa boen, nanahu neukose Manetualain huhukun-na, la'e basa hataholi lala'en-na.

YESKIAL 7:2

“Hai, hataholi daebafak fo, manasapu-lalok-konei, Au, Manetualain Fo Mademaina, sanga afa'da dede'ak-ka nde ia la'e dae Israel-la: Tutuik ia nde been-na, tutuik la'eneu nusak ia, mate'en-na!”

DANIAL 9:12

O nakeketum-ma la'en, sama leo O helu basan neu ami ma neu ami manakoasam-mala. O huku basa Yerusalem nenik huhukuk fo belan-na lena neme kota bee mai boe, nai daebafak ia.

YOEL 1:15

Manetualain fain-na deka so, faik fo neni bibii-namata'uk; faik Fo Manakoasa fe nakalulutuk-ka mai.

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

NAHUM 1:9

O tutu'u beek fo o taon soaneu la'ban Manetualain soona, tao leo bee-o, neukose ta da'di fa. Neukose Ana ta balas nape'da dalen-na losa la'i dua neu musun-nala

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

MATEOS 24:21

Bibii namata'uk matua ina nai fai-faik sila la, neukose hapu toto'a-sosota matua ina sama leo ana beita da'di nita neme daebafa ka dada'di makasososa na losa besak ia, ma neukose ana ta da'di seluk so'on.

ULANGAN 32:35

Neukose Manetualain balas ma Ana hukus, ta dook-ka so'on te, ala tu'u leu fo mate-mopos; sila fai nakalulutun-na, ana losa no lai-laik.