YESKIAL 7:4 - Susula Malalaok Hehelu Palak Ma Hehelu Beuk

⁴ Neukose, Au daleng-nga ta tu'da kasian neu o, do fe do'o do ampon neu o fa. Neukose Au huku o, nandaa no o tao tatao-nono'i ta kandaak lalaena. Soona besak-ka, o bubuluk mae Au nde Manetualain-na.”

YESKIAL 7:4 ပူးပေါင်းရင်းမြစ်များ

YEREMIA 13:14

Boema neukose Au tao tapasasala sila esa no esa. Lasik ma mulik, neukose Au tao taos tao leondiak ta pake do'o-do ampon fa. Neukose Au tao akatoto'a-akatatak-kasa ta pake nameme'da susuek do lalaik fa. Au Manetualain, nde manakokolak-ka.”

YEREMIA 16:18

Neukose Au balas sila sala-singon-nala ma tatao-nono'i mangalaun-nala didikuk la'i dua, nanahu sila tao basa manggenggeo-mangganggamuk nai Au nusang dale nenik sosongok-tatangok ba'uk-ka. Sosongok-tatangok sila-la hahae taak-kala sama leo manamates-sa.”

YEREMIA 25:14

Neukose Au bala hataholi Babel-la tatao-nono'in-nala; neukose sila nanataok da'di ata neme manek matua-la ma neme leoina ba'uk-ka,’ ”

YESKIAL 11:21

Tehu hataholi fo, ana nau sene-do'ok neu sosongo-tatangok fo, ta kandaak ma nanamaluak-ka, neukose Au hukus, nanahu sila ha'da-tatao mangalaun ndia.” Manetualain Fo Mademaina, Ana kokolak nae leondia.

YESKIAL 12:20

Kota-kota fo, besak ia henuk no laun-na, neukose nanatao nakalulutuk, ma tina-osin-nala, neukose ala da'di moo solokaek. Soona besak-ka ala bubuluk, lae Au nde Manetualain-na.”

YESKIAL 16:43

Au huku o nanahu, o ta mafandele, tao leo beek de, Au puli-amo'do o, nai lelek o bei muli-solum-ma. O taom-ma Au amanasa nenik, o tatao-nono'i mangalaum sila-la. Tao le'e de, o bei popo-tama seluk o ha'da-tataom nanamaluak sila-la, nenik sosoa-piaok-ka bai? Au, Manetualain Fo Mademaina, nde manakokolak-ka.”

YESKIAL 22:31

Hu ndia de besak ia, Au amanasas, de neukose Au tao amate-amopos nenik ha'i, nanahu sila tatao-nono'in lala'en-na. Au Manetualain Fo Mademaina, nde manakokolak-ka.”

YESKIAL 23:31

O tunga o ka'am ei tata'bun-na, hu ndia de, neukose Au huku o nenik huhukuk fo sama no o ka'am huhukun-na.”

YESKIAL 23:49

Hai Ohola ma Oholiba, neukose Au huku emi, nanahu emi hohonge, ma emi sene-do'ok neu sosongo-tatangok-kala. Soona besak-ka emi bubuluk, mae Au nde Manetualain Fo Mademaina.”

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

YESKIAL 33:29

Nai lelek, Au huku leoina ndia, hu kande sala-singon-nala, ma Au tao nusak ndia, da'di nusak fo nee-nee lino-linok soona, besak-ka ala bubuluk, lae Au nde Manetualain-na.”

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.

YESKIAL 6:14

Hei, neukose Au so'uk au limang-nga, fo Au tao akalulutuk sila nusan-na, mulai neme Mook Solokaek Kona, losa kota Ribla nai kii. Nai hataholi Israel-la mamana leleon-nala, neukose ta hapu hataholi maso'dak esa boen. Soona besak-ka basa hataholi-la, ala bubuluk lae Au nde Manetualain-na.”

YESKIAL 6:7

Nai mamanak lala'en-na, hapu hataholi nanataonisak nai ndia, soona hataholi bei maso'dak-kala, neukose ala bubuluk, lae Au nde Manetualain-na.

YESKIAL 7:27

Neukose Manek-ka, ana kii-makaleleu, ma ketu maneana namahehenan-na, boema neukose laun-na, ana dele ngge'be-ngge'be no bibii-namatauk-ka. Neukose, Au huku emi nandaa no emi tatao-nono'im lala'en-na, ma Au aketu-ala'di emi, sama leo emi maketu-mala'di hataholi fe'ek. Soona besak-ka, emi bubuluk mae Au nde Manetualain-na.”

YESKIAL 7:3

Manetualain nafa'da nae, “Hai Israel, besak ia, o fai mate'em-ma, ana losa so. Au aketu-ala'di o, nandaa no o tatao-nono'i ta kandaam-ma fa.

YESKIAL 7:9

Neukose, Au daleng-nga ta tu'da kasian neu emi, ma Au ta fe do'o do ampon neu emi fa. Neukose, Au huku emi, nandaa no emi tao, tatao-nono'i ta kandaak-kala. Soona besak-ka emi bubuluk, mae Au nde Manetualain ma Au nde huku emi.”

YESKIAL 8:18

Neukose, ala lame'da lita, Au nasa-melung matuainang-nga! Neukose, Au ta fes do'o do ampon fa. Leomae ala nggasi, fo besak-ka ala hule-haladoi neu Au boe, Au ta nau amanene sila hule-haladoin ndia fa.”

YESKIAL 9:10

Neukose, Au ta sue-lai fas. Hata fo sila taon neu hataholi fe'ek-kala, neukose, Au taon neu sila boe.”

HOSEA 12:2

Basa hata lala'en fo hataholi Israel-la tao-no'in, neme fafaik losa le'odae, sosoa-ndandaan ta, te neni ka'da momopo-mamatek sama leo ani timu-a. Dale manake'di-ndiun-nala, ma tatao-nono'i ha'da hataholi taan-nala, boetai nakadele nai sila dalek. Ala tao hehelu-balataak loo Asyur, ma leni mina leo Masir neu, fo da'di leo ta'du-tana tia-laik.”

HOSEA 9:7

Fai huhukuk ka losa so, faik soaneu sipo babalak neu basa tatao-nono'ik lala'en-na. Neukose Israel name'dan. Emi mafa'da mae, “Nabi ia nggoak! Namulu so!” Emi mafa'da mae leondia, nanahu emi ta mahiik au nanseli fa, ma emi sala-singom ba'un-na seli.

AMOS 7:8

Boema natane au nae, “O mita beek, Amos?” Au ataa ae, “Tali uuku matetu lee-leek, Manetualain.” Boema Manetualain nafa'da nae, “Au pake tali uukuk ia, fo natu'du nae, Au anang-ngala sama leo papala-nanadamak matahik-ka. Neukose, Au ta dodoo asafali Au dale tutu'ung-nga so'on. Tao leo bee-o, neukose Au hukus.

ZAKHARIA 11:6

Au ta nau, Au daleng-nga tu'da kasian seluk neu su'di see boen, nai nusak ia fa. Au nde fe basa laun lala'en-na, leo manakoasa-la leu. Sila nde, neukose tao lakalulutuk nusak ia, te Au ta loso falik-kana, neme sila koasan-na mai fa.”

IBRANI 10:30

Ita bubuluk, see Ndia fo nafa'da nae, “Neukose Au balas! Neukose Au huku!” ma mana mafa'dak nae, “Neukose Manetualain naketu-nala'di hataholi kamahehele nala.”