YESKIAL 7:26 - Susula Malalaok Hehelu Palak Ma Hehelu Beuk

²⁶ Susa-soe ma tutui-bebenga ta malole-la, ala mai tataas esa. Neukose, emi dokodoe, fo ela basa nabi-la, lafa'da ela emi, dede'a-kokolak, tehu ala ta bisa fa. Basa imam-mala, nanolin ta, soaneu lanoli salanik-kala, ma mopo mauli-malangan nanoli-nafa'dan so.

YESKIAL 7:26 ပူးပေါင်းရင်းမြစ်များ

MAZMUR 74:9

Ta mita nabi-nabi, ma manada'di beuk so'on, ma ta hapu hataholi esa boen, ana bubuluk, manada'di leoiak-ka, nakandoo losa faihi'da.

YESAYA 47:11

Tehu, neukose soe-a, tuni-ndeni-na o, o malela suangim-ma, ta hapu usiheni fan. Neukose soe-a, ana mai leo o mai, fo o ta sili mabe'i fan. Mamate-momopok-ka, neukose ana mai no kaiboik, fo o ta bubuluk fa.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 21:2

“Moke natutu'duk neme Manetualain soaneu ita, nana Nebukadnezar fo Babel manen mo soloda'dun-nala sanga sapu ita kotan. Fafa'kama neukose Manetualain tao manada'di beuk soaneu ita, fo ana laka-nakaseti. Nebukadnezar le'a heok ndia soloda'dun-na.”

YEREMIA 37:17

Makabuin-na boema manek Zedekia nadenu hataholi no au u ata nai uma manek-ka. Nai ndia no nafufunik ana natane neu au, ade hapu hala-haituak neme Manetualain mai. Au ata ae “Hapu.” Boema au tama seluk ae neukose “Ama Manek nanafek lo manek Babel-la.”

YEREMIA 4:20

Soe-a, ana mai la'inono'ik de ana tao nakalulutuk nusak-ka lala'en-na. No kaiboik, au lalaa temang-nga nanatao nalutuk, teman-nala nanasisii nakalulutuk.

RATAPAN 2:9

Dae-a nakadofu ketu lelesuinan-nala, la'di la'iesak ai betubalan-nala; manek-ka no manapaleta-la lai mamana tu'u-tapak. Ta lanoli hataholi-a, Manetualain hoholo-lalanen so'on, nabi-la ta sipo ninitak neme Manetualain mai so'on.

YESKIAL 11:2

Manetualain nafa'da au nae, “Hai hataholi daebafak fo, manasapu-lalok-konei, hataholi ia-la nde, tutu'u tatao-nono'i mangalauk-ka nai kota ia, ma ala sele-nggali nanoli-nafa'dak fo, neni fe hataholi-a natofa-natalak.

YESKIAL 12:22

“Hai hataholi daebafak fo, manasapu-manalalok-konei, tao le'e de, hataholi Israel-la, ala nau seseik lahele dede'a lasik ia: ‘Le'do fai sapu-lalo, tehu dede'a nafa'da elak-kala, esa ta da'di boen’?

YESKIAL 14:1

Leoina Israel-la, mauli-malangan de'ubee, ala mai leo au mai, fo latane Manetualain hihii-nanaun.

YESKIAL 21:7

Metema latane o lae, tao le'e de o mahoo soona, mafa'da mae o dalem-ma he'dis-sa, nanahu halak esa, neukose ana mai. Metema halak ndia, ana losa soona, neukose ana tao-na dalen-nala makasufu; liman-nala lakamate, ma lungulangan-nala dele bee-too, ma neukose mopo manggaten-nala. Tete'ek-ka, fain-na losa so, de neukose basa sila-la, ala da'di. Au, Manetualain Fo Mademaina, nde manakokolak-ka.”

YESKIAL 22:26

Basa imam Israel-la, ala la'olena Au hoholo-lalaneng, ma ala tao langgenggeo bua-lo'as fo nanafe hehelik soaneu Au. Ala ta mete kofe'ek, hata beek-kande nanakena-ka'ik ma hata beek-kande ta nanakena-ka'ik fa. Boeo, ala ta lanoli laun-na, fo ala mete kofe'ek, beek kande balisi, ma beek kande manggenggeok, tunga agama nakaneneten-nala. Ala ta taoafik neu fai Sabat-ta fa. No enok ndia de, leoina Israel-la, nakamumulu-nakamamaek Au.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

YESKIAL 8:1

Nai hataholi Yahudi-la bula ka nee-a, fain lima, fo nai tepo-lelek ami nanatu'u-tapak leo mamana tu'u-tapak, teu ka neen-na, boema hataholi Yehuda nanatu'u-tapak-kala, mauli-malangan-nala, ala mai leo au umang mai, de ami mangatuuk sama-sama. Boema, no kaiboik, Manetualain Fo Mademaina koasan-na, ana koasa-na au.

IMAMAT 26:18

Metema, emi la'ola'di basa huhukuk sila-la, te emi beita nau tunga Au boen soona, neukose Au popo-tama seluk emi huhuku-ma la'i hitu.

IMAMAT 26:21

Metema, emi bei lena-la'ban mahele Au boe, ma ta nau tunga Au fa, soona neukose, Au popo-tama seluk emi huhukum-ma la'i hitu.

IMAMAT 26:24

soona neukose, Au anoli emi, ma Au huku emi la'i hitu, fo belan-na lena huhuku makahuluk-kala.

IMAMAT 26:28

soona neukose Au anoli emi no nasak, ma Au huku emi la'i hitu, fo belan-na lena neme huhukuk makahuluk-kala mai.

MIKHA 3:6

“Hai nabi, emi faim-ma, hihii nae basan so; emi le'dom-ma sanga tenak so. Neukose emi ta hapu seluk ninitak fo nafa'da Au dale tutu'ung-ngala so'on. Neukose emi ta hapu mafa'da memak hata-hata so'on.”

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

MALEAKHI 2:9

Hu ndia de, Au boeo, neukose fe hataholi Israel-la, heheta-aa'i emi, nanahu emi ta tunga Au hihii-nanaung, ma hu kande emi bibinga-baba'e hataholi, nai lelek emi manoli Au anang-ngala.”

ULANGAN 32:23

Ana fe susa-soe-a, ana mai nakandondoo henin. Neukose Au kous, nenik Au kokou ising-ngala lala'en-na.

SEMUEL SUSULAK-KA ESAN-NA 3:1

Ndia te, Semuel fo bei ni'iana ndia, nalalau-naoono Manetualain nai Eli paletan-na dae. Nai tepo-lelek ndia, la'i esa-la'i esa de'i fo, hapu hala heheluk ma ninitak neme Manetualain mai.