YESKIAL 7:21 - Susula Malalaok Hehelu Palak Ma Hehelu Beuk

²¹ Manetualain nafa'da leoina Israel-la nae, “Neukose, Au po'ilotak hataholi nusa dea-la, ala bonga emi umam-mala. Hataholi mangalauk-kala neukose ala loso-la emi hata-hetom, fo ala tao langgenggeon.

YESKIAL 7:21 ပူးပေါင်းရင်းမြစ်များ

2RAJA-RAJA 24:13

Nebukadnezar tao nakalulutuk la'iesak, Mane Salomo-a taon-na basa hata-heto lilopilas soaneu Manetualain Uman-na. Boema ala ho'i leni la'iesak, hata-heto kabelik manai Manetualain Uman-na, ma manai uma manek-ka, leo Babel neu. Basa sila-la, ala da'di, fo nandaa no hata fo, Manetualain nafa'da nakahuluk-kana so.

2RAJA-RAJA 25:9

Nebuzaradan hotu heni Manetualain Uman-na, manek-ka, uma manen-na, ma basa hataholi nananita-nalelak manai Yerusalem-mala, uman-nala.

MAZMUR 109:11

Nemen-na fo, manala'ok hutak-ka, beslaa-na, hata-heton lala'ena, ma hataholi loso-na, basa hata fo, ana hapun neme sosota-mamangun mai.

MAZMUR 79:1

Asaf Kokoa-kikion. Ou Manetualain, leoina fo, ta lalelak O fa, langatuu-la, O dae pusakam-ma so, Ala tao langgenggeo O Umam-ma, ma ala tao-la Yerusalem da'di ai-batu madodouk.

YEREMIA 19:13

Basa uma manai Yerusalem ma basa Yehuda manen uman-nala neukose langgenggeo sama leo Tofet; nanahu nai uma sila-la lain, hataholi-la tunu bomenik soaneu lamatua lalai-a, a fe fefeek angol soaneu lamatua daebafak fe'ek-kala.

YESKIAL 31:12

Solda'du nusa dea fo, ta lalelak susue-lalaik ndia fa, neukose ala lo'ohenin, boema ala po'ilotak-kana lee-lee neme ndia. Ndanan fo la'dihenik-kala, neukose ala tu'da beepoko nai basa letek-kala poin-na, ma nai bafak manai nusak ndia. Basa leoina fo, ala hahae lai huun-na, neukose lalai la'oelan.