YESKIAL 7:20 - Susula Malalaok Hehelu Palak Ma Hehelu Beuk

²⁰ Makahulun-na, dalen-nala lamatua neu sila poemata mana'a hiin-na, tehu ala ho'i-lan de, ala taon neu dodoki-dudula sosongo-tatangok nanamaluak-ka, de Manetualain tao-na sila hata-heton sila-la, da'di hata esa fo, neni bibii-namata'u matuaina.

YESKIAL 7:20 ပူးပေါင်းရင်းမြစ်များ

2RAJA-RAJA 21:4

Manetualain nafa'da basa, nae Yerusalem nde been-na, mamanak fo, Ana tao na'den-na nai ndia, ma mamanak makaluku-makatele neun, tehu nai naa, fo nai Manetualain Uman, Manasye tao fe lamatua daebafak-kala, mei tunu-hotuk so.

2RAJA-RAJA 21:7

Ana tao lamatua daebafak Inak Asyera, dodoki-dudulan nai Manetualain Uman dale, te se'kona, Manetualain nafa'da basan neu Dauk, ma anamanen Salomo, la'eneu mamanak ndia nae, “Au hele basa Au Umang-nga, ma kota Yerusalem ia, nai leo Israel-la, nusa ka 12-nala dalek, nde been-na, mamanak fo Au aketun, da'di leo mamana makaluku-makatele neu Au.

2TAWARIKH 2:9

fo ela ala sadia ai makadotok. Nana Manetualain Uman fo au sanga afofo'an ndia, muse matuaina ma nanakoa-nanakiok.

2TAWARIKH 36:14

Fe'ek neme ndia mai, Manetualain Uman fo Manetualain mesak-kana nde taon da'di Uma hehelik ba'eneun-na, mauli-malangan Yehuda-la, imam-imam-mala, ma laun-nala taon langgenggeon, nanahu ala tunga sene-do'ok neu sosongo-tatangok, ma ala tunga leoina manai sila titia-tatain-nala, maso'da masala-masingo-nala.

EZRA 3:12

Nai imam-mala dalek, hapu imam ba'uk-ka, ma hataholi Lewi-la ma mane leo-la, lasi-lasik-kala lita hai Manetualain Uma makahulun-na so. Lelek lita matan, ala tao Manetualain Uman laten-na fo besak-ka ala taon ia, boema ala kii-lapane'e. Tehu hataholi manai sila-la, ala eeki-latadale no namahokok,

MAZMUR 48:2

Tete'ek-ka, Manetualain matua-madema, ma nanakoa-nanakiok nanseli nai ita Manetualain kotan-na, nai pupuku malalao-malalafuk-ka.

MAZMUR 50:2

Neme Sion, kota fo mana'ahiik nanseli, Manetualain to'da mai no nandela-nasa'a.

YESAYA 30:22

Emi dodoki-dudula sosongo-tatangom fo, nananakadiditak nenik lilofulak ma lilopilas-sa, neukose emi tapahenis, sama leo manggenggeok-ka, boema emi mafa'da mae, “La'oela au leona!”

YESAYA 64:11

Manetualain Uman fo, malalao-malalafuk ma matua-madema, mamanak fo ami bei-ba'i kaim-mala, koa-kio O, ha'i-a, na'a nakalulutuk-kana so; basa mamanak fo, ami mahiik-kana, ala da'di ai-batu manandefak so.

YEREMIA 7:14

Nah, Au Umang fo emi masalai emi deam-ma, ma mamanak fo Au fen neu emi bei-ba'i kaim, ma neu emi ia, neukose Au taon, sama leo makahulun-na Au tao Silo-a.

YEREMIA 7:30

Hataholi Yehuda-la, tao basa tatao-nono'i mangalauk so. Sila sosongo-tatangon fo, Au ta ahiik sila-la, ala pe'das lai Au Umang dale, nalosa Au Umang-nga nanggenggeo.

RATAPAN 1:10

Musun-nala loso leni la'iesak hata-heton-nala so. Nakalenak bai, ana muse mete ala masok Manetualain Uman-na, tatao-nono'ik esa, Manetualain kena-ka'in ba'eneu hataholi fo ta Ndia anan fa.

RATAPAN 2:1

Manetualain ho'i nakeketuk nai nasa-melun dale. Ana fe makiu-makahatuk-ka poti-na Sion. Israel matua-mademan fo dedemak lalai-a, Ana tapan leo daebafak-ka neu so. Nai faik Manetualain namanasa, Ana ta taoafik neu Uman manai Sion-na boe.

RATAPAN 2:7

Manetualain ta sipok mei tunu-hotun fo malalao-malalafuk-ka fa, Ana la'oela Uman-na; Ana po'ilotak musu-a tao natu'u papala nanadaman-nala. Nai mamanak fo makahulun-na ita sene-do'ok ma tao feta, musu-a eki nanahu lamahoko-setelee.

YESKIAL 11:18

Metema ala fali soona, neukose ala tu'u-tapaheni basa sosongo-tatangok fo, ta kandaak ma nanamaluak manai nusak ndia dalek-ka.

YESKIAL 16:16

O ho'i-ma, o bua papakem nggelok fo, o balias neu o mamana sosongo-tatangom-mala. O da'di ina manasosoa-piaok, ma o mase'o o aopaam-ma, neu touk lala'en-na.

YESKIAL 16:19

Au fe o nana'ak neme ha'desopo malole, fanioe ma mina setun fo isi ndoos. Tehu, o tunu-hotu fe basa sila-la, neu sosongo-tatangok sila-la, fo ta matetu-mandaa dalen-nala. Au, Manetualain Fo Mademaina, nde manakokolak-ka.

YESKIAL 23:38

Ma ta ka'da ndia fa. Sila boe, ala tao langgenggeo Au Umang-nga ma fai Sabat fo, Au aketu basan ndia so.

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.

YESKIAL 7:22

Neukose, Au mete leo fe'ek neu, metema nakodaa sila-la, ala tao lalutu Au Umang-nga, ma ala tao langgenggeon.

YESKIAL 9:7

Boema Manetualain nafa'das nae, “Tao manggenggeo Au Umang ia leona! Tao mahenu uma so'dan-nala nenik mamates. Tao leona!” Boema ala taolisa hataholi manai kota dale-la.

HAGAI 2:3

“Ade, nai emi dalek, bei hapu hataholi nafandendelek makahulun-na, Au Umang ia lole-napun ma matea-mahelen do ta? Besak ia, tunga emi hahapu ma, leo beek?. Ta malole makandondook fa hetu?

HAKIM-HAKIM 8:24

Tehu basa boema, Gideon nafa'da seluk nae, “Au nonokeng ka'da esa; ela leo been-na, emi fe la'iesak lolo'ek fo emi matona-malas neme musu-a mai, leo au mai.” (Hataholi Midian-nala biasa pake lolo'e lilopilas; sama-na leo hataholi fe'e-fe'ek fo manaleo nai moo solokaek-ka boe.)

HAKIM-HAKIM 8:27

Neme lilopilas sila-la mai, de Gideon tao-na dodoki-dudula sosongok esa, de napadedeik-kana nai nggolon-na, fo nai Ofra. Basa hataholi Israel-la leu leo naa leu, fo ala sene-do'ok neu dodoki-dudulak sosongok ndia, nalosa ala ta taoafik neu Manetualain so'on. De dede'ak ndia, ana da'di, sama leo hihi'ik esa, ba'eneu Gideon ma teidalen-nala.