YESKIAL 7:11 - Susula Malalaok Hehelu Palak Ma Hehelu Beuk

¹¹ Tatao-nono'ik fo ta nalelak susue-lalaik-ka, neni tatao-nono'i mangalauk makadotok. Basa sila su'i-beten, namatutua-namadedeman ma sila tetu-teman lala'en-na, neukose mopok-kasa.

YESKIAL 7:11 ပူးပေါင်းရင်းမြစ်များ

MAZMUR 125:3

Neukose hataholi mangalauk-ka, ana ta koasa nakandoo nai hataholi manatao tunga ndoon-na, dae pusakan-na fa, fo ela hataholi malole-a, ta tunga tao tatao-nono'i mangalauk fa.

MAZMUR 73:8

Ala hakinonoli hataholi, ma no koao-ndaeaok, ala fe nasanene'dak mahelek lae sila sanga tuni-ndeni hataholi.

MAZMUR 78:64

Sila imam-mala, nanatao nisak nenik tafaina, inafalun-nala ta hapu kii-makaleleu fa.

YESAYA 14:29

Hai leoina Filistin-nala lemin, ai kalapu'ak fo nanapakek soaneu fepa o-a, la'din so. Tehu o boso mamahoko dei, nana metema mate menge esa soona, menge fo mangalaun-na lena seluk, ana mai nggatin, ma menge tolo-a, ana tutu buta mali'dak.

YESAYA 5:7

Nana Manetualain Fo Manakoasa osi angol-la nde been-na, nde hataholi Israel-la, ma hataholi Yehuda-la nde been-na, osi angol fo Ana selen. Namahena ndoos ma matetuk-ka neme sila mai, tehu hapu ka'da tatao-nono'i ha'da hataholi tak-ka Namahena, sila lapadedeik latetu ndoos-sa, tehu hapu ka'da hoongguk-ka, fo loke ndoos ma matetuk-ka.

YESAYA 9:4

Solda'du-la ta'buein-nala ndu'u-ndu'u ma badun fo ladiu daak-ka, neukose ha'i na'a henis.

YEREMIA 22:18

Hu ndia de la'eneu Yoyakim fo manek Yehuda fo Yosia ana manen-na soona, Manetualain nafa'da nae, “Mamaten-na neukose nanakii-nanatani tak; neukose ta hapu manamafa'da fa nae, ‘Ado, au nonoong-nga, ado’ ta hapu fo manadale-he'dik, do nafa'da nae, ‘Kasian ama manek!’

YEREMIA 25:33

Neu faik ndia te, hataholi-hataholi fo manataonisak neme Manetualain mai-a, neukose popolan-nala lalefu'ak nai basa daebafak-ka poin-na. Neukose nanaki-namatani tak, ma nanako'o tak soaneu nananatoik, te ka'da nanapo'ilotak nai dae sama leo hu'u-kadafu madodouk-ka.

YEREMIA 6:7

Sama leo oemata faa nahele oe neuk, leondiak boe, kota ndia nabuna-naboa nahele mangalauk-ka. Au amanene ka'da hala naseti-nalakak, ma nakodaa mesan, neme kota ndia mai; Au ita bisu ma he'di-laus-sa, nai mamanak lala'en-na.

YEREMIA 7:34

Neukose nusak ia, ana da'di moo tokotiik. Neukose Au tao amopo hala namahoko-seteleek, ma halak manai feta ka'bing-nga, nai kota-kota Yehuda, ma nai eno-enok manai Yerusalem-mala.

YESKIAL 45:9

Manetualain Fo Mademaina, nafa'da nae, “Hai manakoasa Israel-la lemin, emi sala-singom-mala dai so. Hahae tuni-ndeni laun-na leona. Tao-no'i hata fo, ndoos ma tunga matetun-na. Boso boe usiheni Au anang-ngala, leme sila daen dale mai. Au, Manetualain Fo Mademaina, fe paleta ndia neu emi.

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.

YESKIAL 5:4

Basa soona, tapa seluk langadook ndia faa anak leo ha'i dale neu, fo ha'i na'ahenin. Neukose ha'i-a, sii lapa-lapa leo basa leoina Israel-la lala'en-na neu.”

YESKIAL 6:11

Manetualain Fo Mademaina, nafa'da nae, “Totoko limam-ma, ma henak o eim-ma dae lain, fo maloo mae: Manea! Te hu kande leoina Israel-la. Tatao-nono'i ta kandaan-nala, ma tatao-nono'i mangalaun lala'en-na, de neukose ala bala leu dae fo mates, nanahu tafaina, la'a-ndoes-sa, ma he'di-laus-sa.

YESKIAL 7:16

Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

YESKIAL 7:2

“Hai, hataholi daebafak fo, manasapu-lalok-konei, Au, Manetualain Fo Mademaina, sanga afa'da dede'ak-ka nde ia la'e dae Israel-la: Tutuik ia nde been-na, tutuik la'eneu nusak ia, mate'en-na!”

YESKIAL 7:23

Tasi'bu-a, ana da'di nai nusak-ka lala'en-na; nai mamanak lala'en-na, hapu kanisak ma tatao-nono'ik fo, ta lalelak susue-lalaik-ka fa.

YESKIAL 8:17

Manetualain nafa'da au nae, “Hai hataholi daebafak fo, manasapu-manalalok-konei, o mita ndia do ta? Hataholi Yehuda ia-la, lame'da beita dai fa, metema ala tao ka'da tatao-nono'ik nanamaluak ndia mesak-kana, ma ala tao tatao-nono'i ta kandaak-kala, nai nusak ia lala'en-na. Nakalenak bai, ala tao-no'i basa sila-la, nai mamanak ia, fo nai Au Umang dale, de ala tao-la Au, amanasa ba'uk-ka seluk bai. Mitak, ala lakamumulu-lakamamaek Au nenik tatao-nono'ik fo, ta kandaak nanseli ia fa.

AMOS 3:10

Manetualain nafa'da nae, “Hataholi-la tao lahenu sila uma manen-nala nenik bua-lo'as fo ala hapus neme lumu-esek ma tatao-nono'i susue-lalai taak-ka mai. Lena-lenak ala ta tao tunga ndoon-na makandondook fa.

AMOS 6:3

Emi matea mahele ka'da mae, fai susa-soe bei dook-ka, tehu emi tatao-nono'im nde tao-na fai maneni mamates ndia losa no lai-laik.

MIKHA 2:2

Metema lahiik tina esa soona, ala loso-lan. Metema lahiik uma esa soona, ala leo-lan tutik. Nau hata-heto do uma isi la, ta hapu nee-nee lino-linok fa.

MIKHA 3:3

Emi mi'a au leoinang-nga. Emi sii-sii loun-na, ma emi tao makalulutuk duin-na. Emi kee-kees sama leo kee-kee paa, fo taon leo ulek dae dale neu.

MIKHA 6:12

Hataholi kamasu'ik manai emi kotam-ma, ala tuni-ndeni hataholi nuu-taa hata-taak-ka, ma emi basa-basam-mala masapepeko-masandandalik.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.