YESKIAL 6:7 - Susula Malalaok Hehelu Palak Ma Hehelu Beuk

⁷ Nai mamanak lala'en-na, hapu hataholi nanataonisak nai ndia, soona hataholi bei maso'dak-kala, neukose ala bubuluk, lae Au nde Manetualain-na.

YESKIAL 6:7 ပူးပေါင်းရင်းမြစ်များ

2RAJA-RAJA 19:19

Ou Manetualain, fo ami Manetualaim-ma soi-po'i ami neme hataholi Asyur sila-la mai, fo ela basa leoina manai daebafak-ka lala'en-na bubuluk, lae ka'da O mesa-mesam-ma nde Manetualain.”

KELUARAN 14:18

Soona neukose, hataholi Masir-ra bubuluk, lae Au nde Manetualain.”

KELUARAN 14:4

Neukose, Au tao-an da'di langa batuk, fo neu usi emi. Tehu neukose, Au atu'du Au koasang-nga neu manek Masir-ra, ma solda'dun-nala, fo neukose ala bubuluk, lae Au nde Manetualain.” Boema hataholi Israel-la taon, sama leo hata fo Manetualain paleta neus.

KELUARAN 7:5

Boema, hataholi Masir-ra neukose bubuluk, lae Au ia Manetualain, nai lelek Au hukus-sala, ma nai lelek Au o Israel kalua neme sila nusan-na mai.”

YEREMIA 14:18

Metema Au u leo mook-ka, au ita mana mateek-kala popolan-nala nanahu natee-natatik-ka. Au ita toto'a-tataak-ka nai kota dalek, hataholi-la hihi lae mates nana la'a-ndoes-sa. Nabi-la ma imam-mala lakalala'ok bela-ba'un-nala te ta lalelak hata fo ala taok-ka fa.”

YEREMIA 18:21

Tehu besak ia, Manetualain, nemen-na fo sila anan-nala mates no la'as-sa, do mates nai natee-natatik-ka dalek. Nemen-na fo sila inan-nala mopo saotoun-nala ma anan-nala; nemen-na fo to-mane-la mates nanahu he'di-laus neninin-na ma hataholi muli soluk-kala mates nai natee-natatik-ka dalek.

YEREMIA 25:33

Neu faik ndia te, hataholi-hataholi fo manataonisak neme Manetualain mai-a, neukose popolan-nala lalefu'ak nai basa daebafak-ka poin-na. Neukose nanaki-namatani tak, ma nanako'o tak soaneu nananatoik, te ka'da nanapo'ilotak nai dae sama leo hu'u-kadafu madodouk-ka.

RATAPAN 4:9

Ala doi-doso de ala mate faa-faa, hu kande ta lanuu nana'ak faa anak boen; fo manamatek manai natee-natatik-ka dalek bei naua-nanale lena neme manamatek hu kande la'a-ndoes-sa.

YESKIAL 11:10

Neukose, emi mate nai natee-natatik dale, nai emi nusam dale, soona besak-ka emi bubuluk, mae Au nde Manetualain-na.

YESKIAL 11:12

Soona besak-ka emi bubuluk, mae Au nde Manetualain-na, ma Au huku emi, nanahu emi la'olena Au nakaneneteng-ngala, ma emi ta taoafik neu Au paletang-ngala fa, nenik emi tunga leoina manai emi titia-tataim-mala, hoholo-lalanen.”

YESKIAL 12:15

Nai lelek, Au tao tapasasalas leo leoina manai nusak dea-la tala'da heon soona, besak-ka ala bubuluk, lae Au nde Manetualain-na.

YESKIAL 12:19

Mafa'da basa leoina lala'en-na, hata fo Au, Fo Manetualain Mandemaina nafa'dan neu laun Yerusalem fo bei manaleo nai sila nusan-na. Neukose ala dele too-too nai lelek sila la'a, ma ala dele ngge'be-ngge'be no bibii-namata'uk-ka, nai lelek sila linu. Sila daen-na, neukose ana da'di dae tokotiik, nana basa hataholi manaleo nai ndia, ala la'olena Au hoholo-lalaneng nakandondoo henin.

YESKIAL 13:14

Au tutu'u basa, soaneu tao atu'u papala nanadamak fo, emi losen nenik ha'o ndia, fo Au tao akalulutuk-kana neu dae lain, nalosa ela ka'da laten-na. Neukose papala nanadamak ndia tuni-na emi, fo mate la'iesak emi. Soona besak-ka, emi bubuluk mae Au nde, Manetualain-na.

YESKIAL 13:21

Neukose, Au siiba'e emi tema popoti langam fo, nanuu koasa ndia, ma neukose Au soi-po'i Au anang-ngala leme emi fufu'di-oo'dom mangalaum ndia, losa dodoon-na. Soona besak-ka emi bubuluk, mae Au nde Manetualain-na.

YESKIAL 13:23

Besak ia, emi ninitam fo nanapake taa-mala, ma emi mafa'da ela dede'a masapepekok-kala, nate'e so. Au soi-tefa-ala, Au anang-ngala leme emi fufu'di-oodo mangalaum-ma mai. Soona besak-ka, emi bubuluk mae Au nde, Manetualain-na.”

YESKIAL 13:9

Neukose Au huku emi, hai nabi-nabi fo, manakokolak dede'a-nafa'da elak pepekok-kala, ma malame'i hapu ninitak-kala! Emi ta bole masok leo Au anang-ngala nakabubuan-nala dalek meu, fo fe nakeketuk so'on. Emi na'dem-mala, nanakokahenik nai Israel susula ba'in-na dalek so, ma neukose, emi ta fali leo emi dae-oem meu so'on. Soona besak-ka, emi bubuluk mae Au nde, Manetualain Fo Mademaina.

YESKIAL 14:8

Neukose Au la'ban-nana, fo Au taon da'di natutu'duk esa, ba'eneu fe'ek-kala. Neukose, Au kalua henin neme Au anang-ngala dalek mai, soona besak-ka, Au anang-ngala bubuluk lae Au nde, Manetualain-na.

YESKIAL 15:7

Neukose, Au hukus. Leomae lala ha'i-a deak, tehu neukose, ha'i-a tao namate-namopos boe. Soona besak-ka emi bubuluk, mae Au nde, Manetualain-na.

YESKIAL 20:26

Au po'ilotak-kasa, fo ala tao langgenggeo aoinan-nala nenik, sila tutunu-hohotu mesan-nala, nakalenak bai, ala tao anatou ulun-nala, da'di tutunu-hohotuk. No enok ndia de Au hukus, fo ela ala bubuluk lae Au nde, Manetualain-na.

YESKIAL 20:38

Basa malenalanga-masa'basook-kala ma manatao tatao-nono'i mangalauk-kala, neukose Au usihenis leme emi tala'daheom mai. Neukose, Au os kalua leme, besak ia ala leo lai nusa-nusak-kala mai, ma Au ta fes loak, fo ala fali leo dae Israel-la leu so'on. Soona besak-ka ala bubuluk, lae Au nde Manetualain-na.”

YESKIAL 20:42

Metema, Au o falik emi leo dae Israel, dae fo Au helu basan neu emi bei-ba'i kaim-mala, soona besak-ka emi bubuluk, mae Au nde Manetualain-na.

YESKIAL 20:44

Metema, hu kande Au na'de malalao-malalafung-nga, de Au tao emi leondiak, ma ta nandaa no emi ha'da-tataom ta malolem-ma, boema emi tatao-nono'i mangalaum-ma soona, besak-ka emi hataholi Israel-la bubuluk, mae Au nde Manetualain-na. Au, Manetualain Fo Mademaina, nde manakokolak-ka.”

YESKIAL 22:16

Neukose, leoina fe'ek-kala lakamumulu-lakamamaek o, soona besak-ka o bubuluk, mae Au nde Manetualain-na.”

YESKIAL 23:49

Hai Ohola ma Oholiba, neukose Au huku emi, nanahu emi hohonge, ma emi sene-do'ok neu sosongo-tatangok-kala. Soona besak-ka emi bubuluk, mae Au nde Manetualain Fo Mademaina.”

YESKIAL 24:24

Soona au, Yeskial da'di natutu'duk ba'eneu emi; neukose emi tao sama leo hata fo au taon besak ia boe. Manetualain nafa'da nae metema, dede'ak ndia ana da'di soona, neukose emi bubuluk mae Ndia nde, Manetualain Fo Mademaina.”

YESKIAL 24:27

Nai faik ndia boe, neukose o ta da'di hala tak so'on, te o bisa kokolak seluk so. Boema, neukose o kokolak moo hataholi ndia. No enok ndia, neukose o da'di ta'du-tana ba'eneu hataholi sila; soona besak-ka ala bubuluk, lae Au nde Manetualain-na.”

YESKIAL 25:17

Neukose, Au hukus nenik huhuku mabelaina nanseli, fo Au hapu kaluaheni Au nape'da daleng-nga, fo besak-ka Au daleng-nga tesa-tama. Metema lame'da lita Au nasa-melung soona, besak-ka ala bubuluk lae Au nde, Manetualain-na.”

YESKIAL 26:6

Neukose lamanako, ma ala taolisa laun manai Tirus kota letelepan-nala. Soona besak-ka laun Tirus-sala, ala bubuluk lae Au nde Manetualain-na.”

YESKIAL 28:23

Neukose Au fe he'di-laus mai, de nemen-na fo, daak-ka faa nai o enom-mala lain. Neukose musu-a, ana sapu-na o neme mamanak lala'en-na mai, fo ala taolisa o laum-mala. Soona besak-ka o bubuluk, mae Au nde Manetualain-na.’ ”

YESKIAL 30:26

Neukose, Au fe hataholi Masir-ra, ala tapasasala leo basa daebafak-ka lala'en-na neu. Soona besak-ka ala bubuluk, lae Au nde Manetualain-na.”

YESKIAL 32:15

Metema Au tao Masir da'di moo solokae louk, boema Au tao amate-amopo basa hata fo manaleo manai ndia soona, neukose ala bubuluk, lae Au nde Manetualain-na.

YESKIAL 35:15

sama leo emi boeo mamahoko, nai lelek emi mita Israel da'di dae louk. Seir leten-nala, nakalenak basa dae Edom-ma lala'en-na, neukose ana da'di dae louk. Soona besak-ka basa hataholi-la, neukose ala bubuluk lae Au nde, Manetualain-na.’ ”

YESKIAL 38:23

No enok ndia, neukose Au atu'du neu basa leoina lala'en-na, ae Au ia matua-madema, ma malalao-malalafuk. Soona besak-ka ala bubuluk, lae Au nde Manetualain-na.”

YESKIAL 6:13

Neukose hataholi manamatek-kala, lalefu-le'ak lai sosongo-tatangok-kala tala'da, ma lai mei tunu-hotuk-kala boboa-kaisun, beelenga basa pupukuk mademaina-la poin-na, ma lai basa letek-kala poin-na, lai ai doo manaleloakak-kala huun-na, ma lai basa ai matuaina-la huun-na; dede'a keke'un-na, su'di nai mamanak bee, fo ala tunu tutunu-hohotuk fe sila sosongo-tatangon soona, hapu mamates nai ndia. Soona besak-ka basa hataholi-la, ala bubuluk lae Au nde Manetualain-na.

YESKIAL 6:6

Basa kota Israel-la, neukose nanatao nakalulutuk, ma basa mei tunu-hotun-nala ma sosongo-tatangon-nala lakalulutu, mamana tutunu boomenin-nala heaba'es, fo besenggela-besenggali, ma sila lima tataan lala'en-na, neukose mopos.

YESKIAL 6:8

Neukose, Au fe sila lumanak, lala kanisak ndia deak, tehu neukose sila nanatao tapasasalak nai leoina-la tala'da;

YESKIAL 7:4

Neukose, Au daleng-nga ta tu'da kasian neu o, do fe do'o do ampon neu o fa. Neukose Au huku o, nandaa no o tao tatao-nono'i ta kandaak lalaena. Soona besak-ka, o bubuluk mae Au nde Manetualain-na.”

YESKIAL 7:9

Neukose, Au daleng-nga ta tu'da kasian neu emi, ma Au ta fe do'o do ampon neu emi fa. Neukose, Au huku emi, nandaa no emi tao, tatao-nono'i ta kandaak-kala. Soona besak-ka emi bubuluk, mae Au nde Manetualain ma Au nde huku emi.”

YESKIAL 9:7

Boema Manetualain nafa'das nae, “Tao manggenggeo Au Umang ia leona! Tao mahenu uma so'dan-nala nenik mamates. Tao leona!” Boema ala taolisa hataholi manai kota dale-la.