YESKIAL 6:6 - Susula Malalaok Hehelu Palak Ma Hehelu Beuk

⁶ Basa kota Israel-la, neukose nanatao nakalulutuk, ma basa mei tunu-hotun-nala ma sosongo-tatangon-nala lakalulutu, mamana tutunu boomenin-nala heaba'es, fo besenggela-besenggali, ma sila lima tataan lala'en-na, neukose mopos.

YESKIAL 6:6 ပူးပေါင်းရင်းမြစ်များ

1RAJA-RAJA 14:23

Nai pupuku kala lain ma nai ai matuaina la huun-na, ala lafofo'a mamana sosongo-tatangok-kala, ma lapadedeik lutu batu la boema ala tao Asyera fo lamatua daebafak inak ka doki-dulan, soaneu ala sene-do'ok.

MAZMUR 115:8

Ela leo bee-na, hataholi manataok-kala, ua-nalen-nala leondiak ma basa hataholi fo, lamahele neun.

YESAYA 1:31

Sama leo ha'ikaa anak esa, ana hotuheni ha'deaik-ka, leondiak boe, hataholi mana koasa-la, neukose sila tatao-nono'i mangalaun-nala, nde tao lamopo-lamates-sala, de ta hapu hata esa boen, bisa tao nate'e nakalulutuk ndia fa.

YESAYA 2:18

Neukose mopo makandondook sosongo-tatangok-kala.

YESAYA 27:9

Tehu, Israel sala-singon-nala, ka'da hapu do'o do ampon neun, mete ala loli lakalulutuk lamatua daebafak-kala, sama leo ha'o-a. Basa boomenik, ma lamatua daebafa Inak Asyera dulan-na, muse nanatao nakalulutuk boe.

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YESAYA 64:10

O kota malalao-malalafum-mala, lalupa moo solokaek, Yerusalem da'di moo tokotik fo nee-nee-lino-lino.

YEREMIA 10:22

Mamanene dei! Hapu tutuik lae leoina esa nai kii ana sanga tao nale'a-napilik. Neukose soloda'dun-nala tao-la Yehuda kotan-nala da'di nenee lino-linok ma ta hapu manaleo-mapalasa fa. Neukose busa fuik-kala lafuni lai na.”

YEREMIA 17:3

ma nai letek-kala fo nai kota deak. Nanahu basa mamana nakaluku-nakatele sosongok-tatangok fo emi mapadedeik basan nai basa nusa lala'en-na, nanahu basa sala-singok fo emi tao-no'ik-kala, hu ndia de neukose Au tao emi musum-mala kalo leni basa emi hata-hetom-mala ma emi su'i-betem-mala.

YEREMIA 2:15

Musu non-na, nangao soaneun sama leo singa, daen-na nanataok da'di dae tokotiik, ma louk, ha'i-a na'a heni kotan-nala, laun-na ta leon so'on.

YEREMIA 34:22

Neukose Au fes paleta fo ela ala fali ma'is lo kota ia mai, fo ala sapu-lan, ma latona-la, ma ala hotu heni Yehuda kotan-nala neukose Au ao an sama leo mook solokaek-ka fo ta hapu hataholi leo fan. Au, Manetualain, nde manakokolak-ka.”

YEREMIA 51:18

Sila sosongo-tatangok belin ta landaa hakinonolik ma nananakadadaek. Neukose losa fain-na te sila mate-mopo.

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

YEREMIA 9:19

Hala kikii-makaleleuk-ka, nananamanenek nai Sion nae, “Ita mate-mopo, ma nananakamamaek nanseli. Ita muse la'oela ita nusan-na, ita uman-nala, nanatao nakalulutuk so.”

YESKIAL 12:19

Mafa'da basa leoina lala'en-na, hata fo Au, Fo Manetualain Mandemaina nafa'dan neu laun Yerusalem fo bei manaleo nai sila nusan-na. Neukose ala dele too-too nai lelek sila la'a, ma ala dele ngge'be-ngge'be no bibii-namata'uk-ka, nai lelek sila linu. Sila daen-na, neukose ana da'di dae tokotiik, nana basa hataholi manaleo nai ndia, ala la'olena Au hoholo-lalaneng nakandondoo henin.

YESKIAL 16:39

Neukose, Au fe o leo, o tou susue-lalaim sila-la, fo ala tao latu'u o mamana sosoa-piaom-mala, ma o mamana sosongo-tatangom-mala. Neukose, ala loso-la, basa o bua papakem, ma o lilo-henum lala'en-na, nalosa o makahola-la.

YESKIAL 30:13

Manetualain Fo Mademaina, nafa'da nae, “Neukose, Au tao akalulutuk sosongo-tatangok, ma lamatua daebafak fo, manai Memfis-sala. Neukose ta hapu seluk manek, nai Masir fa. Neukose, Au tao-a basa laun-nala lala'en-na, ala bii-lamata'u.

YESKIAL 5:14

Neukose, o da'di ai-batu manatapasasalak, ma leoina manai o boboa-kaisum-mala, neukose ala hakinonoli o; neukose basa hataholi manala'ok tunga ndia, ladook aoinan-nala neme o mai.

YESKIAL 6:4

Neukose, ana tao nakalulutuk mei tunu-hotun-nala, ma ana tao naba'e mamana tutunu boomenin-nala. Neukose, ana taonisa basa hataholi manai sila-la, nai sosongon-tatangon-nala matan.

YESKIAL 6:7

Nai mamanak lala'en-na, hapu hataholi nanataonisak nai ndia, soona hataholi bei maso'dak-kala, neukose ala bubuluk, lae Au nde Manetualain-na.

HOSEA 10:2

Hataholi fo dalen-nala ta ndoos sila-la, besak ia ala muse lu'a-lepa sala-singon-nala buna-boan. Neukose Manetualain tao nakalulutuk sila mei tunu-hotun-nala, ma Ana ofe heni sila lutu batu sosongon-nala.

HOSEA 10:8

Uma sosongo-tatangok manai pupuku-pupukuk nai Betel fo hataholi Israel-la mamana sene-do'ok neu sosongo-tatangok-ka, neukose nanatao nakalulutuk. Dila-nggauk ma na'u-la, neukose ala moli nai sila mei tunu-hotun. Boema neukose, laloo lapane'e neu letek-kala lae, “Mapaluni-mala ami leona!” ma laloo neu pupukuk-kala lae, “Tuni-mala ami leona!”

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,

IMAMAT 26:31

Au tao akalulutuk emi kotam-mala, fo da'di ai-batu madodouk, Au tao akalulutuk emi mamana sosongo-tatangom, ma Au ta sipok emi tutunu-hohotum-mala fa.

MIKHA 1:7

Neukose Au akalulutuk dodoki-dudula kabeli inan-nala, ma neukose Au hotu heni basa ala fe bua-lo'as neu ina-inak fo lalalau-laoono nai uma sosongok-ka, boema neukose Au tao amopo-amate sosongo-tatangon lala'en-na. Bua-lo'as sila-la nde been-na, buna-baok neme sila huhule-haladoin neu lamatua daebafak fo manafe dae-oe naisi-namina. Besak ia, neukose musu ho'i neni basa sila-la, fo loke makasi neu sila lamatua daebafan-nala.”

MIKHA 3:12

Hu kande emi tatao-nono'i mangalaum ndia, de neukose lakauuk Sion sama leo hadeoe, neukose Yerusalem da'di ai-batu madodouk, ma pupukuk fo Manetualain Uman-na, neukose ana da'di nula na'u-aiana.

MIKHA 5:13

Dewi Asyera lutu batu sosongon manai emi nusam-ma, neukose Au ta atu'un, ma emi kota-kota makota musum-mala, neukose Au tao akalulutuk-kasa

HABAKUK 2:18

O nanasoo-supak! O mafa'da ai bibiak esa mae, “Fo'a leona!” do o mafa'da batu matua esa mae, “Mapadeik leona!” Ade, dodoki-dudulak esa, bisa nafa'da o hata esa do? Bole da'di, dodoki-dudulak ndia nananakadidita lilopilas do lilofulak, tehu ani hahaen ta. Dodoki-dudulak sosongo-tatangok-ka sosoan-na beek? Ka'da hataholi daebafak-ka lima leen ndia. Fo o hapu neme dodoki-dudulak ndia mai, ka'da masapepeko-masandandalik-ka mesak-kana. Manatao sosongo-tatangok fo ta bisa kokolak fa ndia, namahehelen-na manada'di tak.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

ZAKHARIA 13:2

Nai faik ndia, neukose Au lose heni sosongo-tatangok-kala na'den-na, neme dae ia mai, nalosa ta hapu hataholi esa boen, bei nafandelen bai. Neukose, Au usi heni basa hataholi fo ana manaku aoinan-na nabi, sama-sama loo sila fo duladale mangalauk-ka koasan-nalas.

SEMUEL SUSULAK-KA ESAN-NA 5:4

Tehu balahaa fafaik boema, ala lita tu'da heni seluk dodoki-dudulak ndia nai Peti Hehelu-balataak ndia matan-na so. Oek ia, dodoki-dudulak ndia langan-na ma alun duas nananggelohenik, de beselee nai lelesu bafan-na; ela ka'da dodoki-dudulak ndia aon-na bei katemak. (