YESKIAL 6:13 - Susula Malalaok Hehelu Palak Ma Hehelu Beuk

¹³ Neukose hataholi manamatek-kala, lalefu-le'ak lai sosongo-tatangok-kala tala'da, ma lai mei tunu-hotuk-kala boboa-kaisun, beelenga basa pupukuk mademaina-la poin-na, ma lai basa letek-kala poin-na, lai ai doo manaleloakak-kala huun-na, ma lai basa ai matuaina-la huun-na; dede'a keke'un-na, su'di nai mamanak bee, fo ala tunu tutunu-hohotuk fe sila sosongo-tatangon soona, hapu mamates nai ndia. Soona besak-ka basa hataholi-la, ala bubuluk lae Au nde Manetualain-na.

YESKIAL 6:13 ပူးပေါင်းရင်းမြစ်များ

1RAJA-RAJA 14:23

Nai pupuku kala lain ma nai ai matuaina la huun-na, ala lafofo'a mamana sosongo-tatangok-kala, ma lapadedeik lutu batu la boema ala tao Asyera fo lamatua daebafak inak ka doki-dulan, soaneu ala sene-do'ok.

2RAJA-RAJA 16:4

Ahas fe tutunu-hohotuk ma tunu boomenik, nai lamatua daebafak-ka mamana sosongo-tatangon, nai letek-kala, ma nai ai matuaina-la huun-na.

YESAYA 1:29

Neukose ala hapu mamaek, nanahu ala sene-do'ok neu ai ina-la, ma ala fe hehelik lamatua daebafak-kala osi-lutu.

YESAYA 37:20

Ou, ami Manetualain po'i ami neme hataholi Asyur sila-la mai, fo ela basa leoina manai daebafak-ka lala'en-na, ala bubuluk lae ka'da O mesa-mesam-ma nde Manetualain-na.”

YESAYA 66:17

Manetualain nafa'da nae, “Basa hataholi fo manatao lalao-lalafu aoinan-nala, fo leu leo lamatua daebafak-kala osin-nala leu ma sene-do'ok neus-sala, neukose mopok-kasa sama-sama lo hataholi mana'a paa bafi, ma paa lafo, boema nana'a nanamalua fe'ek-kala.

YEREMIA 13:27

Au ita basa emi tao-no'i dede'ak-dede'ak fo Au ta hii fan. Au ita basa emi tunga lamaua daebafak fe'ek-kala nai pupukuk-kala ma nai tina-osi-la, sama leo hataholi touk-kala lamula hataholi saoinan, do sama leo ndala mane-a asa sasaon-naneu ndala ina. Yerusalem Laun-nala lemin, soe ba'eneu emi! Neukose faihi'da de fo emi matapo'i neme basa mangalauk-kala mai?”

YEREMIA 2:20

Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.

YEREMIA 3:6

Nai tepo lelek Mane Yosia paleta, Manetualain nafa'da au nae leo ia, “O mita basa hata fo Israel, inak fo ta manalilinekak ndia, tao-no'ik-ka so do beik? An la'oela Au, de ana sosoa-piao nai pupuku mademaina-la esa-esak lain, ma nai ai huu matuaina-la, esa-esak huun-na.

YESKIAL 18:6

Ana ta sene-do'ok neu hataholi Israel-la, sosongo-tatangon fa, do na'a tutunu-hohotuk, fo nanatunu-hotuk nai mamana sene-do'ok neu lamatua daebafak-kala. Ana beita fufu'di-oodok nita, hataholi fe'ek saoinan fa, do ana sungu no inak fo, ana hapu he'di bulak.

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

YESKIAL 23:41

Beoma langatuuk leu pepe'u manahiik lain. Nai matan-nala, hapu mei esa, henuk no nana'a-nininuk, boema Au fes boomenik ma mina setun-na, lai mei ndia lain boe.

YESKIAL 43:7

“Hai hataholi daebafak fo, manasapu-manalalok-konei, Au kandela maneng-nga nde ia. Neukose Au leo nai ia, fo nai hataholi Israel-la tala'da heon, fo Au paletas losa dodoon-na. Nau sila, do sila manen-nala boe, neukose ala ta tao langgenggeo seluk Au na'de malalao-malalafung-nga, nenik sene-do'ok neu sosongo-tatangok, do nenik latoi-latono sila manen-nala popolan-na, nai mamanak ia.

HOSEA 4:13

Emi tunu-hotu tutunu-hohotuk nai mamana sosongo-tatangok manai pupukuk-kala, ma letek-kala poin-na, ma emi tunu boomenik nai ai matuaina manaleloakak manai naa-la huun-na, nanahu mamanak ndia sa'on-na malole. Tehu, mate'en-na beek da'di? Emi anafe'oanam-mala, ala da'di manasosoa-piaok, ma emi manafeu inam-mala hohonge!

ZEFANYA 1:10

Manetualain, nafa'da nae, “Leo ndia, nai faik ndia; neukose kii-kiik-ka nananamanenek nai Lelesuina I'ak-ka. Hala makaleleuk-kala, neukose nananamanenek neme nggolo beuk-kala mai, ma manandefa matuaina-la nggun-na, neukose nanggu neme pupukuk-kala mai.