YESKIAL 5:16 - Susula Malalaok Hehelu Palak Ma Hehelu Beuk

¹⁶ Neukose, Au tao akalulutuk o mamana pepe'da nana'am-ma, ma Au po'ilotak o laum-ma, lamala'a-lamandoe. Neukose, ala la'ola'di la'a-ndoes, makee-makahe'dun, sama leo kokouisi matane, fo ana tola o, ma ana tao namate-namopo o.

YESKIAL 5:16 ပူးပေါင်းရင်းမြစ်များ

2RAJA-RAJA 6:25

de neninin-na, la'a-ndoes matuaina, da'di nai kota dale, nalosa keledei langak esa soona, belin-na doi fulak 80, ma manupui kalua teik, ons 2, fo belin-na doi fulak 5.

MAZMUR 7:13

Metema ta lasafali sila ha'da-tataon fa soona, Ana naheheleaon, nenik tafaina maneni mamates-sa. Ana fofola tafainan-na, ma Ana hela kokoun-na, boema Ana kou kou-kou isi manapilan-na neu.

YESAYA 3:1

Te'e-te'e Manetualain Fo Manakoasa, neukose Ana ho'i-na basa nana'a-nininuk nanasadiak manai Yerusalem ma Yehuda lala'en-na. Boeo sila lamahena neu basa hataholi-la fo nde:

YEREMIA 52:6

Nai bulak kahaa fain sio teuk ndia dalen-na, la'as matua mai de la'u-nala de ta lanuu nana'ak fa.

RATAPAN 3:12

Ana hela kokoun-na, de Ana fe kokou isin-na nasale leo au mai.

YESKIAL 14:13

metema nusak esa nasala-nasingo, ma ta lilineka neu Au fa soona, neukose Au huku nusak ndia. Neukose, Au tao akalulutuk mamana pepe'da nana'an-nala, ma Au fe soe la'a-ndoes-sa mai, ma Au taoisa, nau hataholi do bana-manu boe.

YESKIAL 4:16

Basa boema, nafa'da seluk nae, “Hai, hataholi daebafak fo, manasapu-manalalok-konei, neukose Au tao akalulutuk, mamana pepe'da nana'ak manai Yerusalem-ma. Neukose ala uku sila nana'an-na, ma sila oe nininun-na, fo la'a-linu no dalen-nala ta tesa-tama fa.

YESKIAL 5:15

Metema, Au amanasa o, ma Au huku o soona, basa leoina manai o boboa-kaisum-ma, lame'da bibii-namata'uk nanseli. Neukose, ala hakinonoli o, ma ala pela-malua mete o.

YESKIAL 5:17

Fe'ek neme susa-soe la'a-ndoes-sa mai, neukose Au fe la'a-ndoes, tatao-nono'ik fo ta nalelak susue-lalaik-ka, natee-natatik soaneu taonisa o laum-mala, ma bana makaa-makisuk soaneu taonisa anan-nala. Au, fo Manetualain, nde manakokolak-ka.”

IMAMAT 26:26

Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.