YESKIAL 5:15 - Susula Malalaok Hehelu Palak Ma Hehelu Beuk

¹⁵ Metema, Au amanasa o, ma Au huku o soona, basa leoina manai o boboa-kaisum-ma, lame'da bibii-namata'uk nanseli. Neukose, ala hakinonoli o, ma ala pela-malua mete o.

YESKIAL 5:15 ပူးပေါင်းရင်းမြစ်များ

1RAJA-RAJA 9:7

soona neukose Au usiheni Au anang Israel neme nusak fo Au fe basan neu sila so. Neukose Au boeo la'oela uma ini fo Au aketu basan da'di mamana hule-haladoik neu Au. Neukose hataholi Israel-la nananakamumulu-nakamamaek ma nanahika-humek nai mamanak lala'en-na.

2TAWARIKH 29:8

Boema Manetualain nai nasa-melun-na dalek, Ana huku-doki hataholi Yehuda ma hataholi Yerusalem-mala. Ma emi basa-basam-mala bubuluk mae Manetualain nakeketun ndia taon-na basa hataholi-la nggenge-la lanseli.

MAZMUR 39:11

Ho'i-ma O huhukum-ma neme au mai, nana au hihii mate, nanahu O fefepam-ma.

MAZMUR 79:4

Ami da'di buas fo, nanahakinonolik neme leoina titia-tataik-kala mai, ala hika ma lakadadaek ami.

YESAYA 26:9

Au samaneng-nga, nahiik natongo O tataas esa, nai fai le'odaen, ma no dalek-katema tuak, au sanga O nai fai fafain-na. Mahani te, metema O maketu-mala'di daebafak-ka soona, neukose laun manai daebafak-ka, ala bubuluk hata fo ndoos-sa.

YESAYA 43:28

o imam-mala, ala tao langgenggeo Au Umang-nga. Hu ndia de, Au fe heni Israel, fo nananakadadaek, Au po'ilotak Yakob tititi-nonosin, nanatao namate-namopok.”

YEREMIA 23:40

Neukose Au tao-a sila mae ma nananakadadaek soaneu losa dodoon-na, ma sila a nalen ndia neukose hataholi ta lasanggango heni fan.”

YEREMIA 29:18

Neukose Au usis tunga dea nenik natee-natatik, la'a-ndos-sa ma he'di-laus matuaina, de nalosa basa leoina manai daebafak ia, lame'da bibiik ala lita sila heheo-hihilun-nala. Metema Au tao tapasasalas su'di nai bea soona, neukose hataholi lame'da bibiik ma namata'uk lita hata fo manada'dik neu sila. Neukose sila nananakamuu-nakadauk ma ala pake sila na'den-na da'di leo soo-supak.

RATAPAN 2:15

Basa hataholi manala'ok tunga ndia, hakinonoli o, nanahu nakalulutuk basa o lala'en-na so. Lakakale langa ma lafa'da lae, “Ade, ndia ta nde kota mana'ahiik nanseli, kota fo daebafak-ka namatutua-namadedeman do?”

RATAPAN 2:16

Basa o musum-mala mete o mata-panam no nakamuu-nakadauk, ala hika ma latitii nisi o. Lafa'da lae, “Ami tao mamopo-mamate kota ndia so! Mate'en-na, faik fo ami mahani talu-talu moon-na, ana losa boe!”

YESKIAL 11:9

Neukose, Au o emi kalua meme kota ia dalek mai, fo Au fe emi leo hataholi nusa dea-la neu. Au ta aketu huhuku mamates neu emi fa.

YESKIAL 14:8

Neukose Au la'ban-nana, fo Au taon da'di natutu'duk esa, ba'eneu fe'ek-kala. Neukose, Au kalua henin neme Au anang-ngala dalek mai, soona besak-ka, Au anang-ngala bubuluk lae Au nde, Manetualain-na.

YESKIAL 16:41

Neukose, ala hotuheni o umam-mala, ma ladenu basa inak-kala, mete o huhukum-ma. Neukose, Au tao ate'e o sosoa-piaom, nenik enok ndia. Neukose, o ta baba'e fe o tou susue-lalaim-mala, bua palsen so'on.

YESKIAL 16:57

ma nai lelek, o tatao-nono'i mangalaum-ma, beita nanabubuluk fa hetu? Besak ia, o sama leo ndia so boe; o da'di bua nanahika-humek neme hataholi Edom, hataholi Filistin ma uma titia-tataim fe'ek fo, ala ta lahiik loo o fa.

YESKIAL 23:32

Manetualain Fo Mademaina nafa'da nae, “O muse minu o ka'am mangoteen-na, isin-na Mangotee ndia, matua ma madema. Isin-na henuk no hakinonolik ma nakamumulu-nakamamaek-ka, fo o muse lu'a-lepan neme basa hataholi lala'en-na mai.

YESKIAL 25:17

Neukose, Au hukus nenik huhuku mabelaina nanseli, fo Au hapu kaluaheni Au nape'da daleng-nga, fo besak-ka Au daleng-nga tesa-tama. Metema lame'da lita Au nasa-melung soona, besak-ka ala bubuluk lae Au nde, Manetualain-na.”

YESKIAL 30:19

Neukose Au huku Masir leondiak, soona besak-ka ala bubuluk, lae Au nde Manetualain-na.”

YESKIAL 5:16

Neukose, Au tao akalulutuk o mamana pepe'da nana'am-ma, ma Au po'ilotak o laum-ma, lamala'a-lamandoe. Neukose, ala la'ola'di la'a-ndoes, makee-makahe'dun, sama leo kokouisi matane, fo ana tola o, ma ana tao namate-namopo o.

YESKIAL 5:8

Hu ndia de, Au, Manetualain Fo Mademaina, afa'da ae o musum-ma nde been-na, nde Au. Neukose, Au huku o nai leoina fe'ek-kala matan.

IMAMAT 26:32

Neukose, Au tao amopo-amate emi nusam-ma, nalosa musu-musu fo langatuu-la emi nusam-ma, ala nggenge, nai lelek fo lita nakalulutuk ndia, ba'un-na seli.

NAHUM 1:2

Manetualain ta nau hataholi nakasusu'dik no fan, hataholi manala'ban-nana, tao leo bee-o ana hapu huhukuk No nasa-meluk nanseli, Ana balas nape'da dalen-na neus.

1 KORINTUS 10:11

Ala hapu basa manda'dik sila la, fo ela ana da'di natutu'duk esa soaneu hataholi fe'e kala. Ala sulak ela basa dede'ak sila la, fo ela ana da'di nasanene'dak esa soaneu ita, nana ita taso'da nai le'do fai mate'e ka nde ia so.

ULANGAN 28:37

Nai nusa-nusak fo nai bee, Manetualain tao tapasasala emi-a, neni bibii-namata'uk nanseli fe hataholi manamete emi-a; neukose ala hakinonoli ma ala hika emi.

ULANGAN 28:46

Basa soe sila-la, nalupa leo ta'du huhukuk esa neme Manetualain soaneu emi ma emi tititi-nonosim, losa dodoon-na.