YESKIAL 5:13 - Susula Malalaok Hehelu Palak Ma Hehelu Beuk

¹³ Neukose o mame'da mita, Au nasa-melung ma Au fefepa-lili'u matuainang-nga, losa Au daleng-nga tesa-tama. Basa sila-la ala da'di soona, neukose o mamahele mae Au, Manetualain kokolak o o so, nanahu Au amanasa o ta lilineka fa.

YESKIAL 5:13 ပူးပေါင်းရင်းမြစ်များ

YESAYA 1:21

Kota fo makahulun-na ana lilineka, besak ia sama leo ina manasosoa-piaok-ka! Makahulun-na laun-nala ndoos ma matetuk, ma ta lasapepeko-lasandandali fa, tehu besak ia, kanisak-kala leo lai dalek.

YESAYA 1:24

Hu ndia de Manetualain Fo Manakoasa, fo Israel Manetualain-na, nafa'da nae, “Hai, Au musung-ngala lemin, neukose Au balas emi nenik nape'da dalek, fo emi ta tao susa Au so'on.

YESAYA 59:17

Ana pake ndoos ma matetuk-ka, ma so'da-molek-ka, da'di leo ba'du besik, ma ti'ilanga bai. Dalen-na kisak soaneu Ana tao nabebeu, ma Ana balas hataholi ta manatao ndoos ma matetuk-ka fa.

YESAYA 9:7

Manetualain naketu basa nusa Israel-la, huhukun-na so.

YEREMIA 14:12

Leomae ala oka aon-nala boeo, Au ta nau taoafik neu sila nalolou fo loke tutulu-fafalik fa; ma leomae ala fe Au tunu-hotu nanatunuk ma tunu-hotu gandum, boeo neukose Au ta amahoko neu hataholi sila-la fa. Nasafalin-na neukose Au tao amate-amopos nenik natee-natatik, la'a-ndoes ma he'di-laus.”

YEREMIA 15:9

Ina bongik fo mopo ana kahitun-nala ana sapala'o nanahu haha'ena nakase'e. Nai fai maso'dan-na dalek ana da'di nanamama'uk, ma ana name'da nananakadadaek ma nananakamumulu-nakamamaek. Au adenu emi musum-mala tao lisa bei mamamaso'dak fo nai emi tala'da. Au, Manetualain, nde manakokolak.”

YEREMIA 25:12

Basa ndia soona neukose Au huku leoina Babel-la no manen-na, nanahu sila sala-singon-nala. Neukose Au tao atu'u nusak Babel-la ma Au po'ilotak-kana nakalulutuk soaneu losa dodoon-na.

RATAPAN 4:11

Manetualain nasa-melun fo'a, de Ana hotu heni kota Sion-na, losa ta hapu sesee-bobolon fa.

RATAPAN 4:22

Sion nakalala'ok huhukun-na, soaneu sala-singok fo ana taok-ka so; besak ia, neukose Manetualain ta po'Ilotak ami ma neukose ta no seluk ami leo mamana tu'u-tapak dalek neu so'on. Tehu o, hai Edom, neukose Manetualain huku o. O sala-singom neukose nanabukak.

YESKIAL 13:15

Papala nanadamak ndia, ma emi fo manalose papala nanadamak ndia nenik ha'o-a, neukose mame'da mita Au nasa-melung be'i-balakain. Basa soona, neukose Au afa'da emi, ae papala nanadamak ndia mopok-kana, sama-na leo emi fo, manalose ha'o neu papala nanadamak ndia,

YESKIAL 14:21

Manetualain Fo Mademaina nafa'da nae, “Neukose, Au huku Yerusalem nenik Au huhukung haa, belan-na seli, fo Au tao amate-amopo, nau hataholi do bana-manu boe. Huhuku ka haak sila-la nde: natee-natatik-ka, la'a-ndoes-sa, bana makaa-makisuk-ka, ma he'di-laus-sa.

YESKIAL 16:42

Basa ndia soona, besak-ka Au nasa-melung, ana tenak, fo Au daleng-nga tesa-tama falik. Neukose, Au ta amanasa do ape'da dalek so'on.

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

YESKIAL 17:21

Neukose, mate solda'du neulaun-nala nai natee-natatik dale, tehu maso'dak-kala, neukose nanatao tapasasalak leo basa bu'u-bu'uk lala'en-na neu. Soona besak-ka Au anang-ngala bubuluk lae Au, nde Manetualain, nde manakokolak-ka.”

YESKIAL 20:21

Tehu, bobongi makabuik sila-la boeo, ala la'ban Au. Ala la'olena Au hoholo-lalaneng, ma ala ta taoafik neu Au paletang-ngala fa, fo metema hataholi-a, ana tao tungan soona, naso'da nahele. Ala tao langgenggeo fai Sabat-ta. Hu ndia de, Au sadia basa, sanga kalua Au nasa-melung soaneus nai moo solokaek, fo Au taoisa la'iesak-kasa.

YESKIAL 20:8

Tehu, ala la'ban Au, ma ala ta nau lamanene Au fa. Ala ta nau tu'u-tapaheni dodoki-dudulak fo, nanamaluak sila-la fa, ma ala ta nau hahae sene-do'ok neu, sosongo-tatangok Masir sila-la boen. Nai lelek ala bei leme naa, Au sadia basa, fo sanga amanasas so.

YESKIAL 21:17

Neukose, Au totoko Au limang-nga boe, boema neukose Au nasa-melung ana tenak. Au, Manetualain nde manakokolak-ka.”

YESKIAL 21:22

Metema, kokouisik-ka tu'da leo lima konan dale neu soona, la'e Yerusalem! Fo ndia sosoa-ndandaan nae manek-ka, muse sapu-na kota Yerusalem-ma, soona ana eki eeki natee-natatik-ka, fo ela solda'dun-nala lakaduduluk taka-besi, soaneu ala hona lakalulutuk Yerusalem lelesuinan-nala, ma ala tao ladodou dae fo ana da'di papala nanadamak manata'da musu, ma ala kali oelolok.

YESKIAL 23:25

Hu kande Au amanasa o, de Au po'ilotak-kasa, ala tao o no ta pake dale susue-lalaik fa. Neukose, ala kee heni o panam-ma, ma o di'idoom-ma, boema ala ho'u-la o anam-mala fo ala tu'us leo ha'i lai neu, fo ha'i-a hotu nisas.

YESKIAL 24:13

Hai Yerusalem, o tatao-nono'i ha'da hataholi taa-ma, tao nanggenggeo o aoinam-ma. Au so'ba, tao balisi o, tehu sosoa-ndandaan ta, nana o manggenggeok mahele. Neukose, o ta balisi seluk so'on, losa Au kalua Au nasa-melung neu o.

YESKIAL 43:8

Makahulun-na, sila manen-nala tao lelesu dook, ma sila uma manen-na diin-nala, lai Au Umang-nga lelesu doon, ma diin-nala boboan-na, nalosa hapu ka'da papala esa nai tala'da. Ala tao langgenggeo basa Au na'de malalao-malalafung-nga, nenik sila tatao-nono'in fo, nanamaluak-ka. Hu ndia de, Au tao amate-amopos, nai Au nasa-melung dale.

YESKIAL 6:10

Soona neukose, ala bubuluk, lae Au nde Manetualain-na, ma lae Au fe sila nasanene'dak-kala, ta nasanene'da bafalouk fa.”

YESKIAL 6:12

Neukose, sila basa-basas lame'da lita Au nasa-melung nininin-na. Hataholi manai mamana dook-kala, fonde mamana tu'u-tapak, neukose ala tu'u he'dis, boema mates; hataholi manadekak-kala, neukose ala mate nai natee-natatik dale, ma bei elak-kala, neukose mates hu kande la'a-ndoes-sa.

YESKIAL 7:3

Manetualain nafa'da nae, “Hai Israel, besak ia, o fai mate'em-ma, ana losa so. Au aketu-ala'di o, nandaa no o tatao-nono'i ta kandaam-ma fa.

YESKIAL 7:8

Ta dook-ka so'on te, neukose emi mame'da mita, Au nasa-melung fo manalua ponu-ponung-nga. Au aketu-ala'di emi, nandaa no emi tatao-nono'im. Neukose, Au balas emi tatao-nono'im fo, ta kandaak lala'en-na.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

HOSEA 10:10

Neukose Au sapu-a hataholi masala-masingok sila-la, fo Au hukus. Neukose leoina-la lakabubua, fo ala lena-la'ban-nasa, ma neukose sila nanahukuk, nanahu sala-singo makadoton sila-la.

ZAKHARIA 6:8

Basa boema, ata nusa so'dak ndia naloo bou-bou neu au nae, “Ndala manala'o leo Babel neu ndia, ana tao-na Manetualain nasan-na tenak so.”

ULANGAN 28:63

Sama leo Manetualain nahiik tao malole soaneu emi, ma Ana fe emi mamade'u, leondiak boe, neukose nahiik tao namate-namopo emi, ma tao nakalulutuk emi boe. Neukose, Ana usiheni emi neme nusak fo, ta dook-ka so'on te, emi mangatuu-malan ndia, dalek mai.

ULANGAN 32:36

Neukose Manetualain, soi-tefa-na anan-nala, ma Ana sue-lai atan-nala, metema nitas, ala male-tale ma be'i-balakain ta so.