YESKIAL 5:10 - Susula Malalaok Hehelu Palak Ma Hehelu Beuk

¹⁰ Nekose hataholi lasik-kala, la'a seluk ana bongin-nala, ma anan-nala la'a seluk ina-aman. Neukose, Au hukus leondiak, ma Au tao tapasasala laun fo, bei maso'dak-kala, leo basa daebafak-ka bu'un-nala leu.

YESKIAL 5:10 ပူးပေါင်းရင်းမြစ်များ

2RAJA-RAJA 6:29

Hu ndia de, ami tunu-nasu au anang-nga, de ami mi'a. Balahaa, de lelek au oken, fo ela ami tunu-nasu anan-na, tehu nafuni anan-na!”

NEHEMIA 1:8

Ou Manetualain, mafandendelek O hala-kokolam fo O paleta Musa nafa'dan nae metema ami, fo hataholi Israe la, ta lilineka neu O fa soona, neukose O tao tapasasala ami nai leoina fe'ek-kala tala'da.

MAZMUR 44:11

O po'ilotak ami malai neme ami musum-ma mai, de ala kalo leni ami hata-hetom-mala.

YESAYA 49:26

Neukose, Au tao-a o musum-ma, mafuk daak, nalosa esa dodo-na esa. Soona basa hataholi daebafak lala'en-na, bubuluk lae Au, Manetualain, o Manasoi-manatefam; Fo Mabe'i-balakai lea, Yakob Manetualain-na, o Manasoi-manatefam.”

YESAYA 9:20

Hataholi Manasye-la ma hataholi Efraim-mala, esa sapu-na esa, boema ala sama-sama la'ban Yehuda. Tehu Manetualain bei namanasa, de Ana huku nahele.

YEREMIA 13:14

Boema neukose Au tao tapasasala sila esa no esa. Lasik ma mulik, neukose Au tao taos tao leondiak ta pake do'o-do ampon fa. Neukose Au tao akatoto'a-akatatak-kasa ta pake nameme'da susuek do lalaik fa. Au Manetualain, nde manakokolak-ka.”

YEREMIA 19:9

Musu-a nakahapin-na kota ia, de ala sanga tao lisa laun-nala. Nakahapik ndia bela-ba'u, de nalosa hataholi manai kota ia dalek anan-nala lo nonon-nala lana'a-la ao seluk.”

YEREMIA 44:12

Ma metema neme hataholi Yehuda fo bei elak-kala hapu lakisak dalen-nala fo leu lo Masir soaneu ala leo lai na soona, neukose mate-mopo la'iesak-kasa. Sila basa-basas ana matua, neukose mates nai Masir, nai natee-natatik-ka dalek do hukande la'a-ndoes-sa. Neukose hataholi litas soona, lame'da langgenggengo ao, ma neukose lakamumulu-lakamamaek-kasa. Sila na'den-nala neukose nanapakek da'di leo soo-supak.

YEREMIA 49:32

Manetualain nafa'da seluk Nebukadnezar, “Loso-ma onta-onta nala ma bana manun lala'en-na! Hataholi-hataholi langa doo nanangutek keke'uk sila neukose au fe henis leo mamana fe'ek neu. Neukose Au fe susa-soe ba'eneu emi neme basa mamanak lala'en-na.

YEREMIA 49:36

Neukose Au fuu anin-na leo Elam neme basa mamanak lala'en-na, ma Au fe laun-nala leu leo mamana fe'ek fo ta hapu nusak esa boen soaneu mamanak malaik neme Elam ndia.

YEREMIA 50:17

Manetualain nafa'da nae, “Hataholi Israel-la sama leo bi'i lopo nanausik-kala ma nanabibinga-baba'ek neme meoasu-a mai. Makahulun-na manek Asyur de sapu-na sila, boema Nebukadnezar manek Babel-la napangge na sila duin-nala.

YEREMIA 9:16

Neukose, Au tao tapasasalas leo leoina fo ta lelak-kasa, tala'da leu, do sila bei-ba'i kain nala leu. Neukose Au adenu solda'du-la leu latee-latati loos nakandoo, losa Au tao amopo-amate la'iesak-kasa.”

RATAPAN 2:20

Manetualain, mete ma taoafik leon neu sila fo O fepa-li'uk sila-la! Ade O tao hai nggelok leondiak so do beik? Ina na'a seluk ana bongi susuen-na, imam ma nabi-la nanatao nisak nai O Uma malalao-malalafum dale.

RATAPAN 4:10

Soe ndia ba'un-na seli, de ana tuni la'e Au anang-ngala nalosa ina-ina fo dale mangana'uk ala nasu anan-nala fo la'a.

RATAPAN 4:16

Manetualain ta taoafik neu anan-nala so'on; Ndia nde tao tapasasalas-sala, ma Ana tao-na hataholi ta fe ha'da-holomata neu imam-mala so'on; basa mauli-malangan-nala, dale susue-lalai tak-kala.

RATAPAN 4:3

Te busa fui ina nasu'u anan-na, tehu Au anang-ngala ta lalelak susue-lalaik, sama leo manupui onta nai mook-ka.

YESKIAL 12:14

Basa hataholi fo, manaleo nai uma manek-ka, ma basa manek ndia hataholi manamanoli-mafa'dan-nala, ma basa hataholi manamanean-nala, neukose Au tao tapasasalas leo basa daebafak-ka bu'u-bu'un lala'en-na leu. Neukose, Au usis, fo Au taoisas.

YESKIAL 12:15

Nai lelek, Au tao tapasasalas leo leoina manai nusak dea-la tala'da heon soona, besak-ka ala bubuluk, lae Au nde Manetualain-na.

YESKIAL 17:21

Neukose, mate solda'du neulaun-nala nai natee-natatik dale, tehu maso'dak-kala, neukose nanatao tapasasalak leo basa bu'u-bu'uk lala'en-na neu. Soona besak-ka Au anang-ngala bubuluk lae Au, nde Manetualain, nde manakokolak-ka.”

YESKIAL 20:23

Nai moo solokaek ndia boe, Au soo ae neukose, Au tao tapasasalas leo basa daebafak-ka lala'en-na leu,

YESKIAL 22:15

Neukose, Au tao tapasasala o laum-mala, leo basa nusak-kala ma leoina-kala leu, ma neukose Au tao ate'e, o tatao-nono'i mangalaum ndia.

YESKIAL 36:19

Au hukus nandaa no sila ha'da-tataon, boema Au tao tapasasalas leo nusa dea-la leu.

YESKIAL 5:12

Metema, ba'e o laum-ma neu baba'ek telu soona, Au taoisa baba'ek esa, nanahu he'di-laus ma la'a-ndoes-sa da'di nai kota dale. Baba'ek esa, nanado'do nisak nai kota deak, ma neukose Au nggenggela-ngganggali baba'ek esa seluk, leo basa daebafak-ka bu'un-nala leu, ma neukose Au usis tataas esa nenik tafaina.

YESKIAL 5:2

Metema, musu-a hahae nakahapi-na kota ndia soona, o muse hotuheni langadook ndia, baba'ek esa nai kota ndia tala'daheon. Ho'i-ma o tafainam-ma, fo muse tete'te baba'ek esa okofefeok kota ndia. Ma o muse nggali baba'e mate'ek-ka leo lalai neu, fo Au usin nenik Au tafainang-nga.

YESKIAL 6:8

Neukose, Au fe sila lumanak, lala kanisak ndia deak, tehu neukose sila nanatao tapasasalak nai leoina-la tala'da;

DANIAL 9:7

Ou Manetualain, O nakeketum-ma la'en tataas esa, ndoos ma matetuk tehu ami makamamaek ami aoinam-ma do'e-do'e fo nde: ami basa-basam fo manaleo nai Yudea ma Yerusalem, ma basa hataholi fo leoina esa lo ami, fo O fes tapasasala leo nusa dook-kala ma manadekak-kala, hu kande, ala ta lilineka neu O fa.

IMAMAT 26:29

Neukose, emi mamala'a-mamandoe, nalosa emi mi'a seluk emi anam-mala.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

AMOS 9:9

Neukose Au fe paleta, ma Au da'i-lelee leoina Israel-la, sama leo hataholi-a da'i-lelee gandum-ma nai ooko dale, fo soaneu tipa heok hataholi sosoa-ndandaa taak-kala nai sila dalek. Neukose Au dopok-kasa nai leoina-la tala'da.

ZAKHARIA 2:6

Manetualain nafa'da anan-nala nae, “Au tao tapasasala basa emi, leo bu'u-bu'uk lala'en-na neu so. Tehu besak ia, hai hataholi nanafook-kala lemin, malai meme Babel mai leona, fo fali me'um-ma leo Yerusalem meu.

ZAKHARIA 7:14

Au sapu balisis, sama leo ani-sangu-a, nalosa no nakasetik, leu leo nai nusa dea-la. Dae maisi-mamina ia, ana da'di nee-nee lino-linok, hataholin ta, ma na'u-aianan ta.”

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

ULANGAN 28:64

Neukose, Manetualain tao tapasasala emi, leo basa leoina manai daebafak-ka lala'en-na neu. Nai naa, neukose emi sene-do'ok neu lamatua daebafak fo nanataok neme ai-batu mai, lamatua daebafak fo, emi ta malelak-kana, ma emi bei-ba'i kaim-mala boeo, ta lalelak-kana fa.

ULANGAN 32:26

Au hii tao amopo-amate la'iesak-kasa, fo ela mopo na'den-nala.

ULANGAN 4:27

Neukose Manetualain tao tapasasala emi nai leoina fe'ek-kala tala'da, de ela ka'da emi hataholim lumanak laso'da lahele.