YESKIAL 48:9 - Susula Malalaok Hehelu Palak Ma Hehelu Beuk

⁹ Fe hehelik dae ndia seli neu Manetualain, fo nde dae manai dae ndia usen-na, nalun-na, kilo sanahulu dua, metel natun lima, ma loan-na, kilo sanahulu.

YESKIAL 48:9 ပူးပေါင်းရင်းမြစ်များ

YESKIAL 44:28

Basa imam-mala, ala sipo kandela nangatutuuk imam ndia, da'di leo sila baba'en-na, neme hata fo Au fen neu Israel no tititi-nonosin-nala. Sila ta bole hapu hata esa boen nai Israel fa. Nana sila hata-heton nde, Au.

YESKIAL 45:1

Lelek fo, dae ndia beita nanababa'ek neu leo-la esa-esak, fo da'di sila dae pusakan, muse duiheni duduik esa soaneu Manetualain. Dae ndia nanalun-na, muse kilo sanahulu dua, metel lima, ma loloan-na, kilo sanahulu. Dae ndia basa-basan lala'en-na, malalao-malalafuk.

YESKIAL 48:10

Neukose Manetualain Uman-na, napadeik nai dae ndia tala'da. Basa imam-mala, muse hapu baba'ek neme dae malalao-malalafuk ndia mai. Sila baba'en-na, neme su'un dulu-leo su'un muli neu, kilo sanahulu dua, metel natun lima, ma neme su'un kii leo kona neu, kilo lima.

YESKIAL 48:8

Muse uku-ma, dae ndia baba'ek esa, soaneu paluu hehelik. Nalun-na, muse kilo sanahulu dua, metel natun lima, fo neme too kii losa too kona. Too dulu ma too muli, nanalun-na, muse sama no leo-leo Israel-la, dae baba'en-nala, nanalun-na. Manetualain Uman-na, neukose napadeik nai baba'ek ndia.