YESKIAL 48:8 - Susula Malalaok Hehelu Palak Ma Hehelu Beuk

⁸ Muse uku-ma, dae ndia baba'ek esa, soaneu paluu hehelik. Nalun-na, muse kilo sanahulu dua, metel natun lima, fo neme too kii losa too kona. Too dulu ma too muli, nanalun-na, muse sama no leo-leo Israel-la, dae baba'en-nala, nanalun-na. Manetualain Uman-na, neukose napadeik nai baba'ek ndia.

YESKIAL 48:8 ပူးပေါင်းရင်းမြစ်များ

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESKIAL 48:21

Dae hehelik fo, nanasadiak soaneu Manetualain Uman-na, soaneu basa imam-mala, soaneu hataholi Lewi-la, ma kota ndia boboan muli ma boboan dulu, nde been-na soaneu manapaleta. Nai dae ndia boboan dulu, namaloa losa leo, dae too dulu neu, ma nai boboan muli, losa Tasi Tala'dak, fo nai dae Yehuda ma dae Benyamin-na, tala'da.

YESKIAL 48:35

Basa papala nanadamak ndia lala'en-na, nanalun-na kilo sio. De mulai hatematak ia, hataholi-la foi kota ndia na'de: “Manetualain NAI NDIA!”

YESKIAL 48:9

Fe hehelik dae ndia seli neu Manetualain, fo nde dae manai dae ndia usen-na, nalun-na, kilo sanahulu dua, metel natun lima, ma loan-na, kilo sanahulu.

2 KORINTUS 6:16

Tututi na leo beek nai Manetualain Uma na no Uma sosongo-tatango ka tala'da? Ita ia, Manetualain uman, fo nde Manetualain fo maso'da ka. Manetualain nafa'da nae, “Neukose Au leo nai sila tala'da heon, ma Au aso'da sama-sama os. Neukose Au da'di sila Manetualain, ma neukose sila da'di Au hataholi kamaheheleng.

KOLOSE 2:9

Nanahu basa Manetualain ha'da-tataon lala'e na, hapun nai Kristu sao paa hataholi daebafa na dalek.

NINITAK 21:22

Au ta ita Manetualai Uma na nai kota ndia dalek fa, nana Manetualain Uma na nde Lamatua ka mesa kana, Manetualain Fo Mana Koasa, ma Bi'ilopo Ana ndia.

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.

NINITAK 22:3

Nai kota ia dalek, ta hapu hataholi esa boen fo Manetualain supa-soo fan. Manetualain ma Bi'ilopo Ana ndia kandela mane na, nai kota ndia dalek fo ata nala hule-haladoi neun,