YESKIAL 48:30 - Susula Malalaok Hehelu Palak Ma Hehelu Beuk

^30-34 Lelesu masok leo kota Yerusalem-ma neu, hapu lelesu sanahulu dua. Papala nanadama ka haan-nala, esa soona, metel natun dua limahulu, ma lelesuinan telu. Lelesuina sila-la na'den-nala, nanafoik tunga leo-leo Israel-la, na'den-nala. Lelesuina manai kii-la, nanafoik na'de Ruben, Yehuda ma Lewi; lelesuina manai papala nanadamak dulu-la, nanafoik na'de, Yusuf, Benyamin boema Dan; manai papala nanadamak kona-la, nanafoik na'de Simeon, Isakhar, ma Zebulon; boema manai papala nanadamak muli-la, nanafoik na'de, Gad, Asyer, ma Naftali.

YESKIAL 48:30 ပူးပေါင်းရင်းမြစ်များ

KEJADIAN 35:23

Lea anan-nala nde Ruben (Yakob ana ulun-na), Simeon, Lewi, Yehuda, Isakhar, ma Zebulon.

YESKIAL 42:11

Nai kaman-nala matan-na, hapu mangalolok fo, sama-na leo mangalolok manai boboan kii. Uuku-dodoun sama, kama-la lupak esa, lelesun-nala boeo sama.

YESKIAL 45:6

Muse dui fe'e dae duduik esa, nalun-na kilo sanahulu dua seselik, ma loan-na, kilo dua seselik, nai dae malalao-malalafuk ndia boboan-na, soaneu tao kota esa neu ndia, fo su'di hataholi see fo, neme leoina Israel-la mai, ana bole leo nai kota ndia.

YESKIAL 48:16

Kota ndia, muse balakak, fo kota ndia su'un esa-na, kilo esa metel natun dua limahulu.

NINITAK 21:16

Kota ndia lupa na bala'kak – nanalu na sama no loloa na. Boema ata nusa so'dak ndia uku kota ndia ninik aitete'e uuku na, de ana hapu nanalu na kilometel lifun dua natun ha. Loloa dedeman sama na leo nanalu na.